رواية كوميدية
وهي بتشدني من دراعي بعصبيه
لا بقولك ايه شغل الاستهبال ده مش عليا انتي هتوافقي ورجلك فوق رقبتك
احنا مش مستعدين نخسر ثروه كامله بسبب تفاهتك
نفضت ايدي من ايديها بنرفزه
احنا مش عبيد عشان جدي يعمل فينا كده !
يعني ايه شرط عشان يكتبلنا ثروته أن بنت من العيله تتجوز المحروس علي عينه
طب افرض محدش أتقبل الوضع خلاص كده حقنا يروح
لا ياماما مش هوافق ومحدش هيقدر يغصبني و
ماما بعصبيه وهي بتقاطعني
انا هجبلك أبوكي وأخواتك يتصرفوا معاكي
رديت بلا مبالاه
تمام كده كده موقفي مش هيتغير !
خرجت من الأوضه ورزعت الباب وراها وانا نفخت بضيق وعصبيه وانا بهبد رجلي في الأرض وپصرخ بغيظ
برضو مش هتجوز مش هتجوز بالطريقه ديه ومش هتجوز البني ادم اللي شايف نفسه ده هه
شغلت اغاني وروحت نحيه الدولاب وغيرت هدومي لبست شورت وفوقيه تيشرت احمر كات وفردت شعري علي ظهري وحطيت ميك اب وانا واقفه اغني بلامبالاه ولا كأن حصل حاجه
خلصت وروحت قعدت علي سريري وفتحت الواتس وفضلت اتكلم شويه مع اصحابي لحد ما اتبعتلي ماسدج من رقم غريب فورا عرفت صاحبها
بقولك ايه يا عروسه الهم والندامه انتي انا اضطريت اختارك عشان سردين دي لا تطاق والبنات التانين واضح انهم مرتطبين ف للاسف الشديددد يعني انا اختارتك انتي
الواحد حاسس انه هيتجوز واحد صاحبه بس كله يهون عشان الفلوس
معلش نتجوز وناخد حقنا واطلقك وكل واحد فينا يروح لحاله
قريت الماسدج وحسيت أن الډم فار في دماغي من كميه الغرور وقله الذوق اللي كان فيها !
جزيت علي اسناني بغيظ وانا بفتح الفويس وببعتله بكل عصبيه
وانا مش هوافق علي الجوازه دي اياكش نفلس ولا نشحت في الشوارع انا استحاله اوافق على واحد زيك ياض ده انت عيل طري الناس تقول اي ياربي واحده متجوزه واحده صاحبتها !
ثواني وبعتلي فويس وهو متعصب
انتي متربتيش وانا مش هسكت علي الاهانه دي
بعتله ببرود
طز
هتوافقي ورجلك فوق رقبتك
محدش يقدر يجبرني ياعسل
انا اقدر اجبرك وافقي بالذوق احسنلك
اتعصبت اكتر وانا بقوم من مكاني وبكتبله بغيظ
طب مش موافقه وحالا هروح لجدي أبلغه برفضي ويحصل اللي يحصل بقي
قولت جملتي وقفلت الفون وروحت نحيه الدولاب عشان اغير هدومي لسه هفتحه لقيت الفون بيرن
رفعت حاجبي لما لقيت رقمه بيرن
افندم
خليكي في مكانك وبلاش جنان
هزيت رجلي بعصبيه
ملكش دعوه ومش هتجوزك
يابنتي استهدي بالله واسمعيني
نفخت بضيق وانا بقعد علي السرير
لخص
الخص!
ايوه وياريت بسرعه عشان الخلق يادوبك
رد بسخريه
لوكل اوي
اللهم طولك ياروح نسأل الله الخلاص عشان الواحد خلاص
لا متقلقيش خلاص نطيت اهو
رفعت حاجبي باستغراب
نطيت!
انت عبيط يالا
طب ليه الغلط مش عيب تغلطي في جوزك برضو !
اتنفضت من مكاني لما لقيته دخل من البلكونه بتاعتي اللي كنت فتحاها
ع
كنت لسه هصوت بس هو قرب مني بسرعه وحط أيده علي بوقي
هششش اخرسي هتفضحيني
امممممم اممممممم
بصلي وهو بيقول پحده
هشيل ايدي بس لو صوتي مش هيحصل كويس اوك
اممممم امممم
يبقي اوك
شال أيده وأنا بعدت بتلقائية وانا بتنفس بسرعه وببلع ريقي بتوتر
ا انت اټجننت انت ازاي تدخل اوضتي ا انت
ربع أيده وهو بيرد بلا مبالاه
عادي من البلكونه سهله يعني بلكونتك لزق في بلكونتي !
انت مچنون لا بجد مچنون
بصلي من فوق لتحت وهو بيربع أيده وبيضحك ضحكه خبيثه
اممممم مانتي بنت اهو اومال عامله فيها عبده السمكري ليه !
برقت پصدمه وقلبي اتنفض لما افتكرت اللبس اللي انا لبساه
شديت الغطا اللي علي السرير وانا بحاول اقول كلمتين علي بعض
ا ا انت ا انت انت ا انت
ايييييه انتي علقتي !
خدودي احمرت وانا علي وشك اعيط من كتر الإحراج
ا اخرج ل لو س سمحت عيب كده ا انا
رد ببرود
اسمع موافقتك الاول وأخرج
رديت بعصبيه
مش موافقه مش هتجوز هو عافيه
والله للاسف جدي هو اللي عايز كده
وطبعا كلكم بتفكروا في الفلوس وبس
رد بلامبالاه
اومال هنفكر في أي غيرها
رديت بغيظ
انت مادي حقېر
ضحك ضحكه صفراء
وماله
اخدت نفس طويل وانا بحاول اكون هاديه
لما انت مش هامك غير الفلوس اختارتني ليه !
امممم مانا جاوبتك قولتلك دارين ولا سردين ديه لا تطاق والتلاته التانين باين كده مرتبطين وانا محبش افرق قلبين بيحبوا بعض ابدا
رديت بسخريه
ياحنيييين
حط أيده علي صدره وكأنه بيشكرني
الله يكرم اصلك
اللهم طولك ياروح طب علي فكره بقي انا كمان مرتبطه وبحبه و
مفقوسه اوي بجد شوفيلك كذبه غيرها
أوووووف اووووف اطلع برا
رد ببرود
اوك
وراح نحيه الباب وكان لسه هيخرج قربت منه وانا بشده من دراعه بتلقائية وخوف
انت رايح فين انت مچنون !!
رد بخبث
الله مش انتي قولتيلي أخرج
ايوه بس كان قصدي تخرج من مطرح ما جيت !
اممممم ماهو بصراحه انا المره الاولي كنت هقع
والله!
اه والله
يابني انت متعصبنيش بقي وأخرج من اوضتي وإلا
مال بنص جسمه وهو بيبص في عيوني بتحدي
وإلا ايه
بلعت ريقي وانا برمش عيني اكتر من مره بتوتر
و و هصوت والم عليك الدنيا
راح قعد علي السرير وفرد ظهره بكل برود
اوك صوتي
بصيتله بذهول
انت بتعمل ايه انت عبيط
اممممم مقبوله منك عشان انا مش بحب امد ايدي علي بنت
شاورلته پحده
اخرج برا
توء انا عاجبني الأوضه هنا
يابني انت ا
قطعت جملتي مره واحده لما قام وقف وقرب مني وهو بيبص في عيوني
انا مش هخرج من هنا غير لما توافقي
وبعدين فكري فيها كده بالعقل احنا هنتجوز جواز مصلحه
ومتقلقيش مفيش اي حاجه هتتغير ابدا اظن فاهمه قصدي !
بلعت ريقي وانا بهز راسي بتوتر
ا اه
اوك يبقي توافقي وياريت لو نكتب الكتاب في اسرع وقت
رفعت حاجبي باستغراب
اشمعنا
حط أيده في جيوبه وهو بيقول بحب
عشان ارجع علي امريكا لحبيبتي
قلبي اتنفض وانا بساله بنبره مهزوزه
ا انت مرتبط!
اكيد يعني
وقرب مني
وهو بيهمس
بس اوعي تقولي لحد عشان جدو ميزعلش مننا
هزيت راسي بلا مبالاه
اوك
قفل عينه نص قفله بشك
يعني موافقه
هزيت راسي
اه بس بشرط
رفع حاجبه
بسخريه
شرط
رديت ببرود
اه
ايه هو
ملكش دعوه بحياتي الشخصيه
بمعني
يعني طول ما حنا متجوزين محدش فينا يسال التاني هو بيعمل ايه
يعني شوفتني بكلم حد بحب في حد لابسه لبس مش علي هواك متتدخلش
ومتسألنيش عن أي حاجه تخصني وانا كذلك
ضحك بسخريه
والله ليه شيفاني واقف مركب اريل فوق دماغي ولا شيفاني كيس جوافه قدامك !
ربعت ايدي ببرود
والله هي دي شروطي
جز علي أسنانه بضيق
أن شاء الله
اوك يبقي اتفقنا
رد بغموض
اتفقنا
بارك الله لكما وبارك عليكما وجمع بينكما في خير
ومع الجمله اللي قالها المأذون واللي بتعلن عن جوازنا رسمي اللي بتعلن أن انا بقيت ملك شخص معرفهوش!
قلبي اتنفض
حتي لو كان الوضع مؤقت لكن في النهايه انا قدام الناس بقيت مراته
العيله كلها قربت مني تبارك وتهني ماعدا دارين طبعا اللي كانت واقفه عايزه ټموتني
حقها هو فضلني انا عليها بالرغم انها اجمل وارق واحسن مني في حاجات كتير حقها تتضايق وحقها تحقد عليا
كنت بقابل الكل بابتسامه مزيفه بالرغم من الخۏف اللي دب في قلبي اول ما أعلن المأذون الجواز رسمي وقدام الكل
مكنتش قادره احدد احساسي وقتها
هو انا فعلا خاېفه ولا متوتره انا مبسوطه ولا زعلانه شعوري كان متناقض تماما كان عباره عن خوف وتوتر وفرحه وحزن مع دقه قلب غريبه لاول مره !!!
قرب مني وهمس في ودني
مبروك
قلبي دق للمره اللي مش عارفه عددها وفركت ايدي بتوتر وانا برد بنفس الهمس
الله يبارك فيك
سحب ايدي بين ايديه وشبك صوابعه في
صوابعي وانا ببصله باستغراب
انت بتعمل ايه !
ضحك ضحكه مزيفه وهو بيبص قدامه
بعمل عريس
رفعت حاجبي باستغراب
افندم!
لف برأسه وهو بيبص في عيوني وبيقولي بغموض
يعني لازم نبين للناس أننا بنحب بعض
رديت بتلقائية
بس انا مش بحبك
ضحك وهو بيرد بسخريه
قال يعني انا اللي بحبك !
كلها مجرد تمثليه عملناها عشان جدي يكتبلنا الفلوس وكل واحد يروح لحاله
وبصلي من فوق لتحت بسخريه اكبر
متحلميش باكتر من كده ياميان
جملته غاظتني فبصلته بقرف وانا بسحب ايدي من أيده بغيظ
انت اللي متحلمش باكتر من كده ولو حتي عقلك وزك وحبيتني ف استحاله انا احبك يا شاطر
ضحك ببرود
يبقي خالصين بس اوعي تحبيني اصل انا عارف تأثيري قوي علي اي بنت
بصيتله بتحدي
اي بنت إلا انا
رد بغموض
اوك
بصيت قدامي وانا بحاول ارسم ضحكه مزيفه علي وشي وخاصه لما شوفت جدي بيقرب مننا وهو باين علي وشه الفرحه
الف مبروك ياولاد
ردينا في نفس واحد
الله يبارك في حضرتك ياجدو
جدو
انتوا مش متخيلين فرحتي بيكم قد اي ربنا يسعدكم يارب ويرزقكم بالذريه الصالحه
ياسين
يااااارب اللهم امين ياجدي
اما عني اكتفيت بابتسامه وانا ببوس أيده بأحترام
وبعد شويه خلص الفرح ومشيت الناس ومتبقاش غير العيله بتاعتنا
مالك ابن عمي بفرحه
الف الف مبروك ياحبيبتي ربنا يسعدك يارب
ابتسمت بحب لاني بعتبره زي محمود اخويا بالظبط بالرغم أنه اخو دارين بس حقيقي مش شبهها خالص !
الله يبارك فيك ياقلبي وعقبالك يباشا لما نفرح بيك كده
ياسين برفعه حاجب
قلبك!!
مالك باحراج
انا بعتبر ميان اختي الصغيره و عموما الف مبروك يا ياسين
ياسين وهو بيرد عليه بجمود
الله يبارك فيك عقبالك
جدي
يالا بقي ياعريس خد عروستك واطلع علي شقتك
دارين بلهفه
لا ثواني ياجدو حضرتك قولت ا احم ي يعني قولت ا انه
جدو وهو بيقاطعها
عارف يادارين علي الميراث
وبصلنا بغموض وهو بيقول
انا فعلا قولت اني هكتب الميراث لو ياسين اتجوز حد منكم بس مقولتش علي الشرط التاني
ردينا كلنا في نفس واحد باستغراب
الشرط التاني !!!
جدو وهو بيحط أيده علي كتفي بابتسامه
لما افرح باول حفيد ليا أن شاء الله هكتبلكم الميراث
برقت عيني وانا برد بتلقائية
مستحييييل !!!!
جدو باستغراب
هو ايه اللي مستحيل يابنتي
ياسين بتوتر وهو بيبتسم ابتسامه مهزوزه
هههه ههه متاخدش علي كلامها ياجدو ميان بتحب تهزر صح ياحبيبتي
قال جملته وهو بيسحبني لحضنه وانا مش فاهمه اي حاجه
همس في ودني بغيظ
اقفلي بوقك متفضحناش
كنت لسه هرد بس هو قاطعني
يالا بقي ياحبيبتي نطلع عشان انا تعبان جدا
يالا ياجماعه تصبحوا علي خير
قال جملته وسحبني وخرجنا من البيت وانا بحاول أفلت منه بس كان اقوي مني
وفجأه بصلي بصه رعبتني وهو بيقول بهدوء مريب
بطلي تتحركي واطلعي بالذوق
وقدام نبرته اللي رعبتني هزيت راسي من غير ما انطق حرف زياده
وصلنا قدام باب
البيت وهو ساب ايدي وفتح الباب وسحبني مره تانيه لجوا
سحبت ايدي منه اول ما دخلنا وانا بقول بعصبيه
ايه انت بتسحب بهيمه !
اتنهد
وحط أيده في جيبه وهو بيجز علي أسنانه بغيظ
بجد مشوفتش في غبائك
شوحت بأيدي بكل عصبيه
ما تحترم نفسك يابني آدم انت
شد علي شعره بغيظ وهو بيقرب مني وبيشدني من دراعي
انتي اللي احترمي نفسك وانتي بتتكلمي معايا ياهانم انا جوزك مش واحد مش الشارع !
نفضت ايدي من أيده وانا بزعق بعصبيه
وانا مش خدامه عندك ولما تيجي تتعامل معايا تتعامل باحترام لحد ما نخلص من ام دي شغلانه
ربع أيده بسخريه
يبقي مش هنخلص
رفعت حاجبي باستغراب
يعني ايه
راح قعد علي الكنبه وهو بيسند ظهره عليها بتعب
يعني طالما جدي حط شرط أننا نخلف يبقي مش هنخلص
ورفع رأسه وبصلي
اكيد طبعا أنا مش هخلف من واحده زيك
ضحكت بسخرية وانا بشاور بأيدي
علي اساس اني ھموت واخلف منك يا اخر قطعه في الكيمو كونو
وحطيت ايدي تحت خدي بتفكير وسخريه
تكونش مفكر نفسك محور الكون يا اخ ياسين !
بصلي ورد ببرود
لا انا محور الكون ولا انتي محور الكون ولا حد محور الكون
واقولك علي حاجه اخفي من وشي عشان انا مش طايق اشوف وشك ده
بصيتله بقرف من فوق لتحت
يكون احسن برضو اهو ارتاح من وشك اللي يقطع الخميره من البيت
دي الله يكون في عونها البنت اللي بتحبك مش عارفه مستحملاك ازاي ده انا معاك بقالي تلت دقائق ومش طايقه اشوف وشك
قولت كلامي اللي زي السم ودخلت الأوضه وانا برزع الباب ورايا بكل قوتي
غيرت فستاني ولبست بيجامه ستان لونها ابيض اكمامها شفافه وفردت شعري اللي كان واصل لنص ظهري ومسحت الميك اب وخرجت من الأوضه
كان لسه ياسين قاعد علي الكنبه وحاطط وشه بين ايديه واول ما حس اني خرجت رفع رأسه
لمحته بطرف عيني وهو فاتح بوقه ورافح حاجبه باستغراب عيونه واضح عليها نظره اعجاب !
عملت نفسي مش مهتمه واتحركت علي المطبخ بالرغم اني كنت متوتره بشكل غريب
قلبي بيدق بشكل يخض وكأنه بيقولي باين عليا هحب ياسين الشخص اللي كنتي رافضه حتي تشوفيه !
وقفت اعمل قهوه وانا عقلي في مكان تاني خالص بفكر في مستقبلي
ياتري هيكون عامل ازاي وخاصه بعد شرط جدو الجديد
ياتري هفضل مع ياسين لمده شهر بحاله تحت سقف بيت واحد
هشوفه كل يوم ياتري مع كل مره هيكون موجود هحس نفسي متوتره وعايزه اهرب من عيونه اللي بتربكني!!
طب ياتري ممكن أحبه !
ومع كل الأسئلة اللي دارت في دماغي مخوفتش غير من سؤال واحد وهو ممكن احب ياسين !
اتنهدت وخرجت من شرودي وانا بطفي علي القهوة اللي كانت علي وشك انها تفور
صبيتها في فنجان ولفيت عشان أخرج من المطبخ بس صړخت مره واحده بفزع لما لقيته واقف علي بعد مسافه صغيره مني
ا ا انت بتعمل ايه هنا !
بصلي وهو بيرد بغموض
لازم اعمل بشروط جدو
قلبي اتنفض ورمشت عيني اكتر من مره وانا ببعد خطوه لورا
ق ق قصدك ايه
قرب مني خطوه وهو بيرد بهدوء مريب
يعني لازم نجيبله حفيد
لااااااا بقولك ايه انسي اللي في دماغك ده انسي خاااالص ده علي چثتي و
قطعت جملتي لما قرب مني مره واحده ومسك راسي بايده وخبطني في راسي وهو بيقول بغموض
اسف بقي مفيش قدامي غير الحل ده
عيوني اتقلبت وانا بقول بدون وعي
مين طفي النور
ومع آخر جمله قولتها محستش بنفسي غير وانا بقع بين ايديه والفنجان بيقع من ايدي وبيتكسر ميه حته زي قلبي تماما
ممكن افهم انتي بټعيطي ليه دلوقتي
قالها بكل برود وهو قاعد علي طرف السرير وانا قاعده ضامه ركبتي الاتنين لصدري وبعيط بحرقه
مكنتش قادره استحمل الفكره !
فكره أنه كده عشان شويه ملاليم متسواش اي حاجه بالنسبالي
ازاي قدر يستحمل يخدعني بالشكل ده ازاي في الليله الوحيده اللي كل البنات بتبقي فرحانه فيها يخليني أتعس واحده في حياتي !!
ليه وعشان ايه عشان الفلوس
طب هو مش فارق معاه لانه ولد لكن انا ليه محسش بشعوري
ليه مقدرش أني فضلت سنين كتير بحلم باليوم ده لكن مع الشخص اللي بحبه الشخص اللي برتاح معاه الشخص اللي بحس معاه بالأمان
ليه في لمح البصر يهدم كل أحلامي بكل قسوه وبعد كل ده جاي يسألني بټعيطي ليه !
قرب مني ولسه هيحط أيده علي ايدي بس انا بعدت وانا پصرخ پخوف
ابعد عني
غمض عينه واخد نفس طويل وهو بيمسح
علي وشه بضيق
خلاص ياميان محصلش حاجه لكل ده انا
جوزك !
رفعت راسي وانا برد پشراسه ودموع
مش جوزي
وبصيت في عيونه بتحدي
انت مش جوزي ولا
عمري هتقبل فكره انك جوزي
وضحكت بسخريه والدموع في عيوني
بالنسبالك محصلش حاجه عشان انت ولد عشان انت واحد عايش برا وبالنسبالك ده عادي
لكن انا
انا اتكسرت انت كسرتني بعملتك دي انت حيوان انت معندكش مشاعر
انت عملت كده عشان الفلوس ومفرقش معاك احساسي و
قاطعني بعصبيه وهو بيهبد علي السرير
خلاص اخرسي انا معملتش حاجه انتي زي مانتي
ا انت بتقول ايه
بصلي ببرود
زي ما سمعتي
وقرب مني وهو بيبص في عيوني بقوه
انا مش حيوان عشان اعمل كده
ولف خصله من شعري علي صوابعه وهو بيكمل بټهديد
انا بس حبيت اعرفك مقامك مش اكتر
عشان تاني مره لما تيجي تتكلمي معايا تتكلمي بحدود سامعاني ياميمو!!!
كنت بتنفس بسرعه وبرمش بعيني وهو قريب مني بالشكل المريب ده
حسيت دقات قلبي هتوصل للسما من كتر ما هي مضطربه ومتوتره من قربه
عيوني تلقائيا بتروح لاي مكان إلا عيونه اللي لو بصتلها هتحس قد ايه انا متوتره وانا مش عايزاه يحس بتوتري أو أنه مآثر عليا بالشكل ده !!
بعد عني وقام خرج من الاوضه وانا مازلت علي حالتي
منكمشه في نفسي
وقلبي مش عايز يبطل دق
عيوني مش راضيه تبطل ترمش
مشاعري وانا في قربه مش راضيه ترحمني !
وفي الخلفيه صوت الست بتقول
اهرب من قلبي اروح علي فين!
وقتها مكنتش لاقيه اجابه السؤال
من الواضح اني مش هقدر اهرب من قلبي اللي حابب قربه متوتر مكسوف لكن في النهايه حاسس براحه غريبه وكأنه بيقولي مفيش هروب مني أو من ياسين !
نفضت الافكار الغريبه دي من دماغي وقومت من مكاني وانا بتنهد بحيره
خرجت برا الأوضه لقيته قاعد علي الكنبه وماسك الفون بتاعه بس بالرغم من كده حسيته بعيد كل البعد عن الفون كأنه في عالم تاني خاااالص
مهتمتش أو حاولت مهتمش ودخلت الحمام وبعد شويه خرجت لقيته لسه زي ما هو
دخلت الأوضه مره تانيه وقفلت الباب بالمفتاح وغيرت هدومي وسرحت شعري وحطيت ميك اب وكأني عروسه بجد في يوم صباحيتها!!
كنت لابسه بيجامه قطعتين لونها بيبي بلو بنص كم وفردت شعري علي ظهري وحطيت ميك اب رقيق وهادي بالرغم اني مش بحب احطه دايما
بس يمكن المره دي حبيت اعمل كده عشان اثبتله اني بنت وحلوه واقدر اعمل زي ما البنات بتعمل اقدر اخليك تنبهر بيا وبرقتي ودلعي اقدر اتحول من شخصيه ميان المجنونه الطفله العفويه لميان الانسه الكبيره العاقله
اخدت نفس عميق وخرجت من الاوضه لقيته مش موجوده بس عرفت أنه في المطبخ لما سمعت صوت الحلل
حطيت ايدي تحت خدي وانا بسأل بتفكير
امممم ياتري بيعمل ايه
وكأنه كان عايز يجاوبني في نفس اللحظه لما لقيته خارج من المطبخ وفي أيده فنجان قهوه لكن الغريبه أنه مبصليش ولا حتي عبرني وكأني هواء
دخل البلكونه وقعد فيها وانا مازلت واقفه في مكاني وفاتحه بوقي مصدومه من تصرفاته
روحت قعدت علي الكنبه وفتحت التلفزيون وانا براقبه بطرف عيني بصمت وفضول
فضول !
هو انا من أمتي عندي فضول انا عمري ما كان عندي فضول اعرف شخصيه حد!
اشمعني هو ليه من بين كل البشر هحب ده ليه يوم ما قلبي يدق يدق للشخص الغلط
كنت طول عمري بسال المرتبطين سؤال واحد حبيتي فيه ايه !
كنت بسمع اجابات غريبه اجابات غير منطقيه بالمره
كنت بسمع أن الأشخاص اللي بيحبوهم فيهم عيوب الدنيا بس بالرغم من ده مش قادرين ياخدوا خطوه البعد !
كنت بستغرب كنت بحاول اقنعهم أن العيوب مش ممكن تتصلح العيوب هتهدم قصه حبكم بس مكنتش بلاقي مبررات
افتكر مره واحده صاحبتي قالتلي جمله مش هنساها
مفيش حد كامل كل واحد في عيب بس الاهم من كل ده انك تتأقلمي علي العيب ده مش تسيبي الشخص لمجرد عيوبه الحب انك تضحي وهو كمان يضحي
وقتها وقفت وأنا وبسال نفسي هل هقدر أضحي عشان حد في يوم من الايام
طب هل هلاقي اللي يضحي عشاني في يوم !
فوقت من شرودي علي صوته وهو قاعد جنبي علي الكنبه وبيسألني بهدوء
مالك !
اتوترت وانا ببلع ريقي بصعوبه
م مفيش
هو انتي فعلا بتحبي حد
بصيتله باستغراب
وده يفرق معاك في ايه
هز رأسه
عادي يعني مجرد دردشه
ومدلي أيده وهو
بيبتسم
ايه رأيك لو نبقي صحاب بعيد عن أي حاجه
رفعت حاجبي بدهشه
صحاب!!
امممم يعني بما اننا هنعيش مع بعض لمده شهر فليه نعيش مش طايقين بعض لما ممكن نكون صحاب
علي فكره انا مش بكرهك لاني مسبقش واتعاملت معاكي وانتي كمان المفروض متكرهنيش
و و احم ا انا بعتذرلك عن الموقف البايخ اللي حصل امبارح
اتنهدت بهدوء
حصل خير
سالني بفضول
ها موافقه نكون صحاب
بصيت لايده الممدوده بتردد وانا ببلع ريقي بتوتر لكن في النهايه مديت ايدي لايده وانا بقول بهمس وتوتر
موافقه
ابتسم بهدوء وهو
بيضغط علي ايدي اللي كانت في أيده وانا من توتري سحبتها وانا ببتسم بتوتر
ها بقي ياستي اسمه ايه
رديت باستغراب
هو مين !
غمزلي بعينه
اللي بتحبيه
بصيت في الأرض وانا بفرك ايدي بتوتر
م مش بحب حد
رفع حاجبه بشك
ده بجد
والله انا مش مرتبطه
ولا عمرك ارتبطي!
هزيت راسي بنفي
لا
طب ليه
ملقتش الشخص المناسب
اممممممم
بصيتله وانا بسأله بفضول
وانت
انا ايه
اللي بتحبها اسمها ايه !
ابتسم وهو بينطق اسمها بكل الحب اللي في الدنيا
جاسمين
الغيره نهشت قلبي وحاولت معيطش وانا ببتسم
ربنا يخليكوا لبعض
يارب
سالته بفضول
وهي عارفه بقي انك اتجوزت !
سند ظهره علي الكنبه وهو بيهز رأسه
اه
غريبه
ايه هي اللي غريبه
غريبه يعني أنها موافقه اصل انا لو مكانها مش هوافق ابدا
سالني بفضول وهو بيبص في عيني
ليه !
بعدت عيوني عنه وانا بفرك ايدي بتوتر
ا اصل ي يعني ا اصل انا لما احب واحد مش هسمح ان حد يشاركني فيه حتي لو كانت لعبه
ضم شفايفه في بعض بحيره وهو بيبصلي
هو انا ممكن أسألك سؤال
هزيت راسي
اكيد طبعا
هو انتي اسمك ايه
بصيتله باستغراب
نعم !
اتنهد بحزن
يعني اقصد اسم الدلع بتاعك ايه
رديت بتلقائية
جاسمين
ابتسم بخبث
يبقي انتي رديتي علي سؤالي
وقرب مني وهو بيهمس في ودني
مفيش حد مشارك جاسمين في حبيبها غير جاسمين نفسها
في الدنيا مفيش ابدا ابدا احلي من الحب
نغلب نتعب نشتكي منه لكن بنحب !
كان صوت الست بيجوب المكان وانا واقفه في المطبخ بعمل اكل وبميل بكل رقه ودلال وانا بدندن مع الاغنيه
كنت حاسه اني طايره في السما حاسه اني واحده جديده خالص واحده عرفت معني الحب اللي بجد
حبيبي سرحان في ايه
لفيت وانا علي وشي ابتسامه كلها حب
فيك
حط أيده علي قلبه وهو بيقول بهزار
الحقوناااا الحقونااا بجد
ههههههههههه
قرب مني وحضني وباس راسي بحب
وحشتيني
سندت راسي علي صدره وانا بغمض عيني بشم ريحه البرفيوم بتاعته اللي أصبحت مؤخرا بعشقها زي ما بعشقه
وانت كمان اوي
وحطيت أيده علي بطني وانا بقول بحب
وحشتني يابابي
ضحك واخدني في حضنه وانا ابتسمت برقه وانا بفتكر اللي حصل من شهرين بالتقريب
فلاش بااك
نعم ا ا أن ا انت بتحبني !
هز رأسه وهو بيبص في عيوني بحب
ايوه بحبك
طب ازاي !
ميان انا مش ابن عمك
رديت پصدمه
نعمممممم !!!!
انا جارك اللي عايش في العماره اللي في وشك من سنه وانتي مش واخده بالك منه
جاري مين انت بتتكلم بجد ولا بتهزر
انا مش بهزر ياميان انا جيت المنطقه من سنه واول حد اشوفه هو انتي
شوفتك بتلعبي كالعاده مع
أطفال الشارع
وضحك وهو بيفتكر
اول ما شوفتك استغربت قولت ازاي بنت كبيره وعاقله تقف تلعب مع شويه أطفال
شدتيني ليكي وقفت مكاني اراقبك واراقب موهبتك في اللعب اللي مكانتش موجوده من الاساس لحد ما خلصتي لعب وكسرتي نص قهوه عم محمد ووقعتي نص بضاعه الست بتاعه الصابون وضړبتي دماغ خمسين شخص واقفين
طلعت شقتي وبليل كنت واقف في البلكونه اتفاجئت لما شوفتك واقفه في البلكونه اللي في وشي علي طول بتكلمي ساره صاحبتك وبتصيحي من مواد الكليه كالعاده
بقيت اشوفك كل يوم لقيت نفسي براقبك كل ثانيه بمشي وراكي بحاول افهمك بحاول اعرف عنك اي حاجه
معرفش ليه كنت مشدود ليكي اوي كده بس يمكن عشان حسيتك مختلفه !
رديت بتوتر
مختلفه في ايه
ابتسم وقرب مني وهو بيمسك ايدي الاتنين بين ايديه وبيبص في عيوني بكل حب
في كل حاجه كفايه أن انتي الوحيده اللي حركتي قلبي من مكانه
طب وليه انت وجدو عملتوا عليا لعبه
ليه متقدمتش من غير كل الحوارات دي !
هز رأسه بيأس
مين قال اني متقدمتش
اتقدمت لمين !
لجدك وباباكي
طب وليه محدش قالي
قالولك بس انتي كنتي رافضه ياميان كنتي رافضه
فركت ايدي بتوتر
ا ايوه صح ا انا كنت رافضه الفكره من الاساس
ليه ياميان !
خاېفه اقولك السبب تتريق عليا
جربي تقوليلي ومش هتندمي
عشان انا بخاف
پتخافي من ايه !
بخاف احب حد
وهو
الحب وحش !
بصيتله والدموع بتلمع في عيني
مش طول الوقت الحب حلو
بمعني
يعني أنا بخاف احب حد ويمشي
بس انا عمري ما همشي
ضحكت بسخريه
وانا ايش ضمني
اتنهد بحيره
للاسف مفيش ضمان اقدرك اقدمهولك
مين بقي صاحب فكره الميراث دي
ا احم جدك لما ملقاش منك امل قرر يعمل الفكره دي ويقول إني ياسين ابن عمك اللي مسافر بره من زمان
وانت بقي اسمك ايه!
سيف
وبعدين
بص في عيوني بحب وإصرار
هخليكي تحبيني
بصيتله بتحدي ممزوج پخوف
صعب
جربي
ارجوك يا سيف انا مش حمل ۏجع قلب مش حمل احبك وتسيبني
انتي اللي ارجوكي اديني فرصه واحده بس
سيف انت حبتني من بعيد
يعني ايه
يعني الحاجه من بعيد ممكن تكون حلوه ولما تقرب منها تكتشف انها عاديه جدا بل أقل من العاديه فتسيبها وتدور علي غيرها
بس انا قريب منك يا ميان بقالي اسبوع بشوفك وبكلمك حتي لو كان كل مقابله پنتخانق ونقول دبش لبعض
مع كل مره اعجابي وحبي يزيد مش بيقل صدقيني انا مش من النوع ده انا لما احب حاجه مش بالساهل اتخلي عنها
وقرب وشه من وشي وهمس بخفوت
وانا مش هتخلي عنك ابدا مهما حصل حتي لو انتي اللي طلبتي ده !
قلبي دق وبلعت ريقي بتوتر
ب بس بس انت قولتلي اني شبه الولاد واني
حط أيده علي بوقي واتكلم بنفس الهمس
هششش انتي اجمل بنت شوفتها في حياتي
انا اسف كنت بحب اعصابك عشان بيبقى شكلك زي القمر بس
وشي بقي احمر وكنت بتنفس بسرعه وانا ببعد خطوه لورا
ا ا انا ا انا
اديني فرصه ياميان فرصه واحده بس ومش هتندمي صدقيني
والغريبه اني استسلمت لقيتني بهز راسي وانا بهمس بصوت مهزوز
م ماشي
مسك ايدي وباسها برقه
اوعدك مش هتندمي ابدا
كنت مرتاحه بشكل غير طبيعي
قلبي بيدق للمره الاولي
في الحقيقه هو بيدق من وقت ما شافه اول مره لما هبدته بالكوره في دماغه
وقتها استغربت نفسي جدا
ايه ده هو انا قلبي بيدق ليه
لا لا اكيد من الخۏف اكيد مش ممكن أحبه ابدا هو فييين وانا فين !
استحاله يختارني انا من بين كل بنات العيله الاجمل مني
بس بالرغم من كده كنت بتمني يختارني انا كنت بتمني يحبني مع أنه كان استحاله حلمي يتحقق بس كان عندي امل ولو واحد في الميه أنه يحبني وأحبه واعيش قصه الحب اللي في خيالي
بس في الحقيقه انا حاسه اني هعيش اجمل منها
انا طلع في حد بيحبني بالرغم من حناني طلع في حد بيحب تفاصيلي اللي معظمها تافهه !!
ده شيئ ولا في الاحلام حاسه اني عايشه في حلم جميل خاېفه افوق منه علي واقع مؤلم واقع مفيش حد بيحبني فيه
فات اسبوع كمان علي جوازنا واتقربنا جدا من بعض بقيت بحكي معاه بالساعات وهو كمان حكالي عنه كتير جدا
كان كارثه وهو صغير يمكن عشان كده حبني لانه مچنون زي !
كان بياخد راي في لبسه بياخد راي في شغله
حسيته شخص لطيف عاقل مثقف وسيم مچنون في نفس الوقت
كان ميكس غريب لكن في النهايه لطيف جدا
قدر يحرك مشاعر جوايا في الحقيقه قدر يخليني اعترف لنفسي اني علي وشك الحب أو انا فعلا وقعت في حبه !!
وفي كانت ماما قاعده معايا وهو في الشغل
حطت الفنجان بتاعها علي الطربيزه وهي بتبصلي بابتسامه غريبه
ضحكت وانا بسألها باستغراب
ايه في ايه !
حطت ايديها علي خدها بمشاكسه
انت اللي في ايه سرحانه في ايه يوكنش في المز
مز!
مز مين ده
غمزتلي
سيف
اممممم اقولك حاجه ومتقوليش لحد
هزت راسها وهي بتشاور علي بوقها علامه عن الصمت
لا اري لا اسمع لا اتكلم
اوكي يبقي العيله كلها عرفت خلاص
عيب عليكي مش العيله بس دي مصر كلها
هههههههههه المشكله انك معترفه
ها بقي عايزه تقوليلي ايه
سندت راسي علي رجلها وانا بتكلم بكل حب
انا مبسوطه اوي
حطت ايديها علي شعري بحنيه
ربنا يبسطك اكتر واكتر ياحبيبي بس خير
ماما انا بحب سيف اوي
بجد ياميان
قومت من علي رجلها وانا بفرك ايدي بتوتر
سيف مختلف عن أي شخص قابلته انا بحبه اوي
انا بشكر جدي علي اللعبه اللي عملها عشان اتجوزه لولا كده كنت هضيعه من ايدي
مكنتش هلاقي حد يحبني زيه ولا يكون حنين عليا زيه
ماما سيف شخص جميل اووي ا ا انا مش عارفه اعبرلك عن مشاعري ب بس عارفه لما تكوني خاېفه من حاجه وتطلع الحاجه دي اسهل ما يكون
ابتسم
بحب وتفاهم
فاهماكي ياحبيبتي قصدك علي الحب يعني
صح انا كنت خاېفه احب حد ويختفي من حياتي
طب ودلوقتي
ابتسمت بحب
بقيت واثقه أن سيف عمره ما هيسيبني لانه حبني بجد زي ما بقيت بحبه
ياااااااه ياعبد الصمد
لفيت بخضه وانا بقول پصدمه
ايه ده انت جيت أمتي
غمزلي بفرحه
من وقت ما قولتي لطنط ماما أنا بحب سيف اوي
ماما بحرج
طب استأذن انا بقي عشان رايحه مشوار
قالت جملتها ومشت وانا قاعده بفرك ايدي بتوتر
قعد جنبي وحط أيده علي كتفي
مالك
هه م مفيش
بصلي برجاء
طب ما تقوليها
ا ايه هي !
انك بتحبيني يعني يوم ما اسمعها تكوني بتقوليها لمامتك
مانا موجود وعندي ودان وبسمع والله
ضحكت علي رد فعله وانا بډفن راسي في
صدره وبقول بهمس
بحبك
لا لا اعلي
نعم !
قوليها بصوت اعلي
هههههه بحبك
لا لا انا عايز العماره كلها تسمع وخاصه سردين
دارين
توء توء سردييين
هههههههه من وقت ما طلعت عليها الاسم ده والعيله كلها مسكاها تريقه
مش خساره في طيبه قلبها
علي رأيك
المهم
امممم
خرج من جيبه علبه قطيفه طويله لونها احمر وفتحها وهو بيبتسم
ايه رأيك
فتحت بوقي پصدمه
الله انا كان عاجبني السلسله دي من فتره !
مانا عارف وكنت بشوفك كل مره وانتي واقفه تتفرجي عليها عشان كده جبتهالك
عيوني دمعت وانا بترمي في حضنه بتلقائية
شكرا
رد بمشاكسه
بس كده
وربنا يخليك ليا
اممممم بس كده
ضحكت برقه
وبحبك ياسيفو
ضمني لحضنه وهو بيبتسم بهدوء
وانا كمان بحبك ياقلب سيفو
الليل بعد ما كان غربه مليته أمان
والعمر اللي كان صحرا صبح بستان
تمت
