ماما انا رايحه اقدم على وظيفه

ياكارما قبل اي كلام لازم تعرفي انك هنا بير اسراري
يعني لو اټقتل قتيل وانا الي قټلته انتي ماشفتيش
بس لو غيري تشوفيه وتبلغيني
انا والإدارة عامة الي هما اخواتي الي مش متواجدين باستمرار مسئوليتك بس انا رئيس مجلس الادارة انتي عنيا هنا
بصي ياكارما وشاورلي على غرقة صغيرة ملحقة بمكتبه وصعب حد ياخد باله منها الا لو قام واتمشى بالمكتب الفاخر الواسع جدا دة
كمل كلامه حتى هدومي تجهيزها مسئوليتك
الشغل معايا هايكون واتس اغلب الوقت
انا مذبهلة وعنيا مفتوحة على اخرها
قالي وهو بيضحك من رد فعلي متقلقيش القتل دة مجازا بس يعني حبيت اعرفك باكتر طريقة ممكن توصلك قصدي
ابتسمت وقلتله تمام بس في حاجة
انا محتاجة اقول لحضرتك اني نفسيا مرتاحة وكل الي حضرتك قلته تمام بس محبش حاجة اسمها عندنا ضغط شغل فتقوم حضرتك متعصب عليا لأي سبب
دة عمري مااتعرضتله ولا احب اتعرضله لاني بإذن الله مش هاقصر
ضحك من قلبه وقالي بتتشرطي كمان
ياستي انا مش عصبي في الشغل خالص مټخافيش
بس اخواتي في ٢ منهم عصبيين احيانا بس انا هانبه عليهم انك جديدة ومحتاجة معاملة خاصة
ضحكت فقالي وهو بيمد ايده بظرف خدي يازينة دة قبض الاسبوع الي عدا اعابريه مكافئة تدريبك لان شغلك الحقيقي ومرتبك هايبدأ من الاسبوع القادم
قلتله شكرا
قد ايه ارتحت لاسلوبه ورزانته وخفة دمه
قالي زينة عاوز مظهرك واستايلك بيرفكت طول الوقت مش معنى كلامي ان مظهرك وحش
بالعكس انا اخترتك زي ماانتي ومبيشغلنيش انتي محجبة ولا بشعرك بس يهمني الاناقة والاهتمام بالنفس يعني انتي واجهتنا
قلتله فاهمة اكيد
قال كدة اتفقنا في اي حاجة تحبي تسألي عنها او عاوز. تقوليها
قلتله لا كدة كل حاجة واضحة
قالي تمام روحي ويوم السبت تكوني هنا وزي ماقلتلك فاتن معاكي لسة بس انتي هاتبدأي تشتغلي بنفسك معايا وتتعاملي وتردي مهامك من يوم السبت وهي معاكي بتباشر بس
قمت مشيت وانا مبسوطة جدا اول مرة اقبض من حد غير بابا واحس اني بشتغل بجد وكدة وليا راتب محترم
روحت وحكيت لماما وبابا الي حصل بالتفصيل
بابا فرح جدا لانه سأل عن الشركة واصحابها واتأكد انهم ناس محترمة وسمعتهم نضيفة
وماما كالعادة عاوزاني اقعد في البيت
نزلت تاني يوم اجازتي بقى واخدت معايا انتيمة عمري سماح دي كانت زميلتي من اعدادي واختي وعشرة عمر كانت مسافرة عند اخوها مصطفى ومراته بتزوره وتغير جو في جدة ولما رجعت كلمتني نزلت معاها عملت شوبينج وحكيت ليها الي حصل وهي كمان حكتلي الي حصل معاها وقد ايه مرات اخوها وهي مليونيرةسعودية الچنسية وبتعشق اخو سماح وعملاله مشروع هناك بتقولي كانت كويسة معاها جداوفسحتها وجابتها هدايا
دردشنا وعدا اليوم وتأنقت كعادتي دايما ونزلت الشغل وبدأت اتعامل مع امجد بنفسي
طول الوقت بينده عليا هاتي ملف كذا ابعتي فاكس احجزيلي في مطعم اتصلي بشركة مذا في المانيا كلمي المحاسب وفاتن ملازماني وبتقولي اعمل ايه
ناقص شوية وأأكله
بس انسان محترم ولذيذ قبل ماامشي قالي اني ابعت لكل مديرين الاقسام يجهزوا تقريرهم الربع سنوي عشان يقدموه باجتماع بكرة
كلمت سكرتارية مكاتبهم وبلغتهم وروحت وانا مرهقة
وعدا شهرين وانا بشتغل وباجتهد وكله تمام
لحد مافي يوم حصل الي هايغير حياتي رأسا على عقب
يتبع
الفصل ٤
وانا باستعد عشان اروح بيتي بعد اليوم ماخلص
لقيت تليفون من ماما ضحكت ورديت ست الكل مستعجلة عاوزاني اطير عالبيت يااما عاوزة حاجة اشتريها قبل مااروح
كنت باجهز شنطتي وايديا مشغولة ماردتش عليها
رنت تاني رديت عليها وانا لسة هخرج من باب المكتب ايوة ياماما انا لسة هانز….
قاطعتني بعياط وصړيخ الحقي ابوكي تعب فجإة وجبناله الاسعاف ….
مكملتش المكالمة وماحستش بنفسي
صحيت لقيت نفسي في المستشفى وماما وامجد جنبي
فوقت لقيت ايديا معلقين فيها محلول
خاولت اشيله امجد منعني وقالي اهدي
قلتله بابا
ماما وهي بټعيط قالت في العمليات
قلتلها ايه الي حصل فهميني
قالتلي كلموها من الشغل قالولها الحاج تعبان شوية فجإة وبدون سبب كان واقف وقع وسطهم على الكرسي وهو ماسك قلبه
عيطت وصړخت قلتلهم عاوزة اشوفه هو فين وحاولت اقوم
امجد مسكني من ايديا وقالي ارجوكي لازم تبقي اقوى من كدة عشان مامتك وادعيله ان شاء الله هايقوم بالسلامة هو هنا بنفس المستشفى
عيطت باڼهيار محستش بنفسي وانا ماسكة في امجد وباترمي في حضنه وهو محرج بس فضل يطبطب عليا ويهديني
ولما فوقت لنفسي بعدت عنه واعتذرت
وهو قالي انا هخرج اتطمن على بابا من الدكتور وارجع اطمنكم
خرج وماما خرجت معاه
قمت وفكيت المحلول وخرجت وراهم وانا حاسة ان الدنيا بتلف بيا
اول ماخرجت لقيت الدكتور خارج من اوضة العمليات
وامجد بيقوله طمني يادكتور لو سمحت
وماما واقفة جنبه بټعيط والدكتور مش بيرد ماما قالت له في ايه انطق يابني
قالهم الحاج جاتله سكتة قلبيه حاولنا ننعش القلب بس امر الله انا اسف ياجماعة البقاء لله
مش فاكرة غير ذكريات ضبابية من اڼهياري ودخلت اوضة العمليات بوست راسه كنت پصرخ لا قوم يابابا مليش سند بعدك هاتسيبنا لمين انت وعدتني ماتمشيش وعدتني نفضل سوا قوم ياحاج
وأمجد بيشدني هو وماما لحد ماقدرزا يبعدوني انهرت وكل الي فكراه بعد كدة ناس بتعزي وبابا پيدفنوه
اه ياقلبي خلاص افترقنا
كل دة وامجد ماسبنيش وكل زمايلي جم العزا
وجيران وقرايب وناس كتير معرفهاش كل الناس كانت بتحبه
الفصل ٥
بابا كان وحيد الله يرحمه بس بعد الي شفته وحب الناس عرفت انه عنده عزوة
الكل بيتسابق يخدمنا لدرجة ان في حد من صحابه عمله سبيل مياه
ولما عدا اسبوعين تقريبا ماما كلمتني اني لازم انزل اشوف شغل بابا واتابع مكتبه وافكر هنعمل ايه هاتشغل مكانه ولا هنقفل
قلتلها مكتب بابا مش هايتقفل واسمه هايفضل في السوق
وقررت انزل الشغل واكبر اسم بابا اكتر
نزلت روحت المكتب قعدت مع محاسب بابا ولقيت ان في شغل لازم يخلص انا عارفة شغل بابا ماشي ازاي
بدأت اتابع الشغل واشرف عليه مكان بابا
الكل كان مبهور في خلال اسبوع الشغل خلص والمكتب كان شغال اكن بابا موجود
وكل يوم امجد كان بيتصل ويتطمن عليا وبيقول ان الشغل مستني وقت مااحب ارجع
لقيت اتصال من امجد بيطلب ييجي يقابلني عاوزني بموضوع مهم
قلت لنفسي ياترى ايه هو الموضوع
قلت لنفسي خير يارب
كنت في المكتب قلتله اني في المكتب
قالي ينفع اجي قلتله اتفضل طبعا
كنت قاعدة باراجع الحسابات
وسرحت محستش بالوقت غير وعم محمود الي شغال مع بابا طول عمره ودراع بابا اليمين الله يرحمه
بيقولي ان في بيه برة اسمه امجد عاوزني
قلتله يدخله
امجد دخل بابتسامته واناقته والي بمجرد ماشفته حسيت اني شايفة بابا بس على اصغر
نفس الحنان والعقل والهدوء
ابتسمت وضايفته رفض بس انا صممت
طلبتله قهوته
وبدأ يشربها قلتله انا كنت هاطلب منك نتقابل انا مش عارفة اقولك ايه ولا اعمل ايه بخصوص شغلي معاك انا مشغولة هنا
بابا طول عمره مكانه ثابت في السوق مهما اتغيرت الاحوال هو كان بيفضل شغال
ومش هاينفع اقفل مكتبه الي تعب فيه وبدأه صغير لحد ماربنا كرمه وبقى معروف وبيشتغل مع كل الشركات الكبيرة
وحاليا في اكتر من مشروع جديد واحنا داخلين فيه وماينفعش اعتمد على حد هنا
وحضرتك وقفتك

جنبي بجد مش قادرة اقولك انا ممتنة ازاي ليك وجميلك في رقبتي
بس قولي اعمل ايه
كل دة وهو بيبتسم وبيسمع واخيرا نطق وقالي
الحل انك تفضلي هنا وبرضه تفضلي معايا
قلتله ازاي بس
قالي
يتبع
الفصل ٦
قلت له انا مش فاهمة حاجة
قالي هافهمك ولكن تليفونه قاطعه فضل يرن ورسايل عالواتس
قالي انا لازم امشي عشان مجدي اخويا المچنون عمل مصېبة اكيد ولازم اروح اشوف والم وراه
تسمحي نتغدا سوا متأخر واقولك على كل حاجة
قلت له اوك بس ان شاء الله خير انا للاسف معرفتش اخواتك الأتنين خالص
قال اه من حسن حظك دول مجانين
واستئذن ومشي
شوية ولقيت اتصال من ماما بتطلب مني اتصل بالمحامي عشان كذا مره يتصل عاوزني بموضوع مهم جدا يتعلق بالميراث وانا كنت مشغولة جدا
روحت البيت وطلبت المحامي استاذ عباس راضي ودة محامي كبير جدا وصديق لبابا وماسك الشئون القانونية لشغلنا
بعد ماقعد وسلم علينا اتفاجئت انا وماما ان بابا الله يرحمه ويغفر له كتب كل مايملك باسمي وصيته كدة الفلوس اللي بالبنك والشركة والبيت وعربيته والارض بتاعته كاتبهم باسمي قلبه كان حاسس وقبل ۏفاته بشهرين كتب كل مايملك باسمي
واستلمه عند ۏفاته والمفروض اني اروح البنك مع عباس بكرة نخلص الإجراءات
وبابا ساب ليا انا وامي كل واحدة جواب تقراه
بعد ماالمحامي مشي حكيت لامي على كل تلي حصل من امجد
قالتلي شوفي دة راجل محترم وطيب وقلبي ارتاحله
لقيت امجد اللوكيشن والميعاد المطعم كان على البحر مباشرة
وصلت لقيته بانتظاري اول ماشافني قام واستقبلني وسحب الكرسي قعدني وبعدها هو قعد
دردشنا شوية وبعدين قالي نطلب الاكل الاول انا جعان وبعدها اقولك على كل حاجه
قلتله ماشي
طلبنا الاكل وأكلنا ساعة واحنا بندردش وبنضحك خلاني نسيت حالة الحزن الي انا فيها
وبعدين قالي عارفة ياكارما لما حد من الوالدين بيتوفي او كلاهما ربنا له حكمة اننا نبقى عايشين عشان ندعيلهم ونعملهم عمل صالح ينفعهم وبيرتاحو لما يشوفونا كويسين وبيفرحوا بينا
قلبي ارتاح لكلامه
قلتله عارف انك اول حد اخرج واضحك معاه من وقت الوفاه من شهر
ايه الي انا قلته دة
احمريت بعد الجملة المتسرعة دي
قالي وانتي كمان اول واخدة اخرج معاها من سنين
قلتله ليه حضرتك مش متجوز
قالي منفصل كنت متجوز اجنبية ٣ سنين وانفصلنا من ٥ سنين والحمد لله مفيش اولاد
قلتله ربنا يكرمك انت تستاهل كل خير ممكن تسمح و تقولي بقى الموضوع
قالي طبعا هاقولك
الحل ياستي اننا ندمج الشركتين سوا
قلتله بجد والله طب انت هتكسب ايه
قالي وجودك
سمعة باباكي بدل ماادور على مقاول انشاءات يبقى عندي على طول ويبقى ليكي نسبة ارباح
قلتله انت عارف قرارك دة معناه ايه
معناه انك بتساعدني بس تحت ستار الشغل
قالي وماله لما اساعدك
بارتاح لشغلك و لوجودك
قلتله هافكر
قالي يوم الخميس شرفيني انتي والمحامي ونجتمع مع محامي شركتي وندرس الموضوع
قلتله اوك
ممكن نمشي
قالي طبعا شكلك زهقتي
قلتله لا عندي مشوار للبنك هاستلم الميراث
قالي لو تحبي مساعدة انا موجود تخبي اجي معاكي
قلتله لا كفاية تعبك بجد لحد كدة
قالي متفيش تعب عيب كدة
قومي ياللا بينا سيبي عربيتك وهابعتهالك مع السواق وانا هاوصلك
اديتله المفتاح واداه للسواق وقاله يمشي ورانا
واحنا بالطريق قالي عارفة خاېفة اقولك انك جميلة باللون الاسود يليق بكي تفضلي لبساه
ضحكت من كلامه ومجاملته وصلني للبيت وقبل ماانزل من عربيته قالي زينة انا عاوزة اقولك سؤال ومتردد
قلتله قول
قالي تفتكري لو بنت بالعشرينات ممكن تقبل ترتبط بواحد بالاربعينات
قلتله لو في تفاهم وحب بينهم ينفع طبعا مفيش حاجة اسمها فرق سن
ابتسم وقالي مش همشي غير لما توصلي وتطلعي بلكونتك
ابتسمت وطلعت وشاورتله فعلا وبعدها اتطمن ومشي
تاني يوم استلمت فلوسي وكله عدا على خير
وعدت الايام وجه يوم الخميس وروحتا الميتينج والمحامين وانا وامجد اتناقشنا بكل حاجة
واتفقنا على كل حاجة واول ومانخلص الاجراءات هايتم الدمج بين الشركتين
يتبع
الفصل ٧
لما روحت لقيت خالتي اخيرا قررت تيجي تعيش معانا
و ماما كانت نفسيتها تعبانة وعاوزة تطلع تحج لبابا قلتلها اني مشغولة بس واول مااروق كدة هطلعها هي خالتي الوحيدة هالة ودي من بعد ۏفاة جوزها وسفر ابنها زياد لأمريكا وهي عايشة لوحدها
بس بعد ۏفاة بابا وافقت تيجي تعيش مع ماما بعد الحاح من امي ومن زياد ابنها يونسوا بعض
سلمت على خالتي وحضرتلهم العشا
ودخلت انام وانا بافكر خياتي اتغيرت في يوم
دعيت لبابا بالرحمة والمغفرة ونمت
صحيت على صوت ماما بتهزر مع خالتي وبتقولها مين دي الي احلى مني دة انا لحد دلوقتي في ناس بيفكروني ماتجوزتش وخالتي تقولها انا احلى وبلونداية الظاهر ان قعدتهم سوا هاتخليهم ينحرفو
صحيت على هزار هناء وشيرين دة فكرت وصبحت عليهم ونزلت
روحت المكتب خلصت الشغل الي ورايا ولسة هافكر اكل
لقيت اتصال من امجد
عاوزني اروحله الشركة نتكلم شوية
روحتله وانا طالعة في الاسانسير لقيت اخوه المهندس ماجد بتاع التشيزكيك سلم عليا وعزاني واتطمن عليا
وكان معاه واحد بارد كدة ومغرور لابس تضارة شمس باشبه عليه فضلت ابصله واحاول افتكر شفته فين ولما خرجنا من الاسانسير لقيته بيبصلي وبيشيل النضارة افتكرته
المچنون قليل الذوق الي كان هايخبطلي العربية
وصلت عند مكتب سكرتارية امجد وهما معايا ماشيين وبنكمل كلامنا انا وماجد لقيت سكرتيرة جديدة قالت ان امجد بانتظارنا
والمغرور عمال يبصلي وصامت وانا متجهلاه
لحد مادخلنا عند امجد رحب بيا وبماجد وبالمغرور
وقال اخيرا مجد باشا قرر يشرفنا عقبال مجدي
وقالي كارما انتي طبعا تعرفي ماجد
قلتله طبعا
شاور عالمغرور وقال دة بقى المچنون بتاعنا مجد
بصيتله بطرف عنيا وماتكلمتش
وهو بص وابتسم وماتكلمش
وفجأة دخل واحد يشبهلهم برضه نفس القطعية وابتسم وسلم علينا كلنا
امجد عرفنا ببعض دة بقى ياستي مجدي الدكتور اللاسع بتاعنا
امجد قال ياجماعة بعد التعارف الصغير دة دي كارما صاحبة شركة المقاولات والانشاءات الي هاندمجها مع شركتنا
مجدي قال ونسميها شركة التشيز كيك
ضحكت وقلتله بس عشان انا جعانة
امجد وشه اتغير بس كان بيحاول يبان عادي وقال مع اني مش فاهم حاجة بس الاسم ان شاء الله هايكون مجموعة المجد و زايد
Az
ايه رئيك ياكارما
قلتله تمام كويس
رد المغرور وقال هو اصلا ايه لزوم الدمج ياامجد باشا
امجد اعتذرلي وانا قررت انسحب رفضوا كلهم
والمغرور دة قال ياجماعة افهمو دي شركة صغيرة احنا مش محتاجينها
قمت بانفعال وقلتله انا مش باشحت من حد انا مليونيرة اصلا وشركة بابا كان يقدر يخليها اكبر شركة ولكن طول عمره بيرفض شغل تحت الترابيزة وبيخاف من ربنا
ولكن سمعتنا نضيفة واشتغلنا مع اكبر الشركات
امجد اتدخل وهداني وماجد قال لاخوه عيب يااخي هو انت اصلا بتيجي مكتبك عشان تفهم حاجة في شغلنا
رد المغرور وقال ولاعاوز افهم وعاوز استقل واعمل الي في راسي
امجد ضربه بالقلم وقاله اخرس ياحيوان
طبعا عاوز تفتح بار ولا كباريه
نزل راسه في الارض احتراما لاخوه الكبير وقاله
ياامجد انا مش هانكر انك ربتنا وتعبت معانا بس انا مليش في شغلكم
وبالاخر جايب واحدة متسلقة تدمج شركتها معانا
قمت ضړبته بالقلم الكل اټصدم ومشيت جريوا ورايا وامجد حلف عليه يعتذرلي
وبالفعل اعتذر وقعد بعيد وهو مهزوم
وكلهم اعتذرو ومجدي قالي انا اول مرة اشوفك بس باسمع عنك كل خير ممكن تقبلي اعتذاري
وماجد

قالي حقك عليا
وامجد قالي الدمج هايتم بميعاده ياكارما والي مش عاجبه قراراتي يبيع نصيبه وهاشتريه
قررت اعاند وقلتله انا معاك يااستاذ امجد الدمج هايتم في ميعاده وبصيت للمغرور پشماتة واستئذنت ومشيت
سبت الحړب العالمية دايرة بينهم بس دة مش ذنبي اصلا ومشيت وانا لاول مرة اكره حد متعالي ومغرور
امجد كلمني واعتذر لي وقالي انه بيتلكك عشان نفسه ينسحب من الشركة ويفتح مشروع لايليق باسم العيله
قلتله ان احترامي ليه بيزيد كل يوم واني معاه ومش زعلانة
وجه يوم الدمج و تم ومضينا عالدمج وبكل شروطي بحضور الاخوات كلهم حتى المغرور
وامجد قرر يعمل حفلة ويعزم كل رجال الأعمال ويعرفهم على نشاط الشركة
جهزت نفسي واتجهت للحفلة و هناك حصلت مفاجئة
يتبع
الفصل ٨
روحت الحفلة وانا لابسة فستان اسود بالحجاب وميكب سواريه
اول ماوصلت امجد قالي اتفضلي واستقبلني وفضل يعرفني بالناس الموجودين
بعد شوية زهقت سبت امجد مشغول بالكلام مع واحد صاحبه وروحت وقفت مع ماجد فضل يهزر كالعادة ونضحك
لقيت امجد بيراقبني وعنيه مش بتنزل من عليا
شوية وجه جايبلي عصير
وبعد العشا قمت ظبطت الميكب ورجعتله
_ايه رئيك في الحفلة
بصراحة مملة
_انا كمان شايف كدة
طب ماياللا بينا نمشي يااستاذ امجد
_استاذ ازاي واحنا شركاء استني ثواني هاعرفك باخواتي البنات ونده ٣ بنات مروة وهدير وحنان قالي دول اخواتي القمرات
سلمنا على بعض ورغم ابتساماتهم ومجاملاتهم قلبي ماارتاحش حسيت بغيرة والواحدة مننا حاستها السادسة رادار بيلقط المشاعر الخفية
شوية وامجد استئذن يتكلم بالفون وانا واقفة لوحدي لقيت شاب كلمة وسيم دي شوية عليه
بيقرب مني وبيقولي انا احمد بدري صاحب شركة استيراد وتصدير سلم عليا
وطلع كارت قالي خليه معاكي احنا هايكون بينا صفقة قريب
اخدته على استحياء قالي هو انتي عارفة انك جميلة ولا محدش قالك
لقيت امجد قدامي معرفش جه منين ووقف قدامي زي مايكون بيحميني
وقاله احمد انت لسة زي ماانت بس مش مع كارما
قاله وهو بيضحك في ايه باتعرف عالبيزنس وومن الجديدة
امجد قاله طب ياسيدي اخلع بقى
مشي وقالي اسف لو ازعجتك اتشرفت بيكي واكيد هاشوفك تاني
امجد قالي پغضب مكتوم اتفضلي ياللا بينا سيبي عربيتك وهابعتهالك مع السواق
ولان الفستان ضيق كان لازم يساعدني اطلع
مسك ايديا ولسة باطلع اتكعبلت وقعت لولا امجد سندني من ضهري من وسطي لانه كان ورايااكنه حاضنني وبعدين حسيت انه مش بيسيبني
بعدت عنه واعتذرت وهو اتوتر وقالي. انتي كويسة
قلتله اه مفيش حاجة
طلعنا بالعربية
_ ممكن اعزمك نشرب حاجة وعاوزك بموضوع
اوك مفيش مشكلة
اتصلت بماما اطمنها عليا وطول الطريق وهو ساكت ومتوتر
اول ماوصلنا طلبت لاتيه وهو قهوة
وفجأة بدون مقدمات
_كارما ايه رئيك فيا
مش فاهمة من ناحية ايه
_كل النواحي
انسان ممتاز جدا
_طب ورأيك فيا كراجل
راجل محترم وجدع و
_كارما رأيك فيا كراجل شايفاني ازاي
راجل بجد اي كلام مش هايوفي صفاتك
_كارما افهميني
انا اسفة انا فعلا مش فاهمة
_كارما تتجوزيني
_انا بحبك من يوم ماشفتك
_ردي عليا مش قادر استنى اكتر من كدة
انا فعلا محتاجلك معايا
امجد انت خضتني وفاجئتني ولخبطتني
_انا اسف بس مش عارف امهدلك كان نفسي تبقي حاسة من نفسك
انا افتكرت ياامجد ان اهتمامك دة العادي مع كل الناس
_مفيش واحدة ربنا خلقها ممكن تخليني اسيب شغلي واشيلها واجري بيها زي المچنون على المستشفى
او اقف جنبها وانسى مواعيدي او اهتم بيها واعمل المستحيل عشان تفضل جنبي وعشان لما تتعامل في شغل متبقاش لوحدها وحد يطمع في نظرة اعجاب لازم اكون موجود واحميها
غيرك انتي
الي يقدرك لازم يكون جواهرجي لانك كنز
انا حاسة ان قلبي بيدق پعنف قلبي ياناس كلمة كمان وهابوسه
مسكت اعصابي وقلتله
ياامجد انا محتاجة اجمع أفكاري
_وانا محتاج انك تفكري وتكوني مقتنعة قلب وعقل بيا
ممكن نمشي
وصلني وقبل ماانزل قالي ممكن اقولك حاجة وراح مسك ايديا وباسها وبصلي بنظرة كلها حب
_كارما انتي جوايا وباعشق كل ما فيكي
قلت لنفسي ايه البني ادم دة ېخرب بيت عنيك وكلامك
سحبت ايديا تصبح على خير
_وانتي من اهلي
روحت وانا متلخبطة و طايرة وقلبي مش على بعضه
حاولت انام مش عارفة
بعتلي رسالة عالواتس باغنية بيني وبينك خطوتين بتاعة ام كلثوم
قمت استخرت ونمت من كتر التفكير انا خاېفة اكون متعلقة بيه وبس
تاني يوم بالشركة ماهو انا اتعملي مكتب جنب مكتبه
لسة واصلة لقيت صوت ضحك من مكتب السكرتارية لقيت امجد واقف مع السكرتيرة شبه العاړية وبتضحك ومعاهم ماجد
دخلت وانا متنرفزة بس متكلمتش مع حد
قلت صباح الخير
ودخلت مكتبي بسرعة
ثواني لقيته قدامي بيقولي مالك انتي كويسة
انا تمام
كارما في ايه
قمت قلتله بعصبية لا مفيش في بس مسخرة وضحك للركب مع الرقاصة الي برة
وقمت اديتله ضهري
قرب مني وهمس
انتي اشتغلتي معانا وعارفة ماجد وخفة دمه
وعارفة كمان ان اخر همي تلبس ايه هي او غيرها
والمفروض تفهمي مين الي في قلبي ومحتاج اكمل حياتي معاها ومبسوط انها بتغير مع انها ملكة جمال
لفيت بقيت في وشه وانا متضايقة لقيته قدامي بيني وبينه خطوتين
قالي بيني وبينك خطوتين
ابتسمت وهو كمان ابتسم وبعد شوية لحد الباب وقالي مش عاوز اشوف غير ابتسامة وبس واعنلي حسابك هانتغدا سوا
قعدت وانا مش عارفة مالي
انشغلت بشوية ورق واتصلت بالعمال الي تبعي وروحت الموقع بصيت عليهم
وانا راجعة لقيت امجد بيتصل ومتنرفز اني روحت وسط العمال لوحدي
قلتله هي اول مرة دول رجالتي وانا متعودة عليهم واني في الشغل راجل
قالي عارف بس دلوقتي معاكي شريك عالاقل عرفيني
امجد مش وقته اقفل انا سايقة وهاخد مخالفة كدة
وقفلت معاه
وصلت لمكتبي السكرتيرة بلغتني انه عاوزني بمكتبه
روحت لقيته واقف عالشباك وشه احمر
اول ماوصلت جري عليا وقالي بهدوئه المعتاد اتفضلي اقعدي وقعد قدامي وبنبرة عتاب
ارجوكي بعد كدة تقوليلي قبل اي خطوة احنا شركاء
قلتله حاضر بسيطة
وقف ووشه احمر وبيمسح شعره بايديه ولف حوالين نفسه وقعد تاني قدامي
كارما انا عاوزك ترتاحي من معاملة الناس ارمي عليا كل دة
ازاي
_يعني عاوزك تقعدي ملكة تشاوري بس
انا معاكي وهاتعب بدالك اتعبيني ياستي
ضحكت قلتله محصلش حاجة لكل دة
_طب ممكن تقومي معايا
وسحب الجاكيت بتاعه وسحب ايدي ومشي بيا لحد الاسانسير وركبني العربية
قلت في عقلي الظاهر انك ابن مچنونة
رايحين فين ياامجد
هاتعرفي لما نوصل
وقف قدام مطعم ونزل لوحده
ثواني ورجع شايل اكل مغلف ريحته تجنن
وطلع بالعربية تاني المرادي على فين
على بيتنا
ايه ده في ايه
طلعنا لقيت ماما في استقباله واخدها بالخضن وباس ايديها هي وخالتي
وهما بيضحكو من شكلي واخدوا منه الاكل ووضبو السفرة
اكلنا وهو بيضحك ومندمج معاهم وبعد الاكل طلب شاي عشان يحبس
وقعدوا يحتسوا الشاي وانا
لحد ماهو قال بطلي اندهاش بقى
بصي ياحجة ياعسولة انتي واختك القمر دي
انا طالب ايد كارما
وعارف انها حيرانة ومش قادرة تقرر
بس لازم تعرف اني باعشقها وبعشق تفاصيلها وباعشق امها الي قاعدة دي
انا بقيت عبارة عن طمطماية معاهم
ماما قالت مش هتلاقي انسان يحبها وېخاف عليها زيك
بس دة قرارها
خالتي قالت انت دخلت قلبي اول ماشفتك بس المهم قلبها هي
قال وانا مستني ردها وهاستنى العمر كله والله
قمت قلت مفيش داعي تستنى انا قررت خلاص
امجد انا….
يتبع
الفصل ٩
انا ليا

شروط
تحت امرك
ماما وخالتي بصوا لبعض وماما قالت انا وخالتك هنسيبكم تتكلموا براحتكم
ودخلوا جوة وسابونا لوحدنا
امجد انا مش هعيش في بيت عيلة
حتي لو كان قصر ودة اهم شرط
طيب ممكن نتناقش في الموضوع دة وصدقيني لو مااقتنعتيش هاعمل الي يريحك
ماشي ياامجد بس انا لسة مخلصتش
كملي وانا هاارد عليكي لما تخلصي
الشغل زي مااحنا مش هسيب الشغل مش عاوزة روتين بقى واقعد في البيت واخلف واتخن وابقى زي اي ام مصرية اصيلة لا انا عاوزة ابقى زوجة وام وسيدة اعمال عندي طموح كبير
امجد انا مش عاوزة غير انسان يكون بينا تفاهم واحترام واحتواء وثقة غير عادية انا كنت باتمنى انسان لو هايعرف ست عليا ييجي يصارحني دة فرضا يعني الصراحة والوضوح اهم شروطي
حاجة اخيرة انا مش عاوزة حد من اخواتك يضايقني او يتدخل بحياتنا لو حصل نصيب
قاطعني لا متقوليش لو حصل
لانه هايحصل نصيب بإذن الله
امجد انا كدة خلصت
سكت وابتسم وقام مسك ايديا وقعدني جنبه وقالي بنبرته الهادية الي بتأثر على اعصابي زي المخدر
كارما شوفي ياست البنات اولا موضوع البيت انا كبير العيلة والي انتي متعرفيهوش ان حتى اخواتي البنات عايشين معانا دة بإرادتهم انا حابب كل عيلتي تكون جنبي حواليا احنا اصلا صعايدة والعزوة في دمنا مهما حصل
اتضايقت اكتر وقلتله واضح اني كان معايا حق لما قلقت من النقطة دي
لا مافيش قلق شوفي انا عاوزك تكوني مرتاحة واوعدك مش هايحصل ان حد يتدخل بحياننا
ضحكت وقلتله ازاي وانا من دلوقتي حاسة اني هعيش في بيت ارياف مودرن طب هما عاداتهم كدة على راسي بس انا مش من هناك وماتربتش على كدة
كارما انتي وحيدة ياقلبي وممكن دة يكون سبب خۏفك انك مش متعودة
لا خالص ياامجد ليا صحاب وأهل بس كل واحد عنده بيته وحياته
طب انا عاوزك معايا تشرفيني وتزودي عيلتي فرد واوعدك مش هايحصل اي تغيير ولا حاجة غير انك هتبقي وسطهم وتتعرفي عليهم وتتعودو على بعض والله هاتتبسطي
واوعدك لو حصل اي حاجة ضايقتك مع اني واثق انه مش هيحصل هاعملك الي تؤمري بيه فورا
سكتت وانا مترددة قلتله لا مش عاوزة اكون مترددة في اي قرار انا مش مرتاحة ياامجد
سكت بيأس وبعدها قال طب اعمل ايه ياكارما
الي يريحك الظاهر اني مش غاليةعندك
متقوليش كدة انتي واخواتي نفس الغلاوة ونفس المكان الي في قلبي بالنص نص عشانهم ونص عشانك دول اولادي ياكارما
ارجوكي فكري
سيبني افكر مع اني مش قادرة اتخيل الوضع
انا مش هابطل احاول اقنعك متكسريش قلبي
امجد انا مش عاوزة افشل بحياتي وحاسة ان علاقتنا هاتفشل
قام وقف وقال انا هامشي وبرضه هسيبك تفكري
لا ياامجد انا هسيبك انت الي تفكر
انتي رافضة حتى تفكري
انت الي رافض تفهم قلقي وخۏفي انا بابا علمني اني اود كل الي مني وافتحلهم الباب بس مفتاحه معايا اقفله لما احب
برضه مش هافقد الامل ارجوكي تعيدي النظر
مشي وماما خالتي خرجوا وهما ساكتين
ماما قالتلي عمري ماهافرض عليكي رأيي ولو ابوكي الله يرحمه عايش كان هايسيبك براحتك بس انتي عملتي الصح
خالتي قالتلي لو شاريكي هايعمل المستحيل
سكتت وابتسمت وقلتلهم متشغلوش بالكم ربنا يقدم الي فيه الخير انا نازلة اقابل سماح
نزلت قابلت سماح طبعا اول ماشافتني حضن مطارات
قعدنا دردشنا وعملنا شوبينج انا لما اتخنق من حاجة احب اشتري هدوم وميكب وغيره
حكيت لسماح كل الي حصل وهي كمان كانت مشغولة مع اخوها ومراته لانهم وصلو مصر وعاوزين يعملو مشروع سكني كبير
وبعدين اقترحت عليا اقابلهم انا وامجد ونتعشا ونتعرف ونتكلم يمكن نشتغل سوا
ضحكت وقلت لها والمقابل ايه مانا عارفاكي
قالتلي بخفة ډمها حاجة بسيطة اوي
خير ياسمسم
اشتغل معاكي ياكارما زوهجت من قعدة البيت
ماشي ياستي داخلة على طمع
كارما بجد قوليلي هتعملي ايه مع العريس دة
والله ياسماح بالنسبالي مش هغير رأيي انا بخاف من الناس وماارتحتش لاخواته غير ان عنده اخ بيكرهني اعيش معاهم ازاي دول
برضه ممكن تجربي وانتي لو ماارتحتيش هيعملك طلبك زي ماقال
ربنا يسهل
لسة بنودع بعض وقلتلها اني هاكلم امجد ونقابل اخوها ومراته ونشوف الدنيا
لسة هاركب عربيتي وهي واقفة جنبي لقيت امجد قدامي الرصيف التاني هايركب عربيته
بس لحظة دة مش شايفني اصلا وبيركب عربيته مع واحدة وبيهزرو ويضحكو ومش اي واحدة دي غادة السكرتيرة العاړية
سماح بتكلمني مالك يابنتي في ايه وانا مش سمعاها
وفي ثانية قررت امشي وراهم حكيت لسماح بسرعة وهي كمان قالتلي لازم نفهم خليكي وراهم وركبت معايا
وبقينا بفيلم اجنبي طلعت وراهم بهدوء لحد ما وصلو الشركة
يانهار ابوكو اسود رايحين الشركة لوحدهم ليه
سماح قالتلي اتصلي بيه اكنك عاوزاه بأي حكاية
ركنت العربية واتصلت بيه وانا شايفاه بص بالفون ورد عليا وشاورلها تسكت خالص
كارما وحشتيني
لا والله امال ماتصلتش بيا ليه
معلش ياحبي انا مخڼوق من ساعة مامشيت وقلت اسيبك براحتك تفكري من غير ضغط
انت فين امال
في البيت
قفلت في وشه وانا هانفجر من الغيظ
سماح قالتلي ماتبينيش ولو اتصل ردي ببرود
طلعو الشركة شوية واتسحبت وراهم وطلبت من سماح تستنى عندها تحسبا لأي حاجة
عملت فوني صامت ودخلت بالراحة لحد ماوصلت دورت علىهم لقيت مكتبه بس منور وباقي الشركة ضلمةوالباب مفتوح
اتسحبت ووقفت بعيد وشوية قربت المكان ضلمة بس كاشف الي بيحصل لانهم منورين مكتب امجد
قربت بالراحة لحد ماشفت الصدمة اغرب حاجة بتحصل
يتبع
الفصل ١٠
اتأكدت اني بمكان ضلمة وكاشفة الي بيحصل ومحدش شايفني
لقيت غادة قاعدة وحاطة رجل على رجل وبتضحك ضحكة رقيعة
وامجد قاعد قدامها حاطط رجل على رجل وبيضحك وبيقولها
مكنتش اعرف انك معجبه بيا
قامت بدلع وقربت منه وقالتله معجبة ومن اول يوم وانا عاوزة اقولك
قالها قولي
انت تعجب اي واحدة تقيل وعاقل وبعدين احنا سهرانين وجايين هنا عشان نتكلم ولاايه
ولاانا مش عجباك
قالها ولاحظت ان ماجد كمان عاجبك
قالتله ماجد مين دة هو الي معجب بيا وعاوز يخطبني
طب وانتي
انا عاوزاك انت وقعدت على رجله وهي بتهمسله
انت تقيل اوي ماجد دة عيل بالنسبالك
شوية سمعت صوت حد بيقرب والفون بتاعي بينور برسالة
بصيت لقيت رسالة من سماح ان في رجالة طالعة الشركة
طمنتها اني مستخبية
الاصوات بدأت تقرب وانا اتداريت خالص لقيت
ماجدوهو متنرفز ومعاه ٤ رجالة شكلهم بودي جارد
دخلو على مكتب امجد
امجد اول ماشاف ماجد ابتسم وغادة اتخضت وقامت من حضن امجد بسرعة
والبودي جارد وقفو على جنب
ماجد قالها بعصبية ياسهلة ياز…بالة وضربها بالقلم
وهي بټعيط وبتقوله دة هو الي ضحك عليا قالي تعالي المكتب في ورق ناقص وانا ….
امجد بيضحك وقام وراح لماجد فرجه فيديو ليها وهي بتقرب من امجد وبتتكلم على ماجد انه عيل وهو الي بيجري وراها
ماجد قالها انتي فاكرة اني اصدق على اخويا كلامك العبيط دة يابت انتي طلعتي شم….ال
امجد قالها برة المكان دة محترم مش للي زيك ومن بكرة ماشوفش وشك هنا اظن انتي فاهمة اقدر اعمل فيكي ايه
شاور للبودي جارد خدوها ومشوا
ماجد قعد وهو متضايق وامجد قاله وهو بيطبطب عليه
انت لسة هاتشوف كتير انت عجبك شكلها وافتكرت انك بتحبها اتعلم ان الحب مش شكل وبس ومش كل واحدة هاقولك بحبك تبقى صادقة
انا بتليفون بس

جبنها لحد عندي وعرفتك حقيقتها
ماجد قاله امجد بس انا فعلا حبيتها
امجد حضنه وقاله وبكرة هتنساها دي تجربة ياحبيبي الحياة مليانة
يالا بينا نروح ولانبات هنا
امجد ضحك
اتسحبت بالراحة ونزلت قبلهم لحد سماح الي كانت هاتتجنن عشان تفهم
حكيتلها الي حصل واحنا بالطريق
فرحت اوي انه طلع مظلوم
الحقيقة فرحتي انا كانت أكبر
تاني يوم سماح بعتتلي الصبح بتسلم عليا وانها حكت لاخوها ومراته علي الشركة ونشاطها و لو ينفع نتعشا سوا انا وامجد مع اخوها ومرات اخوها ونتكلم
وصلت الشركة معايا قهوتي مكتب السكرتارية فاضي مافيش حد طبعا غادة بخ
وصلت مكتبي لسة بادخل لقيت امجد قاعد بابتسامته على مكتبي ومعاه ورد احمر وشيكولاتة قاعد مستنيني
اخدتهم منه ابتسمت
وبدون ولا كلمة حطتهم عالمكتب وبصيت لعنيه بكل اعجاب
ارتبك وقالي اجمل صباح على احلى عيون
وقام وقرب مني وقالي طمنيني عليكي
قلتله الحمد لله وانت
قالي طول ماانتي كويسة انا كويس
قلتله على موضوع اخو سماح ومراته رحب جدا
وبعدها قالي في مفاجئة النهاردة
ايه هي
متبقاش مفاجئة لو قلتها انا عندي ميتنج مع رؤساء الاقسام تحبي تحضري
لا مش وقتهم خالص مليش مزاج
خلاص المرة الجاية هتحضري
باذن الله امال فين السكرتيرة
رفدناها
ليه كدة
مش كفؤ
ياراجل طيب
في واحدة من مكتب المحاسبة هاتيجي مؤقتا لحد مايتعين حد
مشي وثواني ورجع خبط الباب ودخل قالي
كارما نسيت انا بحبك
شوية ولقيت السكرتيرة المؤقتة بتبلغني ان في شاب برة معاه طرد و عاوزني
استلمته منه ومضيت
دخلت مكتبي فتحت الظرف لقيت ايه ده دة عقد فيللا باسمي
ومعاها المفتاح وبنفس اللحظة جاتلي رسالة عالواتس
فتحتها لقيتها من امجد بيقولي
مقدرش اكون اناني واحرمك من ابسط حقوقك انه يكون عندك بيت مستقل بيكي الفيللا دي جنب فيللا العيلة ربنا يعلم اشترتها ازاي من صاحبها بس عشانك مستعد اعمل اي حاجة تسعدك
تتجوزيني
عيطت من الي حصل بس دموع فرح قمت بسرعة جريت على قاعة الاجتماعات
دخلت قاطعت الميتينج وسط دهشة الكل
وامجد اولهم سكتوا كلهم وهو اتخض وقام وقف لحد ماوصلت عنده قبل ماينطق بحرف معرفش ازاي اتجرأت كدة ومشاعري هي الي حركتني وفي لحظة كنت في حضنه وبقوله موافقة
بعدني وهو بيسأل بجد ياكارما موافقة نتجوز بجد وحياة امك
وقال للكل دي وافقت ياجماعة وافقت نتجوز
الكل بارك وبالليل كنا بنلبس الدبل باجواء عائلية جميلة وسعادة من الجميع باستثناء البعض شفت سعادة مصطنعة من اخواته
يتبع
الفصل ١١
بعد الخطوبة الي اقتصرت عالاهل والصحاب المقربين وبعد ماكل الناس روحت
امجد فضل وصمم ناخد تاني يوم اجازة ونخرج ونتفسح فيه
استأذن من ماما وتاني يوم صحيت على رسالة منه بتقول صباح الحب انا حاسس اني اتولدت النهاردة
جهزي نفسك و متفطريش انتي النهاردة ملكي انا وبس
رديت عليه بايموشن في حد يقتحم قلب حد كدة عالصبح
رد عليا بلاش كسل من هنا ورايح اتعودي صباحك هايبقى وردي زي لون خدك صباح الورد على اجمل ملاك في الكون
قومي جهزي نفسك دقايق وهاكون عندك
الابتسامة مش بتفارق وشي
جهزت نفسي واول ماسمعت الجرس عرفت انه وصل
سمعت صوت ضحك برة عرفت انه نشر الطاقة الإيجابية في البيت
خلصت وخرجت اول ماشافني قالي هو انتي منهم بتتأخري باللبس زي باقي البنات
الطبيعي امال انت فاكر ايه
لقيت ماما وخالتي بيفرجوني على سلسلتين دهب لكل واحدة منهم
ماما بتقولي شفتي امجد جابلنا ايه وخالتي بتقول ابن اصول وذوق
قلتله ليه بس التعب دة
قالي ملكيش دعوة دول امهاتي وانا حر معاهم برة عنك
هتعملو روباطية عليا من اولها
الكل ضحك وودعناهم ونزلنا
هاتوديني فين ياهندسة
متقلقش ياصاحبي سيبلي نفسك احنا هانهج من اسكندرية اصلا
انطلقنا وطول الطريق تليفونه بيرن
انا هاقفله واريح دماغي
شوف مين لتكون حاجة مهمة
عندك حق بص في الفون لقى اتصالات من البيت من اخواته البنات
اضطر يتصل طبعا قلق اتاري الموظفين قلقو ان لأول مرة امجد مايروحش الشركة واتصلو بيه ماردش فاتصلو بالبيت
زعقلهم طبعا وقالهم انا كويس انتو صدعتوني اتصالات هو انا طفل لا متقلقوش مش هاتوه
وقفل معاهم وهو متنرفز
خلاص اهدى الموضوع مش مستاهل حقهم يقلقو
ايوة بس مش لدرجة يقولو انت فين وبتعمل ايه
معلش روق ربنا يخليكم لبعض
ويخليكي ليا
وصلنا قرية بتعمل اكل فلاحي على طريق مصر اسكندريه مناظر طبيعية تجنن وفطرنا واتمشينا وروحنا اتغدينا في قرية تانية من المطاعم الي بتكون على الطريق
وبعدها روحنا الملاهي وبعدين رجعنا اسكندرية اتعشينا عالبحر في روف فندق
اليوم كان جميل بشكل لايوصف
انسان مهذب وراقي وكريم مع الكل بشكل اوڤر ودمه خفيف واسلوبه مع كل الناس فيه تواضع واحترام ومعارفه كتير جدا
روحني واتفقنا ننزل الشعل تاني يوم نعمل بلقمة عيشنا بقى
طلع سلم على ماما وخالتي قالهم عليا استلموا اهي الامانة بتاعتكم
ومشي وفضل يكلمني لحد ماوصل بيته ودهل نام
تاني يوم سماح اصرت نقابل اخوها ومراته وطلبت من امجد نشغلها سكرتارية لانها نفس دراستي هي اينعم شقية بس شاطرة جدا لما بتركز
بالليل قابلنا اخوها ومراته واتوفقنا لصفقة كبيرة جدا معاهم
عدت الايام مابين الشغل وتوضيب الفيللا على ذوقي وبحكم اني بكون جنب فيللا عيلة المجد اخواته كانو بيحاولو يفرضو رأيهم وكنت بارفض تماما وامجد كان بيزعقلهم ودة عمل حاجز بيني وبينهم انما اخواته الرجال في حالهم بيني وبينهم حتى المغرور كل ادب
لحد ماجه ميعاد الفرح
اتجوزنا بفرح جميل وانا صممت نعمله بالفيللا بتاعتهم لانها كبيرة وفخمة جدا امجد عزم صفوة المجتمع وعالم المال رغم اعتراضي بس هو فهمني انه شكل من الوجاهة الاجتماعية مع اهله واصدقائه وانا عزمت اهلي وصحابي وجيراني
وساعة كتب الكتاب حصلت مفاجئة غير متوقعة
يتبع
الفصل ١٢
جه وقت كتب الكتاب
امجد جهزلي غرفة بالفيللا بتاعتهم عشان اجهز نفسي فيها
والميكب ارتيست بتجهزني والبنات وماما حواليا بيمدحو جمالي وجمال الفستان
امجد بعتلي رسالة عالواتس بيتطمن عليا
واخواته البنات دخلو بحجة انهم بيتطمنو عليا
سماح قالتلهم عروستنا زي القمر
ردت مروة اختهطبعا مااحنا عارفين امجد ذوقه عالي طول عمره
هدير اخته قالت حتى طليقته كانت قمر برضه
سماح وماما بصولي وانا بصيت لهم ماما قالت المهم ان كارما مسك الختام الي امجد وزنها بالالماس
سماح قالت واحلى من الاجانب والا مكانش اخوكي عمل المستحيل عشان تقبله
الغيظ كان باين عليهم ومعرفوش يردو
واناولا اي ريأكشن وعمالة ابعت لامجد عالواتس وهو يبعتلي مسدجات وباضحك
ومتجهلاهم تماما وسماح وماما عملو شبهي اتجاهلوهم وفضلو يزغرطو ويغنو هما والبنات وسماح شدتني اغني معاهم وفضلنا نرقص ونغني لحد مامثلث الشړ مشيوا من كتر الغيظ
انفجرنا من الضحك عليهم
امجد بعتلي انزل الميكب ارتيست عملت اخر رتوش وظبطنا الفستان وماما وسماح وخالتي وكل حبايبي حواليا
نزلنا عالسلم وماما سلمتني لامجد
فضل واقف متنح دقيقة والكل بيبصله وبعدين ماجد قاله يالا ياعريس
قرب وقالي ايه الجمال دة باس ايديا ومشينا بالزفة لحد المأذون ماما قالت لامجد على قايمة ومؤخر وان دي عاداتنا مهما كان العريس كويس وهو ضحك ومضى من غير مايقرا وباس على راسها وأخواته البنات هايفرقعو
زياد

ابن خالتي نزل مخصوص ودة فرحني جدا لانه شرفني قدام امجد جاب هدية غالية ووصاه عليا وشهد على كتب الكتاب وابو سماح وصحاب بابا كانو پيتخانقو مين يكون وليي
كتبنا الكتاب اول ماخلصنا شالني ولف بيا واخدني في حضنه وكانت ليلة جميلة جدا
واحنا بنرقص سلو حكيت له الي اخواته عملوه اتضايق طبعا بس قالي انتي اتصرفتي صح هما غيرانين لانهم شايفينك هتاخديني منهم
والله ليه بيحسبوها كدة عامة انا مبشغلش بالي بيهم ولابغيرهم بس انا مراية باعكس تصرفاتهم حلو او وحش هايلاقوه
كارمتي مش هنقضي فرحنا نتكلم عنهم دة انا محضر لك مفاجئة
ايه ياحبيبي
اول مرة تقولي حبيبي
لانك فعلا حبيبي
وانتي قلبي
الموسيقى والاغاني اتغيرت والبنات اتلمو ورقصونا والفرحة كانت من القلب
وفجأة لقينا الدي جي بيقول ان في حد محضر مفاجئة للعروسين
الموسيقى سكتت والكل منتظر
لقينا واحدة اجنبية طالعة تغني لسلين ديون
Every night in My dreams
طبعا امجد وانا بصينا لبعض پصدمة شقرا وعنيها زرقا بس مقاس اطفال
وبعدين وشوشني انها طليقته
عنيا جت على اخواته لقيت الضحكة من الودن للودن على طول عرفت انه مقلب منهم مثلث الشړ كان لازم تصرف سريع مني
امجد حس بيا قرب مني وسحبني لحضنه وضمني وقالي ولايهمك انا مش عاوز تطردها عشان الفضايح بس
تعالي وخدني قرب منها وسلمنا عليها ورقصنا سلو وفضل يهمسلي لازم ابان قوية واني عندي ثقة بالنفس ودة الي شده ليا وانا الي نزل عليا ضحك
واحنا بنرقص امجد وشوش اخوه ماجد بعد ماالاغنية خلصت
البنت اختفت تماما من الفرح اخوات امجد حتى المغرور وصحابه اتلمو عليه ورقصوا معاه
وانا صحباتي معايا واديله
بس بصراحة كنت عاوزة اخنق اخواته البنات
امجد سابني مع البنات صحباتي واستأذن مني ومشي مع ماجد والبودي جارد ربع ساعة ورجع وهو وشه احمر
وبقى يبص لاخواته البنات بغيظ وهما وشهم اصفر بس بيخبي عشان الناس
خلص الفرح وودعت ماما وخالتي وسماح بالدموع
وماما وصته عليا وهي بټعيط كعادة اي ام مصرية اصيلة وهو قالها دي في عنيا وروحت انا وامجد فندق ليله بس وكانت مفاجئته اننا هانسافر بشهر العسل سمعته وهو بيقول لماما
بصراحة من التعب وارهاق اليوم بمجرد ماطلعت السويت نمت محستش
وهو كمان صحيت الصبح بدري على اتصال من الفندق عشان نجهز نفسنا لقيته نايم وهو حاضنني
صحيته وجهزنا نفسنا وانطلقنا على المطار
سافرنا اكتر من بلد ومن كل بلد كنت باتصل بماما وسماح معايا عالواتس ٢٤ ساعة كان شهر عسل جميل امجد كان حنين ورومانسي جدا بس كان بيغير اوفر
مكنتش عاوزة الايام دي تخلص
بس للاسف خلصت بس امجد وعدني كل ايامنا تبقى عسل
طلبت منه نشتري هدايا للكل قبل رجوعنا ووافق
نزلنا سوا اشتريت هدوم ودخلت اقيسها طلعت لقيت امجد بيتكلم بالفون ومنزعج ومتنرفز سألته في ايه مالك
مافيش ياكارما ياللا بينا
سحبني من ايديا باستعجال وحاسبنا ومشينا قبل مانركب العربية بالسواق ودي تابعة للفندق الي كنا فيه
لقيت عربيتين وقفوا قدامنا
ونزل منها ٦ مسلحين ملثمين حاوطونا
امجد قالي بكل هدوء كارما ارجعي الفندق مع السواق
ووجه كلامه للسواق خدها من هنا عالفندق
امجد انت بتقول ايه في ايه
الملثمين خدوه تحت ټهديد السلاح وهو زعقلي قلتلك امشي عالفندق ولو عدا يومين سافري
حسيت الدنيا بتلف بيا السواق نزل سندني ورجعني الفندق انا مصډومة وحاسة اني باحلم مش عارفة اعمل ايه
روحت الفندق لقيت
يتبع
الفصل ١٣
روحت الفندق وانا عاوزة اصړخ
عاوزة حد ينجدني اعمل ايه
واتصرف ازاي
ولسه واصلة الفندق لقيت قدامي
امجد
اول ما شفته صړخت امجد
جري عليا اول مااتكلم الصوت مختلف
لا ثانية واحدة دة نسخة منه
ماعدا فروق بسيطة بالشكل والهيئة
من نظراتي والاڼهيار الي انا فيه قالي
ارجوكي قبل اي حاجة انا عمر ابن عم امجد
وهو اتاخد مكاني
انا بابصله ومش باتكلم
قالي واحد من الي بيشتغل مع الناس الي عاوزين يوصلولي شافك انتي وامجد
وبلغ فورا افتكروني انا لما عرفت
جبت رقم امجد الدولي بمعجزة وكلمته اتصلت بيه اتعصب عليا وافتكر اني متعمد اعمل كدة ومارضاش يسمع مني انا اسف
بس هو عنيد ومټخافيش اكيد انا مش هسكت وهسلم نفسي مكانه
بس ارجوكي اطلعي اوضتك وانا سايبلك حراسة
مفيش وقت اشرحلك اكتر
نده علي بنت وراجل مسلحين وقالي انهم حراسة خاصة ومعاهم كارنيهات بشغلهم دة ومحترفين جدا وصاهم عليا بمرافقتي طول الوقت
وجري وسابني
انا في حالة ذهول بجد
سندوني لحد غرفتي البنت دخلت معايا والراجل استنى برة
ساعدتني فعلا لاني مش قادرة اقف ولااتكلم
انا عاوزة اجمع أفكاري
الوقت بيعدي بطيء
فجأة افتكرت اتصل بماجد او مجدي او مجد اي حد من اخواته
اتصلت بماجد والبودي جارد بتتفرج عليا سألتني هتكلمي بوليس قلتلها لا دة اخويا
هزت راسها انه تمام
بعد محاولات رد عليا حكيتله كل حاجة
قالي انه هيسافرعلى اول طيارة هايكون عندي
البنت الي معايا طلبت عشا ليا
رفضت فضلت تهديني مش بتتكلم عربي
هي امريكية اسمها چيني انا مش عارفة اتكلم معاها عقلي مش قادر يفكر غير في امجد
فضلت ادعي واعيط
ومن كتر العياط نمت
تاني يوم قمت على چيني بتصحيني وماسكة تليفوني بيرن
رديت لقيت واحد غريب قالي انه عمر
وانه بيحاول وبيعمل المستحيل ومقلقش وكدة
صړخت فيه انت بتستهبل هايقتلوا امجد لو ماتصرفتش دة مش ذنبه
قفلت معاه لقيت اتصال من الفندق ان في حد عاوزني
نزلت مع الحرس لقيته امجد ومجد
جريت عليهم امجد طلب مني اهدا واحكيلهم بالراحة
حكيتلهم مجد قالي والحيوان عمر رقمه معاكي
اديتله الفون اتصل بيه وزعق معاه
مجد خلص وطمني وقالي انه من وقت مااتصلت وعنده ناس بتتابع الموقف وان شاء الله خير
ماجد قالي اني لازم ارجع مصر وهما هيتصرفوا
رفضت قلتلهم والله ماانزل مصر غير بامجد
المهم مشيوا والحراسة فضلو معايا لحد بالليل وانا بمۏت من الخۏف
واخيرا لقيتهم راجعين لوحدهم
طمنوني فين امجد
محدش بيرد ولاحتى بيطمنوني
ماجد رد عليا
مجد قالي حتى البوليس مش عارف حاجة عنه
كله من الكلب عمر بس لو اشوفه
ماجد قالي مټخافيش على امجد احنا بنحاول وبنعمل المستحيل
خلي املك في الله
ونعم بالله
راحوا يرتاحو بغرفتهم
ساعتين ولقيت الباب بيخبط
البنت فتحت لقيت امجد
بابتسامته المستفزة هو امجد بصتله واتأكدت انه مش عمر اول ماشفته واتأكدت انه كويس ماحستش بالدنيا
فوقت لقيت نفسي بالمستشفي
وامجد جنبي شافني صحيت جري عليا حضنني وطمني عليه
ولقيت ماجد ومجد قلقانين
ماجد قالي يالا بقى عاوزين نرجع بلدنا
اول ماخرجت حجزوا وتاني يوم رجعنا مصر
سألت عن عمر قالولي انه خلاهم ياخدوه مكان امجد
امجد هو عمر شغله خطړ اوي كدة عشان يخطفوك لانك شبهه
للاسف ياكارما دة كل حياته عاشها هنا مع امه الأمريكية ومكانش ببسأل بابوه خالص ولما عمي حرمه من الميراث اشتغل بكل حاجة خطړ وممنوعة عشان يعوض حرمانه ويبقى معاه فلوس كلنا عرضنا عليه ييجي مصر وسطنا وياخد فلوس رفض واتكبر
المهم حقك عليا.
حبيبي انت ذنبك ايه
ربنا مايحرمنا من بعض
ورجعنا اخيرا بعد شهر عسل عجيب
امجد طلب منهم ومني محدش يعرف حاجة عن الي حصل
رجعنا على الفيللا وامجد كان بيحاول يعوضني عن الصدمة الي اخدتها وفضلت

شوية في البيت وهو رجع على شغله وكان بيزور اخواته لوحده يفطر معاهم او يتغدا ويتطمن عليهم وييجب ياكل تاني معايا
وبعد شوية وقت رجعت الحياة لطبيعتها ورجعت شغلي مع امجد
وفي يوم وسط الميتينج حسيت بتعب
وبعد الميتنج جيت اقوم الدنيا لفت بيا واغمى عليا
يتبع
الفصل ١٤ و ١٥
فوقت لقيت نفسي في المستشفى
وامجد جنبي اول مافوقت جري عليا باس راسي وكان مبتسم
قلتله حصل ايه
قالي دوختي ياحبيبتي وخضتيني ووقعتي قلبي بس في خبر حلو انتي حامل في شهر
ونده للدكتور
الدكتور قاس الضغط واتطمن عالنبض
وقالي لا كله بقى تمام بس لازم تخلي بالك من نفسك اكتر من كدة مبروك ياجماعة تقدرو تروحو بس تاخدي فيتاميناتك بميعادها وترتاخي اول ٣ شهور
المهم روحنا وامجد خاېف عليا ومش عاوزني امشي اصلا
اتصلت بماما وخالتي صمموا ييجوا يتطمنو عليا وامجد حلف عليهم يقعدوا معايا
تاني يوم اخواته عرفوا وامجد عزمهم عالغدا عندنا كان نفسه يحسن العلاقات
امجد كان بيشرف عالعزومة بنفسه وهو الي اتصل بالمطعم واستلم الاكل وجهزه وماما وخالتي بيساعدوه وام سميه ودي الست الي بتساعدنا بالبيت
واخواته جم جايبين هدايا وكلنا قعدنا نتغدا
اهتمام امجد بيا خلاهم يتجننوا وامجد بيأكلني
هدير اخته الكبيرة قالت بغل خلاص ياامجد هي مش اول واحد تحمل
ردت مروة لا ازاي لازم تتدلع زي ماحكمت عليه مايقعدش معانا
حنان الصغيرة قالت بخبث كفاية هزار احسن تزعل وامجد هايزعل على زعلها
كل دة وانا باتفرج عليهم وماما وخالتي ساكتين
وانا مستنية رد فعل امجد
امجد قالهم بهدوء خلصتوا
كل واحدة فيكم تقوم تطلع برة بيتي انا معرفتش اربيكم.
ردت هدير انت بتطردنا عشان واحدة زي دي
قومت روحت مسكت ايديه
قلتله عشان خاطري بلاش خودهم بعيد واعمل مابدالك انا مش عاوزة اشوف الموقف دة ولااكون طرف فيه
ردت حنان حاضر ياامجد هانمشي خلي البرنسيسة ترتاح
وهنا امجد سحبهم زي الكلاب لحد البيت التاني
شوية وسمعت زعيق وصويت
ماما وخالتي قالولي ماتروحيش
بس كان لازم اروح
رزحت وقفت برة اترددت بس شفتهم وسمعتهم من الجنينة لقيت امجد بيضربهم وكل واحدة جوزها واقف
وخايفين يتدخلوا
وبكل عصبية الدنيا امجد قالهم بكرة الصبح كل جزمة فيكم ترجع بيت جوزها
وقبل مااسمع واحدة منكم ياسفله بتقول بيت ابويا دةبيتي وانا شاري نصيبكم كلكم
الصبح ماشوفش حد منكم هنا
واتصل باخواته الرجالة وطلب حضورهم
شوية والاخوات كلهم اتجمعوا
امجد حكالهم كل حاجة من ساعة الفرح لحد الي عملوه عالغدا
رد المغرور وقال انا من زمان كنت معترض على انك عاوز تلم الكل هنا وناسي ان اخواتك البنات كل همهم الفلوس
بدأوا يتخانقوا سوا وسيل اټهامات لبعض
لحد ماامجد صړخ فيهم اسكتوا كلكم ولا كلمة خلاص
البنات هتطلع تحضر الشنط وكل واحدة تاخد جوزها وعيالها معاها وعلى بيتها
ومن بكرة لا انتوا اخواتي ولا اعرفكم
لحد ماتتعلموا تحترموا مراتي وتبطلو طمع وحقد وحركات الشړ دي
ومشي وسابهم بيعيطوا
خرج لقاني حضنني وقالي انا اسف حقك عليا
دخلنا بيتنا وطلعنا اوضتنا
وشوية صمم ينزل يروح مشوار مهم
وهو نازل سمعته بيكلم المحامي
بعد ساعتين رجع لقاني نايمة
قرب مني وقالي ان في سفرية مهمةولازم يحضرها بنفسه لان في مكسب كبير وصفقة هاتتم لو هو سافر كمان اسبوع
وهايغيب اسبوع بنفس البلد الي قضينا فيها شهر العسل وحصل فيها المشكلة
وطلب من ماما وخالتي يعيشوا معايا
وفضل يوصي اخواته الرجالةعليا
وقبل سفره بيوم فضل قاعد جنبي وفضل يوصيني لو حصلت حاجة اتصل بالمحامي بتاعه اسمه هادي كنت قابلته مرتين بمكتب امجد وعرفاه
قلتله بعد الشړ عليك بلاش الكلام دة
حتى اسم البيبي كان بيوصيني لو ولد اسميه فارس ولو بنت نورسين
وراح زار اخواته البنات
صممت اوصله المطار انا وماجد ودعنا بعض ولسة هايمشي وهو مش بينزل عنيه من عليا
ندهت عليه رجعلي جري امجد قلبي حاسس ان في حاجة هتحصل بلاش ياحبيبي
الاعمار بيد الله انتي بس قلقانة عشان اول مرة هابعد عنك
ابقى طمني عليك على طوللا اله الا الله
سيدنا محمد رسول الله
وسافر امجد خلاص وماجد وصلني ورجعت البيت وانا تايهة
اول ماوصل بالسلامة طمني عليه وكان معايا عالفون والنت باستمرار
الاسبوع عدا اكنه سنة ماما وخالتي جنبي ودة مهون عليا كتير واخواته الشباب ماسابونيش كل يوم يشوفو طلباتي ويتصلو بيا
خلاص امجد راجع بكرة ويصادف كمان نفس يوم عيد ميلاده
روقت البيت واشتريت الحلويات الي بيحبها وعزمت اخواته بكرة
النهاردة امجد اتصل بيا طمني عليه انه نزل من الفندق ورايح المطار
صحيت تاني يوم قلبي مقبوض
ماما قالتلي اقري قران
بس برضه احساس غريب جوايا
وقت وصول امجد قرب
لبست وتأنقت وعلقنا الزينة وحضرنا التورتة بس امجد ماجاش
اتصلت بالمطار الطيارة وصلت من ساعة
اتصلت بماجد
الكل قلقان واخواته عملوا اتصالاتهم
في حاجة غلط احساس هايموتني
بالليل واخيرا لقيت اخواته رجعوا دخلوا وهما ساكتين فين امجد
محدش بيرد
ماما قالتلهم ياولاد لو في حاجة عرفونا
مجد قال بصراحة كدة امجد ماركبش الطيارة
ازاي انا مكلماه قبل مايوصل المطار
لا ليه ماركبش طيب هاتصل بيه
ومسكت الفون لقيت المغرور جه شده مني وقالي كارما اقعدي واسمعيني واهدي عشان البيبي
قعدت وانا خاېفة
قالي في شكوك انه اتخطف تاني. زي المرة الي فاتت
ليا اصدقاء مهمين هناك وقالولي العصابة الي الزفت عمر ابن عمي شغال معاهم ليهم عيون بالمطار احتمال كبير يفتكرو ان امجد هو عمر وبيحاول يهرب منهم
ماما قالتله طب والحل
ماجد قال هانسافر متقلقوش
انا انهرت مش عارفة انا قلتله بلاش
بس جوايا احساس ان في حلقة مفقودة في حاجة غلط باتصل برقمه كل ثانية ومفيش حاجة
اخواته التلاته سافروا ٤ ايام وانا بمۏت
والكل خاېف عليا عشان البيبي
وانا متماسكة عشانه
وفجأة الفون رن ورديت والي سمعته كان ……
يتبع
الفصل ١٦
الفون رن ورديت
مين معايا
محدش بيرد
مين بيتكلم
مدام كارما البقاء لله في امجد جوزك
والسكة اتقفلت
مكملتش ثواني من الصدمة لقيت اخواته الشباب داخلين عليا
كل الي سمعته
انهم لقوا چثة مشوهة تحت بيت عمر ومحدش يعرف چثة مين امجد ولا عمر
ولقوا معاه جوازين سفر لامجد ولعمر
ولان عمر غايب من قبل سفر امجد بشهر الاغلب دي چثة امجد والي قټله أعداء عمر عصابات ڼصب عليهم بملايين
كل دة وانا حاسة اني باحلم
الكل بيواسيني وفجأة اترمى جوايا احساس بالسکينة والهدوء
قمت قلت لهم خلصتوا امجد عايش
قلبي بيقولي عايش
ولو سمعت حد بيقول ماټ انا الي هاقتله
لقيت اخواته البنات داخلين يصوتوا
قمت بكل قوتي طردتهم برة
الي مادخلش البيت دة وامجد موجود مش هايعتبه وهو غايب
ماجد مشاهم وهداني
الوحيد الي وافقني على تفكيري كان المغرور قالي
انا كمان واثق ان نهاية امجد مش هتكون كدة
امجد عايش
مجد قال احنا جنبك بكل الاحوال
ماجد قالي مټخافيش بس ارجوكي تماسكي عشان البيبي
عدت الايام بطيئة الشباب بيتابعوا شغل الشركة
وبيتابعوا التحقيق ومفيش جديد
البنات رجعوا بيت امجد واستغلو الفرصة وعملوا عزاء لامجد
وانا كل تركيزي في اني اكون قوية عشان ابن او بنت امجد
وجه ميعاد الولادة وماما وخالتي وماجد معايا
جبت توأم بنت وولد
ولما روحت لقيت
اخواته البنات مستعمرين بيتي
ومعاهم علاء ابن عمهم ارخم واتنح شخصية عمري ماارتحت لنظراته
وامجد كان مانعه يدخل البيت
جريت على اوضتي اخدت دهبي وهدومي
وانا نازلة لقيت اخته بتحاول تاخد مني شنطي
ساعتها ماحستش بنفسي غير وانا باضړبها بالقلم
قالتلي

زي ماطردتينا هانطردك
قلتلها وانا مش من الشارع انا مليونيرة من قبل مااعرفكم
وحق ولادي وحقي هاخده متفرحوش اوي كدة امجد هايرجع
علاء اتجوزيني وانا احميكي منهم
كارما لو انت اخر راجل في العالم هايحميني منهم
مش هاتجوزك
امجد لو فعلا ماټ ولاده عايشين ومراته عايشة وواقفة على رجلي وحقي هاخده منك ومنهم
مروة بتحاول تزق كارما عشان تقع ولكن كارما مسكت ايديها ولوتها وراها بقوة لحد مادراعها اتكسر
وفضلت تصرخ وهدير وحنان خافو ووقفوا ورا علاء يتحاموا فيه.
كارما عشان تفكري الف مرة قبل ماتقربي مني والي هتقربلي منكم ياحرباية منك ليها هاقتلها
انا قوية بربنا ياعيلة و……خة يازبالة
ومش هسيب حقي
واخدت شنطها ودهبها وخرجت رافعة راسها ومعلمة عليهم كلهم
لوحدها اه بس قوية حتى الاسود هيباها
وانا خارجه قابلت ماجد والمغرور
طبعا داخلين يتخانقوا مع البنات قلتلهم
بكل الاحوال انا محتاجة جو هادي اراعي فيه الاطفال
سيبوهم بكرة امجد يرجع ويظبط كل حاجة
وابتسمت ومشيت وهما بيبصولي بصة اني اټجننت
روحت بيت امي وقررت احارب بس لما افوق وارتب افكاري واراعي الاولاد
وفي يوم لقيت ماجد واخواته والمحامي جايين زيارة
ماجد واخواته سلموني نصيب امجد بالشهور الي فاتت وجايبين الورق والحسابات
وهدايا للاطفال
المحامي طلب منهم يشوفني لان امجد وصاه لو غاب اكتر من ٦ شهور يسلمني ورق
قلتله ورق ايه يااستاذ
عقود بيع بكل املاك امجد وشركاته ليكي يامدام كارما
كان قلبه حاسس
اخواته في حالة ذهول
وبعد فترة صمت رد ماجد وقال
امجد موجود او غايب حافظ وصاين حقك وحق اولاده
الكل مشي وسابوني حضنت الاولاد وانهرت
ليه كدة ياامجد رميت نفسك پالنار
وسبتني لوحدي انا وولادك ليه
نمت بحضن اولادي والصبح قمت. وانا مقررة هعمل ايه
ماما وخالتي اول ماشافوني خارجة قالولي
هاتعملي ايه
قلتلهم هاجيب حق ولاد امجد
روحت للمحامي حكيتله كل حاجة ولانه محامي كبير وواصل في ساعة زمن كنت في بيتي مع البوليس بيطرد اخواته طردة الكلاب
واستلمت بيتي وتاني يوم نزلت الشركة كان لازم اراعي حقنا بنفسي
ماانكرش ان اخواته الشباب سند وواقفين معايا
وبدأنا نشتغل سوا والشركة ماشية أكن امجد هنا
بس امجد واحشني وواحشهم
دة الترس في حياتنااحنا كلنا من غيره تايهين
ياترى هايرجع ياترى عايش
فاتت سنة مفيش يوم عدا من غير ماادعيله ومستنياه وهافضب مستنياه لاخر يوم بعمري
الحياة ماشية عادية لحد مافي يوم حصلت مفاجئة غير عادية
يتبع
الفصل ١٧ قبل الأخير
كنت نايمة في اوضتي والبيبيهات مع ماما في اوضتها
كانت بتصمم تنيمهم جنبهاوتتخانق مع خالتي عليهم
ربنا مايحرمني منهم
خلصت دعائي زي كل ليلة لامجد ربنا يحفظه ويرده ليا ولاولاده سالم
ونمت صحيت على حد بيصحيني وهو بيهمس
كارما اصحي
فتحت عنيا
ايه دة امجد
غمضت عيني تاني قلت. يمكن اكون باحلم
بس نده عليا تاني
فتحت عنيا لقيته
صړخت امجد انت عايش
قرب عليا واخدني في حضنه
عيطت وانهرت ياربي انت عايش انا كنت عارفة انا قلتلهم محدش صدقني
ربنا استجاب
وهو مش بيرد عليا بيحضنني وبس
بعدت عنه وبصيتله
امجد ايه الي حصل انت كويس طيب
لقيته بيبكي
قالي كارما عاوزة انام مش قادر اتكلم
بس اشوف ولادي الاول
صحيت ماما وخالتي
فضل يبوس ايد ماما زخالتي وكلهم بيعيطوا
واول ماشاف ولاده عيط وفضل يبوس وبحضن فيهم ساعة
فارس شبهي ونورسين شبهك
قلتله سيبهم بقى ينامو ان شاء الله هاتشبع منهم عمرك كله
قبل مانرجع اوضتنا طلب من ماما وخالتي محدش يعرف انه رجع لسبب مهم وانه هايفهمهم بعدين
وطبعا هما وافقوا
رجعنااوضتنا حضرتله اكل واخد شاور وقبل ماينام طلب مني نفس الطلب
قالي انا هانام اتعاملي اكني مختفي وبكرة هافهمك كل حاجة
قلتله المهم انك عايش ورجعت لبيتك وأولادك
وسيبته ينام
طول الليل اتأمله مش مصدقة انه رجع
اللهم لك الحمد
الصبح طلب مني اروح شغلي عادي
صممت اخده اجازة
وفضلت جنبه اصخيه ياكل ويرجع ينام اكنه بقاله سنه منامش
فين وفين صحي وفاق
وحكالي كل حاجة حصلت
وهو راجع اتخطف من المطار بس العصابة اكتشفت انه امجد مش عمر
لان عمر كان مخطۏف من عصابة اخطر وهايقتلوه لو ماقالش على مكان الفلوس الي سرقها منهم والي طلعت في بنك معين شايلهم بخزنة وهو بس الي يقدر يوصلها والمفتاح معاه
ولاني شبهه قرروا العصابتين يتفقوا انهم يستغلوني في اني ارجع فلوسهم
وبالفعل بالضغط على عمر قالهم على مكان المفتاح واسم البنك
ورافقوني لحد ماخلصت كل دة واخدوا فلوسهم
بس قتلو عمر وحطوا في جيبه اوراقي واوراقه حركة تمويه للبوليس ولكل الي بيدوروا عليا
واتفقوا معايا يفرجوا عني بشرط اساعدهم بعمليتين كمان باستغلال الشبه بيني وبين عمر
وكنت مجبى اعمل الي طلبوه
رغم خطورته كان هو دة الحل ونفذوا اتفاقهم معايا وجابولي جواز سفري بطريقتهم ووصلوني لاقرب بلد من المطار وحجزولي تذكره على مصر
ياحبيبي كل دة حصلك ياقلبي
حضنته قالي المهم اني سبت ورايا راجل
حافظتي على ولادي وعلى شغلنا واتمردتي على الواقع الواقع الي كان بيقول اني مېت
بعد الشړ بس انت عرفت منين
انا نزلت مصر من ٤ ايام مكنش ينفع ارجعلك وانا مش عارف الوضع
لجأت لقريب ليا دة صديق عمري و اكتر من اخ
وعرفت منه كل حاجة عنكم
كارما انا بعد الي عرفته من عمايل اخواتي البنات مبقتش قادر اسامح
ومش هارجع الا لما اتأكد من إخلاص ووفاء اخواتي الشباب
وانتي الي هتساعديني
انا تحت امرك
هاتروحي الشغل عادي وفي خلال يومين هاتطلبي منهم أنهم يشتروا نصيبك
وهانشوف رد فعلهم
وساعتها هاقدر احدد هما زي البنات ولا لا
انا بعد الي شوفته والي عرفت انه حصلك من غيري مابقتش انا امجد بتاع زمان
انا بس عاوزاك تتأكد من حاجة واحدة
ايه هي ياحبيبتي
اني محتاجالك وروحي ردت فيا لما رجعت
وقربت منه واترميت في حضنه
ومش هاسمحلك تبعد تاني
وانا عمري ماهابعد
مش هاسمحلك اصلا مش بمزاجك
فضل يلاعب فارس ونورسين
ماما سألتني عن أحواله
قلتلها امجد متغير انا خاېفة بعد التجربة الي شافها يعمل حاجة تضره
ماما قالتلي مټخافيش هو عاقل ووجود ولاده هايمنعه من اي فعل طايش
يارب ياماما
ونفذت الي امجد طلبه مني والمفاجئة ان رد فعل اخواته كان ……..
يتبع
الفصل الاخير
طلبت اجتماع مع ماجد ومجد ومجدي
وبلغتهم اني بافكر ابيع نصيبي واتفرغ لرعاية أولادي اعصابي تعبانة مش قادرة اركز
بعد صمت رد ماجد وقالي نصيبك زي ماهو وارتاحي مع اولادك في بيتك ونصيبك هايوصلك وبالورقة والقلم ماينفعش بعد امجد الي شقي وتعب عشان الشركة دي تكبر وتبقى من اهم الشركات في مصر
يدخل معانا حد غريب او نصيبه يتباع اونصيب اي حد فينا
رد المغرور ياستي انتي مقتنعة انه راجع وانا كمان ازاي فكرتي اننا ممكن نتخلى عنك وعن فارس ونورسين ياكارما انتي دلوقتي اخت لينا
واختنا ماينفعش تبعد عننا
رد مجدي وقال انا مش عاوزك تشيلي هم اي حاجة انتي وولادك في عنينا ارتاحي وراعيهم وريحي اعصابك من الشغل انا عارف ان الي حصل وغياب امجد تاعب اعصابك
صدقيني مش لوحدك احنا لما مسكنا الشغل عرفنا قد ايه كان بيتعب عشاننا واحنا مش مقدرين ولاحاسين
عنيا دمعت حقيقي عرفت تربي ياامجد
وزي مااتفقت مع امجد
عزمتهم عالعشا قلتلهم اني عاوزاهم بموضوع مهم
هما قلقانين لاكون مصممة على رأيي
حكيت لامجد كل حاجة لقيت نفسيته ارتاحت وجه ميعاد العشا
اخواته جم
وقعدوا عالسفرة وانا قعدت معاهم وكانو جايبين هدايا للولاد
سألني ماجد ايه الموضوع قلقتينا ياكارما
ابتسمت وبصيت ناحية الباب
اول ماامجد ظهر اتصدموا بجد
جريو عليه واحضان وعياط ومنظر يبكي
طبعا التساؤلات كتير قعدنا وامجد حكالهم كل الي حصل معاه
قد ايه رجوع امجد فرق في حياتنا كلنا
المغرور قاله وناوي على ايه مع اخواتك البنات
هانسيبهم كدة
رد ماجد وهيعملهم ايه يعني دول سابو الطمع يعمي عنيهم ونسيوا الاخوة والحب الي اتربينا عليه
رد امجد وقال انا مش قادر اسامحهم خصوصا بعد ماسمحوا لواحد تافه حقېر يدخل بيتي ويعاكس مراتي
انا قررت اقاطعهم لا هأأذيهم ولاهاعاقبهم مهما كان هما اخواتنا بس عمري ماهاصفى من ناحيتهم
تاني يوم امجد كان في الشركة وعملنا احتفال كبير برجوعه
حقيقي كل الناس بتحبه
ماما وخالتي سافروا الحج
وسماح صاحبتي هي والمغرور اتخطبوا ربنا يعينهم على بعض
الشغل الي تم بيننا وبين اخو سماح ومراته تم على اكمل وجه ودة خلاهم يتعاقدو معانا على تنقيذ كل مشاريعهم بالقاهرة
ودي كانت صفقة القرن
اخوات امجد البنات بيحاولو يصالحوه وندمانين لما لقوا اخواتهم الرجالة بعدوا عنهم وقاطعوهم بس امجد رافض تماما
واخواته نفس الشيء
حاولوا معايا وانا مش عارفة اتقبلهم بحياتي فبقيت اتعامل معاهم من بعيد بتحفظ
امجد بيتعالج نفسيا من اثر الي اتعرضله لانه اصبح بېخاف علينا خوف مرضي
انا شخصيا باخاڤ اسيبه يسافر لوحده حتى لو هايروح داخل البلد مش باسيبه لوحده
فارس ونورسين النهاردة عيد ميلادهم
بنحتفل انا وهما وامجد وبس
بعد ماناموا امجد اخدني من ايديا
وطلعنا على سطح الفيللا قعدنا على السور اخدني في حضنه واحنا بنراقب القمر
همست له امجد انا باحبك
قالي الي تستنى جوزها سنة واكتر وتحافظ عليه وعلى اسمه وعلى اولاده وتتمرد على واقع انه ماټ وبدل ماتعيش حياتها قررت تستناه
امجد انا كنت مستعدة استناك عمري كله
انتي عمري ياكارما
بصلي وطبع قبلة حانية على جبيني وقالي انا مش بحبك انا باتنفسك باعشقك ياكارما
عشقت متمردة
تمت