الحبل السري
قدام باب اوضه كبيره في شقه فخمه كان واقف شاب فى الاربعين رايح جايه قدام الاوضه والتوتر باين على ملامحه بعد شويه طلعت ست كبيره من الاوضه بملامح عابسه قال بلهفه.
ها ايه يا ماما
امنه….. المره دى ولدين بس زي العاده نزل منها زي الفل اول ما قصو الحبل السري مات
بدر… اوف انا زهقت بقى كل مره يموت اول ما يقطعو الحبل السري
امنه… انت لو تبعتنى كان زمان معك عيل واثنين وثلاثه وعشره بس نقول اى
بدر… بالله عليكى مش وقته دلوقت
طلعت صباح مرات اخوه وقالت… خلاص يا حماتي الله يعينه على اللي هو فيه ولا عيل واحد عاشلو قلبي عندك
بدر اتنهد بضيق وطلع على الاوضه وقعد كان قاعد شاب تاني على السرير ده نادر اخوه جوز صباح قال…
مالك مبوز ليه العيل مات بردو
بدر… انا اللي مجننى بيبقى نازل حي وصاحي واول ما بيقطع الحبل السري بيموت ايه المشكله انا مش عارف
نادر… طب اهدا اهدا ان شاء الله افضل حاول وهتظبط
بدر… نحاول ايه اكتر من كده احنا دي سابع مره يحصل فيها نفس الموضوع ده غير امك اللي عماله تقطمنا في الطلعه والدخله مفكراها ناقصه
في اوضه تانيه كانت قاعده ست وربطه دماغها وبتعيط وامها بتقول….
يا بنتى كفايه اللي عاملاه في روحك ده ما ينفعش كده انتى لسه والده وما ينفعش العياط ده
مروه…. ازاى بس انا كل مره تعب حمل وتعب وحم ووجع ولاده ويموتو برضو
امها… اهدي بس ان شاء الله هتتحل
مروه….. انا جربت اولد في المستشفى وفي العياده عند دكتور.. وجبت الممرضه البيت واخر ما ضاقت بيا خالص جبت دايه تولدني في البيت وبردو ما فيش فايده وحماتي بره واقفه وعماله تقنع بدر ان هو يتجوز عليا عشان يخلف انا حاسه انى هيجرالي حاجه اكثر من كده يا ماما هيجرالي حاجه
امها… يا بنت اهدي انا لقيتلك الحل خلاص
مروه… جد
اى
امها… لا هقولك بعدين اما تخفى كدا توقفي
مروه… انتى بتضحكي عليا يا ماما عشان اقوم صح
امها.. يا بنت بقولك لقيت الحل بس لازم تقدرى توقفي معايا وتعملى اللي هقولك عليه انما وانتى نايمه كده لا هعرف اقولك ولا هتعرفي تعملي اللى عايزينو انتى خفى بس وسيبيها على الله وعليا
وبعد ايام كانت خفت وواقفه في المطبخ بتحضر الغدا وبدر قال…
يلا بقى يا مروه هاتيلي الاكل انا جعان قوى
مروه جابت الاطباق وقالت… ايوه على طول اهو
امنه… بقول ايه يا بدر
بدر.. خير يا ماما
امنه… انا جبتلك بنت حلوه جميله وما سبقلهاش جواز قبلك ايه رايك
مروه…. فى اى يا حماتي ما هو متجوز لو مش واخده بالك
امنه… انا ما هجوزهوش عشان يتجوز يا حيله امك انا هجوزو عشان يخلف عيل يشيل اسمو وما يبقاش وحداني شعر الابيض خلاص عبى دماغو وعلى راي المثل اولاد الشيبه يتامى يلحقلو عيل قبل ما يكبر
بدر… اقفلى على الموضوع ده يا ماما الله يخليكى سيبيني اكل انا جعان
امنه… براحتك يا ولدي بس تعرف البت يمكن تكون زى مراتك وماتعرفش تجيب ولد انا هجوزك ليلى بنت سماح دي جوزها متوفي من خمس شهور مخلفه حته ولد صحته بومب يهدلك الحيطه ديت
بدر… هعمل بها ايه يا ماما بابنها اللي يهد الحيطه اعمل بيها ايه ما انت لسه قايله ابنها وراها
امنه… العيل صغير ميعرفش حاجه ده يا دوبك خمس سنين بس صحته حلوه
مروه بغيظ… يا سلام يا سى بدر يعني لو ما كانش وراها ابنها كنت اتجوزتها عادي
بدر.. لا اله الا الله مش واكل شيلوا ارتاحو كدا
وسابلهم البيت ومشي
مروه… وبعدين يا حماتى انت مش هتبطلي كل شويه تقوليلو يتجوز هو انا اى اللى فى ايدى ما انت بتشوفي ان انا بحمل والولد بينزل من بطني صاحي
امنه… ايوه يا نن عين خالتك بس اول ما بتقطعو الحبل السري بيموت
مروه. . وانا اعمل ايه في دي الاعمار بيد الله انا احطله روح يعنى ولا اعمل اى
امنه… تتلهي على خيبتك وتسكتي ولعلمك ولا ههدى ولا هيرتحلي بال غير لما اشوف ابنى على كتفه ابنه لو ما كانش منك يبقى من غيرك
صباح… انتى بتقولي ايه يا حماتي لى تجوزى الراجل على مراته هو بيحبها وهي بتحبه ده نصيب خلاص بعدين يعني ايه يعني العيال هم اللي ما خلفوش عيال ماتوا ولا اللي خلفوا عيال اتبسطوا ما اديني انا عندي اربع عيال ما شاء الله الله اكبر في عين الحاسود مطلعين عيني بالك افضل اصوت معاهم ليل ونهار
امنه…. اهو انا بقى عايزاه يبقى عنده اربع عيال زي جوزك هو ناقص ايه يعني على الرجاله عشان يبقى عنده عيل
مروه بدموع… اى الكلام ده يا حماتى وانا اعمل ايه يعني
امنه… تسيبيه يتجوز ويشوف نفسه تخلي عندك دم ما هو مش عايز يزعلك المفروض انتى تقوليله وتشيلى الحرج
صباح. انت عايزه البنت تروح تقول لجوزها اتجوز عليا صعبه صعبه يا حماتي لا ما ينفعش
مروه خدت بعضها وطلعت اوضتها وفضلت تعيط جات امها ودخلت عندها وقالت….
مالك يا بنتى
مروه… حماتي يا ماما كانت جايبه عروسه لبدر وعايزه يتجوز عليا
كريمه… هي حماتك الحيزبونه دى مش عايزه تتلم ولا تهدى ليه
مروه…. انا اعمل ايه بس مش عارفه
كريمه.. انا لقيتهالك يا بنت واصلا جايه عشان اقولك
مروه بسخريه…. امم زي الست اللي لو جبتها تولدني في البيت الاولاد هيعيشو صح
كريمه…. كنا بنجرب.. الست وصايف واصله قوي
مروه… انتى عايزاني انا اروح لدجاله..
كريمه.. امال نفضل قاعدين كده يعني وحاطين ايدينا على خدنا واحنا بنتفرج على عيالك وهم بيروحوا كل ما تجيبيهم واحد ورا الثاني
مروه بصراحه مبقتنعش بيهم انا
كريمه… ما تقتنعيش ليه بعدين مش مهم تتقتنعى المهم نروح
مروه…. متاكده من الموضوع ده
كريمه… الناس اللي دلوني عليها قالوا عليها كلام كتير قوي بيقولوا انها واصله وهتحل مشكلتك كلها
مروه… بس بدر مش هيرضى بالموضوع ده
كريمه… وما يرضاش ليه عشان يروح يتجوز عليكى
مروه… حاضر يا ماما انا هقنعه
كريمه…. انا خدت معاها ميعاد على بكره
مروه… ماما ازاى من غير ما تقوليلي
كريمه… ما انا بقولك اهو يا بنت خدي بالك دى مش فاضيه وبتسافر يعني صدقنا ما لقيناها يلا سلام انا
وباليل كانت مروه مستنيه بدر اللى دخل من باب الاوضه وقال…
عارفه يا بنت فى عندنا في الشركه شغله لو نجحت ان شاء الله هتجيب فلوس حلوه قوى
مروه… ان شاء الله تتم
بدر… ايه مالك مبوزه ليه
مروه… صحبت ماما دلتها على واحده ست واصله قوي من الجماعه بتوع البخت هتشوفلي ليه العيال بتموت لما بنقص الحبل السري
بدر بضحك… ودي بتضرب بالودع ولا بتشوف المستخبي
مروه… حاجه زي كده
بدر…. بلاش تروحى الحاجات دي اساسا مش موجوده ما فيش اثر للكلام ده تمام والناس دي كلها نصابه بيضحكوا على الناس وبيدوسوا على الجرح اكثر واكثر علشان الفلوس اذا الدكاتره ما عرفوش دي هتعرف بعدين هي ملهاش غير انه نصيبنا كده يعني
مروه…. انت مامتك عايزه تجوزك
بدر… انا مش هتجوز غيرك العيال مش بيموتو في بطنك اساسا وهو بيتولد عايش وبينزل الدنيا عايش ده قدره ربنا اخذ روحه علشان هو ما ارادش ان انا يكون معايا اولاد اذا انتى او غيرك برده هيموتوا ماما ست كبيره ليها وجهه نظر غيري وبعدين انا مش هخليكى تروحي للست الهبله دي تعمل فيكى حاجه تروح تموتك ولا تنيل لا
مروه… خايف عليا
بدر…. ما انت لو حصلتلك حاجه انا هلبسك
مروه.. بدر بس بقى دى ست واصله جدا يعني هتحاول تساعدنا علشان خاطرى والنبي خليني اروح والله ماما بتقول ان الست دي وصله قوي
بدر… ولا وصله ولا مشترك ما فيش روحان خلص الكلام نامي بقى ولا قومي جيبيلي اكل ولا اعملي
.
وتاني يوم كان قاعده مع امها وبتقول…
يا ماما قال لا واخد شنطته وسافر علشان الشركه بتاعتهم هتعمل صفقه جديده ولو نجحت هتجيب فلوس كثيره وما رضاش يفتح معايا الموضوع اصلا تانى واول ما كلمته قالي لا لا لا
كريمه… يعني ايه قالك لا لا لا وانت سكتي كان المفروض تقنعيه مش انا قلتلك ان الست دي بتجيهم يومين في السنه وبتمشي انت ما تعرفيش انا عملت اى عشان احجز عندها دا انا اديت الراجل 5000 جنيه علشان يرضى يحجزلنا سافر ازاى يخرب بيت وكستك
مروه.. اعمل ايه يا ماما اهو مشى
كريمه… طظ هم كده الرجاله ما يحبوش الست تاجى كده وتستاذنهم في حاجه ويقولوالها ايوه لازما تسكهم على قفاهم وتروح من وراهم
مروه…. ايه تروح من وراهم دي انا مش هروح من ورا جوزي مكان انتى عايزاني اتعلق من رجلى بعدين
كريمه… يا اختي ان الله غفور رحيم وبعدين ما هو شايف الواكسه اللي انت فيها بعدين يا بنت يا هبله امو هتجوزه غيرك وهو مش هيقعد من غير عيال وهو لو بيقول لا النهارده بكره هيغير رايه… انتى هتيجي تباتي عندي وهنروح انا وانت عند الست دي ولا من شاف ولا من دري ولا من سمع ولا من حكي والا بقى لو اتجوز عليك ما تجيش تعيطيلي
مروه…. طيب طيب خلاص يا ماما هروح معاكي بامر لله مع انه بدر لو عرف هيموتني
كريمه… هو مش هيعرف انت هتقوليله انك هتباتي عندي وهو مسافر هيعرف منين
مروه… حاضر
وكلمت بدر وقالتله انها عايزه تروح تبات عند مامتها وهو وافق وراحت مع امها وطلعوا سوا عند وصايف وكانت ست فى الاربعين قاعده وقدامها ترابيزه عليها صحن فيه نار والمكان كان مليان دخان كريمه اتقدمت وقالت…
السلام عليكم
وصايف… وعليكم السلام اقعدوا جايين ليه
مروه… هو مش حضرتك المفروض تقوليلي انا جايه ليه
وصايف… يخربيت الافلام اللى خربتلنا الدنيا انجزى
كريمه… يا ست وصايف البنت دي بتجيب الولد بينزل منها بيكون صاحي واول ما تقص الحبل السري بيموت مسبناش مكان روحنا من مستشفى الاكبر دكاتره في مصر اما غلبنا خالص جبنا واحده من الدايت بتوع زمان تولدها في البيت وكل مره كده سبع مرات
الست جابت حاجه من كيس وحذفتها في النهار ولعت اكتر وقالت… وايه كمان
كريمه…. ودلوقتي حماتها بتزن على الولا ان هو يتجوز على البنت شوفيلنا حل سمعنا عنك سمع خير
وصايف… قدر عيالك مربوط بيكي عشان كده كل ما بتقصو الحبل وبتبعدو من بعض بيموتو
كريمه… وايه الحل في الموضوع ده يا ستنا
وصايف… الحل سهل وبسيط الاسياد بيقدروا يحلوا كل حاجه بس هما ليهم شويه طلبات كده لو تقدروا عليها اعتبره الموضوع اتحل
كريمه… نقدر يا ستنا على طلباتهم ونعملهم اللي هم عايزين كله بس المهم العقده دي تتحل
وصايف… كام اه تمام.. هما عايزين 50 الف جنيه
مروه بذهول… ايه 50 الف جنيه ليه
وصايف… عشان تخلفي عادى
كريمه… ايوه بس مش كثير شويه
وصايف… انتو هتفاصلوا في طلبات الاسياد هما بيقولوا كلمتهم يتوافقوا عليها يا تمشوا
كريمه… حاضر يا ستنا انا هديك ال 50 الف جنيه
مروه.. بتقولي اى يا ماما بدر اساسا ما يعرفش ان انا جايه هنا هنجيب فلوس منين
كريمه… هنتصرف يا بت اسكتي بقى
وصايف… لو جبتو الفلوس وجيتوني انا هظبطلكم الدنيا بس لازم تجيبوها بسرعه لازم نعملها الزار قبل اكتمال القمر دي اوامر الاسياد ويلا بقى روحوا انا مش فاضيه ورايا ناس
كريمه.. حاضر يا ستنا حاضر قومي يا بت
وطلعو من عندها ومروه قالت…. الست دي يا اما هبله يا اما مجنونه 50 الف جنيه ايه اللي عايزاها وزار ايه اساسا وايه اللي هي بتقوله ده مفهمتش حاجه منها
كريمه… هى مش هتقعد تشرحلك دا شغلها مش لازم تفهمي هي طلبت الطلبات انتى تعملي وهى تحل العقده انا معايا شويه دهب كده هبيع منهم وندفعلها الفلوس وخلاص
مروه… لا يا ماما تبيعي دهبك ليه بس
كريمه… يا بنت انا نفسي تخلفي كده وتعيشي في بيتك مبسوطه مع البني ادم الزفت اللي انتى خدتيه دولا عن الرجاله كلها اللي امه مطلعه عينك ده
مروه… انا خايفه من الزار قوى يا ماما
كريمه… خايفه من الزار ومش خايفه من ال الف جنيه امشى امشى
وبالفعل باعت الدهب وادتلها ال 50 الف جنيه ووصايف جت عندهم في الشقه وبقت تعمل الزار والستات كانو بيطبلوا على الطار ويلفوا حوالين مروه وهى وسطيهم بخوف
وصايف… لفي معاهم يا بت
مروه بقت تلف شويه وداخت جدا بعد كده وصايف شقت الفرخه فوقها مروه صرخت برعب ووقعت على الارض بس سمعوا صوت الباب بيخبط جامد كريمه فتحت وقالت
ايه مين اللي بيخبط كده بالراحه هتكسر الباب… ايه انت ايه اللي جابك دلوقتي
بدر… فين مروه يا حماتي واى الدوشه دى
كريمه… مروه مروه نايمه
بدر بعدها ودخل وهو بيقول…
اوعي كده بتعملوا ايه هنا
وصايف… بننفذ طلبات الاسياد
بدر… يلا يا وليه يا نصابه من هنا بلا اسياد بلا زفت اطلعي من هنا
كريمه… اصبر بس هتبوظلنا الموضوع
وصايف مشيت هى الستات وبدر قرب من مروه وبقى يفوقها فتحت عنيها بتعب بس لطمت اول ما شافته وطلعت تجرى جرى وراها عشان يمسكها بس دخلت الاوضه وقفلت الباب عليها… بدر بقى يخبط ويقول….
افتحى الباب ده حالا
صلي على النبي يا بدر ووحد كده وهفهمك كل حاجه والله العظيم
بدر بغضب… افتحى الباب يا بنت بقولك افتحيه بدل ما اكسره على دماغك
مروه.. حاضر بس بالراحه وحياه امك وحياه امك ما تمد ايدك
بدر بغيظ.. همد ايدى و همد رجلي ده انا هضربك بدماغي كمان افتحي الباب ده
مروه فتحت الباب وهو مسكها من شعرها بس قالت. .. حقك عليا والنبى
بدر… انا مش قلتلك
مروه… لا حصل وقلتلنا دول نصابين وعايزين فلوس من ورا جروح الناس
بدر… ولما هو حصل ما سمعتش الكلام ليه ها
مروه ببكى… انا كنت بحاول اعمل اي حاجه عشان نخلف بعدين شوف شكلي انا يعني عجباني البهدله دي انا عملت ده كله على فكره عشان امك ما تجوزكش عليا
بدر بعصبيه… قلتلك مش هتزفت والله العظيم ما هتزفت
مروه… خلاص بقى ما بتزعقش الطار اللي كانو عمالين يخبطوا بيه فوق راسي صدعنى والدم على هدومي وشوف شكلى عامل ازاي خلاص بقى
بدر… اوف طب خلاص بس ما تعمليش حاجه من ورايا تانى متعيطيش بس
مروه…. لا انا بعيط عشان انا متضايقه على الحاله اللى انا وصلتلها
بدر.. طب خلاص خلاص بقى
مروه… تؤ انت زعقت
بدر… انا اسف يا ستي
مروه.. لا بس انت زعقت جامد
بدر.. هو ايه ده ضربني وبكى سبقني واشتكى ما انتى جيتي من ورايا وبهدلتينا
مروه.. انا اسفه حصل خير بس انت ما قلتليش عرفت ازاي
بدر.. ماما قالتلي
مروه.. نهار اسود هى عرفت هتقطمنى دلوقت
بدر… ولا تقطمك ولا حاجه يلا بينا بقى
رجعوا البيت اول ما شافتهم امنه قالت….
انت جبتها تاني انا فكرتك اول ما تشوفها حترمي عليها يمن الطلاق وتخلصنا
مروه… لى كدا بس يا حماتى
امنه.. عشان قرطستيه وروحتى لدجاله من وراه يا اختي
مروه… ما تخليكى محضر خير يا حماتى
امنه… خير وهيجي منين الخير ده انا ما شفتش خير من ساعت ما دخلتي البيت ده انتى وامك يا وش البوم
بدر بزهق.. كلمه كمان هزغرط في وشكم واطلع اجري خلصانه خلصانه انا هطلع انام
وسابهم وطلع وعدت فتره وكانت مروه حامل تانى وكانت طالعه من البيت دخلت بنت جميله في ال 30 وقالت…
صباح الخير
مروه… صباح النور
انا قمر جايه للحجه امنه
مروه… اه اهلا اتفضلي
امنه… مروه اعمل القهوه الاول وهاتيها وبعد كده روحي مكان ما انتى رايحه
مروه.. ماشي
وعملت القهوه وحطيتها فة الصالون وقالت..
سلام انا رايحه
امنه.. سلام
مروه مشيت ودقايق ودخل بدر من بره وقال…
اى دا احنا عندنا ضيوف
امنه… مش ضيوف دى قمر بنت خالتك سلوى جارتنا اللي على اول الحاره
بدر… اهلا وسهلا فين مروه
امنه.. تعالى اقعد جنبي ده بقى ابني بدر اللي حكيتلك عنه
بدر.. هو انتى حكيتيلها عني ان شاء الله يكون خير
قمر..كل خير هي اساسا من ما جيت وهي مش بتتكلم غير عنك
امنه… هروح اجيبلك كوبايه قهوه خليك قاعد معاها
وسابتهم ودخلت المطبخ وبقت تتابع بعيونها
قمر… عارف انا كنت متجوزه وتطلقت خلفت ولد سميته ابراهيم ٣ سنين بس فضل مع باباه وجدو
بدر.. صعبه ازاي عايشه من غيره
قمر… عادي يعني هو قاعد مع جدو ومع باباه مش ناقصه حاجه وانا بشوفه كل فتره عادي يعني.. انت عندك كم سنه
بدر… نعم
قمر.. عندك كم سنه
بدر… ٤٥
قمر.. اه لى معندكش ولاد الواحد المفروض يخلف قبل ال 35 علشان الولد يطلع معاه ما يبقاش هو كبير وابنه صغير
بدر.. فعلا عندك حق.. هى ماما اتاخرت ليه معلش هروح اشوفها وارجع
قمر مسكت ايدو وقالت…. بتعمل القهوه خليك قاعد لحد ما تيجي مامتك ادينا بندردش
شد ايدو منها وقال… لا انا بقلق عليها هشوفها وارجع
وراح لامه وقال…
ماما البت اللى فى الصالون دي ليه جايباها ها
امنه… وطي صوتك
بدر.. انتى فاكراني اهبل مش فاهم البنت فاتحه تحقيق عمرك كم سنه ومش عارف ايه انسي الموضوع جواز مش هتجوز على مراتي انا
امنه… نمشي البنت ونتكلم في الموضوع
بعد شويه مشيت البنت وهو كان قاعد فى اوضته بضيق دخلت امنه وهو قال بسرعه
ماما انتى ليه بتتصرفي معايا على ان انا عيل صغير ومش عارف مصلحتي ليه بتتصرفي اساسا من ورايا معقول تجيبيها البيت من غير ما تقوليلي ووديتى مروه فين
امنه… مروه في السوق راحت تجيب حاجه وانا جبتها مخصوص في الساعه اللي هي مش فيها عشان انت تقدر تشوفها وتتكلم معاها ها بقى عجبتك
بدر… انا مش هتجوز على مراتي
امنه… يا حبيبي عشان لازم تخلف ما ينفعش تفضل كده بعدين عاجبك حالك ده كسرت ال 40 هتخلف امتى ليه ليه يكون ربنا مديلك الرخصه وتفضل حارم نفسك ده حتى حرام الراجل عادى يتجوز لحد اربعه خلاص يا حبيبي ما فيش حاجه لما تتجوز لحد اربعه علشان تخلف وتساهم في استمراريه الكون مش احسن يا ما تبقى كده وحداني
بدر….. يا ماما انا عارف كل اللي انتى بتقوليه ده بس انا ما اقدرش ازعل مروه
امنه… يا حبيبي مروه هتزعل يومين وبعد كده هترضى
بدر… انا كده مش بظلمها يعني هي لو اتطلقت مني واتجوزت واحد ثاني مش احتمال تخلف
امنه… لى بقى ان شاء الله انت عند ما الحمل دخل بطنها ستوب بعد كده الحمل بيكون سليم دي مش مشكلتك انت كده خلاص بيموت بيتخنق كل ده منها هي مش منك انت وانت يا سيدي محافظه على مشاعرها هنخليها تروح عند مامتها ونعمل الفرح
بدر… يا سلام وهى لما ترجع مش هتلاقيني متجوز مش هتلاقي البنت اللي انا حجبها دي هنا ولا هخبيها عنها
امنه…. لا هتجيب البنت هنا عادي جدا وهي هتيجي هتلاقيها عادي جدا ولما تلاقيها سيبلي انا الطلعه دى انا هعرف ازاي اسكتها
بدر .. وافرض موافقتش وطلبت الطلاق
امنه… المركب اللي تودي والنبي فكر فيها هتلاقي نفسك كسبان
بدر… انا مش عايز اطلق مروه انا لو كنت عايز اطلقها كنت طلقتها من زمان
امنه… فكر في الموضوع لو ما عجبكش خلاص
وسابته وطلعت وهو بقى يفكر في الموضوع بعد شويه مروه رجعت البيت وكانت واقفه فى المطبخ بتحضر العشا جات صباح وقالت…
مروه
مروه… عايزه ايه يا صباح
صباح… هقولك على حاجه حصلت وانت مش هنا بس اوعك تجيبي سيره لحماتك ان انا قلتلك اه بلاش تخربي بيتي وتخربي عليا انا عندي عيال
مروه…. في ايه
صباح… ما انا هقولك تعالي معايا طفي على البوتاجاز وتعالي معايا
مروه قفلت ع الاكل وراحت معاها وقالت…. ايه في ايه
صباح… البت اللي انتى شفتيها وانت ماشيه الصبح اللي عملتيلها القهوه بايدك يا خايبه
مروه… مالها دي
صباح…. مالها ايه طلعت عروسه لجوزك
مروه… ايه اللي انتى بتقوليه ده
صباح… وطي صوتك وما تقوليش ان انا قلتلك انت وعدتيني…. بصراحه كده حماتك جابتها واول ما جه جوزك من بره قامت وقالتله اقعد هنا وانا هعمل قهوه لقمر ودخلت جوه وقعدت متخبيه في المطبخ وما رضيتش تطلع وسابت جوزك لوحده مع قمر
مروه…. نهار اسود
صباح… اه يا اختي قلبي عليكى هيجوزوا جوزك عليكى بس بالك انتى انا اول ما شفتها قعدت بقى كده وسمعت دلك الحوار اللي دار بين جوزك وبينها فضلت تساله انت عندك كم سنه وما اعرفش ايه وقالتله انها مخلفه من جوزها الاولاني قبل ما يطلقها وان العيل قاعد عند ابوه وانها قاعده فاضيه وبصراحه كده حماتك طلعت فوق عند جوزك في الاوضه وفضلت تزن تزن عليه ان هو يتجوزها
مروه… طب وهو قال ايه
صباح… ما اعرفش بس انا اللي اعرفه ا ن الزن على الودان امر من السحر يعني لو موافقش النهارده هيوافق بكره ومش عايزين يقولولك عايزينك تكوني بره ويجوزوا عشان انت ما تزعليش وتعملي مناحه واما ترجعي بقى من عند امك وتلاقي العروسه منوره هنا في البيت حماتك قالت سيبوهالي انا هكلمها لما تتجوز… بس وحياه ربك يا شيخه ما تقوليله ان انا قلتلك ما انت عارفه حماتك دي ممكن تطلقني فيها انا عندى عيال عايزه اربيهم
مروه…. ما تخافيش انت ما قلتيش حاجه
وسابتها وطلعت.. تانى يوم كانت شاده شنطتها ونازله وامنه قالت….
على فين العزم يا ست الحسن
مروه بحزن… ماشيه يا حماتى رايحه عند امى وابنك اهو عندك فوق اتصرفى معاه اعملى اللى عيزاه فيه جوزيه افرحى بعيالو ان شاء الله حتى تموتيه
امنه… بعيد الشر عنو ان شاء الله انتى
مروه بدموع… امييين
وطلعت من الفيلا ومشيت
امنه… يه مالها دى
بدر صحي من النوم ما لقهاش قال…
ماما شفتى البنت مروه فين راحت
امنه… طفشت خدت شنطتها وطلعت من البيت قالت رايحه عند امى
بدر… اى ليه وكدا من غير ما تشاورنى
امنه…. وهى امتى شاورتك ولا عبرتك جوزها اصلا مافيش الا انت اللى عامل حسابها
بدر… نهارها اسود مشيت لى من غير ما تقولى
امنه… هي ما قالتلكش انها سايبه البيت وماشيه لا والله حبلها سايب ومحد قادر يلمها لو متجوزه راجل مكانتش تمشى من غير اذن بس هنقول ايه بختى في عيالي مايل شبه حالي
بدر… انتى قلتيلها حاجه زعلتها
امنه… انا ما جيتش جنبها انا كنت قاعده لقيتها نازله
بدر طلع لبس هدومو ونزل وراح على بيتها
فتحت امها وقالت…
خير
بدر… عايز اقابل مروه
كريمه… لى هتعملو فيها اى اكتر من اللى عملتو
بدر… لو سمحتى يا حماتى انا عايز اقابلها
كريمه…. لى
بدر… حماتي اوعي كده الله يباركلك
كريمه… انت ليك عين تيجي تاني اصلا عايزه اعرف هتقابلها بوش مين انتم ما عندكوش دم
بدر.. حماتي انا جاي عشان اقابل مروه مش همشي قبل ما اقابلها لازم اعرف سابت بيتها ومشيت ليه
نزلت مروه وقالت…
روحي انت يا ماما
كريمه… ما بلاش عشان بتقولى ابقى كلبه لو رجعتله وما فيش نص ساعه وبترجعي تهوهوي
مروه… ماما لو سمحتي خير اتفضل عايز اى
بدر… ايه اللي انت عملتيه ده اقدر اعرف سبتى البيت ليه
كريمه…. هفت في دماغي وسبته ويا ريت بقى تخلي عندك دم وتطلق
بدر… ايه اللي انت بتقوليه ده انا مش هطلق قبل ما اعرف انتى سبتى البيت ومشيتى ليه
مروه… سبت البيت ومشيت لان ما يرضينيش تعبك عشان انا بهدلتك معايا وعشان انا ما بحبش اتغفل انا من اول يوم كنت واضحه معاك قلتلك ان انا مش هقبل بزوجه تانيه واما تحب تتجوز تيجي قبلها وتقولي مش
بدر… انتى مين قالك الكلام ده
مروه… دا اللي فارق معاك دلوقتي انا عرفت منين مشكله كبيره فعلا
بدر… شوفي يا مروه البنت ماما جابتها يعني ما كنتش اعرف اي حاجه جيت لقيتها قاعده واكيد ما كنتش هتجوزها من وراكي ولو فكرت في الموضوع وحبيت اتجوز انا هاجي واقولك ما يحقلكيش تحاسبيني على حاجه يمكن اعملها ويمكن ما اعملهاش اما اعملها ابقي اتكلمي وسيبى البيت وامشي
مروه… احلف كده انك مش تتجوز عليا والله العظيم ما كنتش هتجوز عليكى من وراك لانها فكره ماما اساسا فكره فاشله وما دخلتش دماغي لانك لما ترجعي هتلاقيها بعدين ايه الجديد ما ماما من زمان وهي بتزن على موضوع الجواز الثاني ده يعني ايه اللي جد المره دي عشان تسيبى البيت وتمشي
مروه… انها جابتهالك البيت وعرفتكم على بعض وانت قعدت معاها
بدر… ماكنتش اعرف انها عروسه انا دخلت لقيتها قاعده واما شكيت مشييت على طول ما قعدتش معاها بس انت ما كنتيش في البيت اصلا عرفت كل الحاجات دي منين ولا اللي قالك ما قالكيش ان انا لما عرفت مشيت حكهالك ناقصه على فكره
مروه… انت لو متجوزتش النهاردة هتتجوز بكره وانا مش هقدر اقعد قاعده في تعب الاعصاب ده لحد امتى هتتجوز امتى ما اقدرش تحمل انا كده خلاص بقى
بدر… انا مش هطلقك قلتلك قبل كده يا ستي انا مش عايزه عيال اوعدك اهو انا لما اجي اتجوز قبل ما اخد اي خطوه هاجي اقولك يا مروه يا حبيبتي انا عايز اتجوز واحده تانيه وتختاري تفضلي معايا ومعاها ولا تطلقي اوكي ده اللي يريحك هعمل كده يلا بقى نرجع البيت بلاش لعب عيال اول واخر مره ليكي تسيبى البيت من ورايا وتمشي
مروه… انت بتزعق ليه
بدر… عشان مشيتى من ورايا
كريمه.. هى مش هتروح معاك لو عايز تتجوز تطلقها هيا كمان لما تطلق منك وتتجوز راجل هتخلف
بدر…. اى تتجوز راجل دي سماح واقفه معاكم
مروه.. لا انا اسفه هي ما تقصدش
كريمه…. لا اقصد امك عشان ما تقولش ابني عنده حاجه راميه العيب على بنتي بنتي لفت على دكاتره الدنيا كلها كلهم قالوا انها سليمه وما فيهاش حاجه اه يا اخويا ليه ما تكشفش انت كل واحد بيحادي على بنته انا كمان بعرف احادي على بنتي اه انا سكتلك عشان هي بتحبك لاكن كلمه كمان والنعمه وهمسح بيك بلاط الشارع
مروه… ماما خلاص لو سمحتي ادخلي جوه وانت يا بدر استنانى في العربيه وانا جايه وراك على طول
وبعد شويه رجعو البيت وراحو اوضتهم بس الباب خبط بدر فتح وكان نادر وقال…
ازيك يا مرات اخويا لقيت لكم حل تحفه
بدر… حل ايه اللى لقيته
نادر…. شيخ بيعالج بالقران رقيه شرعيه هتروحو عنده هيقرا عليكم مشاكلكم هتختفي يعرف لى الاولاد بيموتو
بدر… ايه اللي انت بتقوله ده انا مش رايح لحد ثاني
نادر… الست اللي هي راحتلها دي دجاله شغاله نصابه انما ده راجل بتاع ربنا بيقرا قران وبس ما بيعملش اي حاجه تاني وعلى فكره هو مش بياخد فلوس يبقى هينصب على الناس ليه يا سيدي اخر مره لو ما نفعتش مش هقولكم على حاجه تاني
مروه… والنبي يا بدر خلينا نجرب عشان خاطرى
بدى… ماشي
وراحوا عند الشيخ وفضل يقرا القران وبعدين قال…
شوفي انت معمولك عمل العمل ده رابطك بالولد اللي في بطنك علشان كده اول ما بتنفصلوا بيموت
مروه… يعني ايه
الشيخ… سحر
بدر… طب والسحر ده يتفك ازاي يعني
الشيخ.. العمل معمول من حد من اهلكم ومحطوط في الاوضه بتاعتكم روحوا ودورو وهنحاول نفكو وباذن الله ربنا يتم الشفاء
طلعو من عندو ورجعو بيتهم ولسه هيدور صباح قالت…
اكيد الراجل ده مش عارف حاجه اكيد بيخرف سحر اى واعمال ايه سيبكم منه
نادر .. نسيبنا منه لى ما ندور يمكن نلاقي حاجه فعلا وربنا ياخد بايدهم
مروه… مين ممكن يعملنا عمل زي ده احنا مش معانا مشاكل مع اي حد انا طول عمري في حالي حماتي
امنه… عايزه ايه
مروه… تكونيش انتى يا حماتي عملتلي عمل عشان الولد بدر يتجوز عليا
امنه… انتى عبيطه يا بنت ايه اللي انت بتقوليه ده
بدر… مستحيل ماما تعمل كده
صباح… يا جماعه يا جماعه كذاب والله كداب ما فيش حاجه من دي والله
نادر.. وانت زعلانه ليه ما ندور يمكن نلاقيه انتى لو مش عايزه تدوري روحي اوضتك يلا انتو دورو فى الاوضه وبتدو يدورو ونادر طلع على السرير وبقي بيحاول يفك رجلين السرير ولقى فيهم حبل قال بزعر…
الحقو تعالوا لقيته
بقى يشده وكان حبل وملفوف على بعضه كل ما يحاول يفكه يتقطع حته منه بدر قال…
ايه ده معقول
مروه.. انا خايفه
بدر.. اهدي اهدي ما تخافيش
صباح… يا جماعه حبل قديم اصلا باين عليه اساسا السرير قديم ومن زمان يعني من ساعه ما اتجوزتو حوالي 10 سنين خلاص ارمي الحبل ده ودوروا على حاجه ثانيه
نادر… ما هو ده اكيد فيه العمل انا متاكده شوف ملفوف ازاي على بعضه لفه غريبه مش لفه حبل قديم لا يلا بينا نروح للراجل ده بسرعه
مروه.. فعلا لازم نساله مين اللي عمل كده
صباح… هتصدقوه ما فيش حاجه اسمها سحر اصلا عشان يبقى في حد عمل كده..
مروه.. لا هنساله وهو زى ماعرف العمل هيعرف صاحبو
وراحوا بيه عند الشيخ ومسكه بقى يقرا عليه بعض الايات من القران الكريم وفضل يفك العقد اللي في الحبل العقد كانت بتتفك لوحدها كل ما يقرا وبعدين خلص وقال….
بسم الله الرحمن الرحيم انما صنعوا كيد ساحر ولا يفلح الساحر حيث اتى… صدق الله العظيم.. بالشفاء العاجل ان شاء الله
مروه… معلش يا شيخ انا كنت عايزه اسال حضرتك سؤال مين اللى عملو اصل حضرتك يعني احنا ما عندناش حد بيكرهنا
الشيخ.. ما اقدرش اقولك اللى يسترو ربو احنا بنفضحوش تقدروا تروحوا الحمد لله ان ربنا اخد بالايد ومتخافوش الست اللى بتعمل الحجات دى ماتت من زمان
يعنى مش هيعملولكم حاجه تانى بس اللى طلبت تعمل العمل دا عايشه شغلو سورة البقرة يوميا فى بيتكم
رجعوا بيتهم واول ما دخلوا صباح قالت بخوف..
الراجل ده كذاب انا ما عملتش حاجه والله العظيم كذاب انا انا مستحيل اعمل كده انا ما ليش اصلا في السحر ولا في العملات والله كذاب
بدر… ايه اللي انت بتقوليه ده يا صباح
صباح… انا عارفه ان الشيخ قالكم انا اللي عملت كده بس انا ما عملتش حاجه صدقني
نادر.. انت عرفت منين ان الشيخ قال ان انت اللي عملت كده
صباح.. هو ما قالش كده بس انتى فضحتى نفسك بنفسك
مروه… معقول انتى يا صباح معقول انت اللي عملت كده انا انا عملتلك اى لكل ده انت اللي عملت كل ده انا اللي كنت فاكراك صاحبتي وباجي اشكيلك واحكيلك انت بتشوفيني كل مره بتعب واتبهدل واتقهر وانتى السبب وقاعده عادى كدا منك لله
نادر…. امشى من هنا يا صباح خدى هدومك وغورى
صباح… انا عملت كل ده عشانك هم مقدمينه في كل حاجه مقدمينه عليك في الشغل ومقدمينه وعليك في الفلوس حتى في البيت هو اللي ماسك المصاريف هو اللي ماسك كل حاجه وبالطبيعي اولاده ولما يطلعوا هيمسكو كل حاجه وانت واولادك كلكم مش ماسكين اي حاجه خالص هتتهمشو هو مش لازم يجيب اولاد لانه لو جاب اولاد هيعليهم على اولادك انا كنت بعمل كل ده علشانك
نادر ضربها قلم وقعها على الارض وقال….
انتى مستحيل تكوني بني ادمه مستحيل تكوني انسانه
انتى شيطانه
صباح… لا انا انا عملت كل ده عشانك
نادر…. مين طلب منك تعملي كده اطلعي من هنا انتى طالق طالق طالق اطلعي بره انا مش عايز اشوف وشك هنا تاني غورى
وطلعها بره وقفل الباب صباح بقت تخبط من بره وتقول لا والنبي والنبي ما تسيبنيش انا عايزه اولادي انا عايزه اولادي
بدر… شوف يا نادر انا معاك في ان اللى عملته غلط طبعا وما يتسكتش عليه بس هى عندها اولاد وانت مش هينفع تبعدها عنهم
نادر…. انا مستحيل ادخل الست دي في حياتنا تاني ولا الاولاد يختلطو بيها انا ما تلزمنيش تاني واحده راحت للحرام برجلها يبقى متلزمنيش
وسابو وطلع فوق بعد خمس سنين كانت صباح بتحاول ترجع لنادر بس كل ما يشوفها كان بيزعقلها ويمشيها وما كانش قابل حتى يسمعها ولا يخليها تشوف اولادها حاولت ترجعلوا بكذا طريقه بس كلهم فشلوا… اما بدر كان قاعد في البيت مع ولد عنده خمس سنين وبيقول…..
ما تكتب بقى طلعت عيني
مروه.. بالراحه عليه يا بدر ايه ده
بدر… بقاله تلت ساعات في الحرف ومش عايز يخلص
مروه… حبيب ماما ورينى كدا.. ايه ده دما هو كاتب كل الحروف اهو.. البنت بتعيط على السرير مش سامعها
بدر… سامعها شوفيها
مروه.. لا انا مش فاضيه شوفها على بال ما اجهز الاكل
بدار.. انا بذاكر لياسين
مروه… وانا بحضر الاكل شيلها وانت بتذاكرلو ما انا بعمل حجات كتير وانا شيلاها وعادى
بدر… هو انا كنت رايق بنام براحتي واصحى براحتي وممعايش اولاد اذاكرلهم ويشلونى كدا وكنت زعلان وعايز اخلف فى يوم
مروه…. هههه اه من حوالي خمس سنين تقريبا
بدر… دا انا كنت ح مار قوى
مروه… ههه قول الحمد لله احنا كنا لاقيين.. دا الاولاد دول احلى حاجه في الحياه ربنا يخليلنا اولادنا يا رب ويرزق كل مشتاق بالزرية الصالحه امين يا رب العالمين..
