بريئه
الحلقة الأولى
يعني ايه اخلي واحده شحطه زي دي عندي انت بتستهبل يا نبيل مكلمتنيش ليه قبل ما تجبها
نبيل قال بضيق…اعملك ايه تليفونك مقفول وبعدين ده شغلنا يا أدهم فيه ايه
ادهم قال بغضب وهو بيضغط على اسنانه..شغلنا ده ايه.. انا ظابط حراسات ..آمن مؤتمر رحله شخصيه مهمه لكن أمن بنت زي دي في بيتي ازاي باي صفه تفضل معايا وازاي اهلها يرضو بكده تبرعللمؤسسات الخيرية
نبيل قال بضيق…بلاش تفكر بلا منطق البنت في خطر اهلها هيفكرو في حياتها ولا في كلامك ده وبعدين ده شغل سيادة اللوا بنفسو هيكلمك هيكلمك في الموضوع دي زي ما قولتلك بنت احد الوزراء الحاليين مش اي بنت يعني…خليها معاك وتبقى زي ضلها بمعنى لو دخلت الحمام تروح وراها وتعمل تقرير باي تفاصيل خصوصا لو شكيت في حاجه
ادعم قال بغضب شديد…عايزين تقرير بنوع الحمام اللي هتعمله
نبيل ضحك وقال …تبقى مقصرتش…بلاش استهبال يا أدهم ونفذ الاوامر ومتزعلش الباشا منك .وبعدين انت مكبر الموضوع ليه انت مش لوحدك في البيت معاك اختك ميس محرم
نبيل لسه هيرد سمعو صوت حاجه بتتكسر التفتو وراهم وكانت فيه بنت في ال١٨ واقفه بتوتر جمب فازا اثريه كسرتها تبرعللمؤسسات الخيرية
نبيل اتسعت عنيه بقلق وادهم احتدت ملامحه وقال…العبي بعيد عن اي حاجه يا شاطره سمعتي لو اتكسرت حاجه تاني هكسر رقبت اللي خلف….احم اللي خلف نبيل هكسر رقبتو سمعتي
نبيل ضحك وهيه هزت راسها بخوف من صوته وجريت من قدامه بسرعه
أدهم بص لنبيل بغضب وقال…اديني تقرير عن الموضوع وعن اسباب التهديد وانا هتكفل بالموضوع
نبيل ابتسم وقال..ايوه كده هو ده الكلام …مبدأيا والدها كان في الوزاره وهيكمل فيها في التنصيب الجديد وفيه ناس من مصلحتهم ميكملش وعايزين يضغطو عليه ببنتو وفعلا حاولو يخطفوها قبل كده…فختاروك انت بذات علشان البنت تبقى في امان والدها نفسو اختارك بالتحديد …عيسى الشافعي ما انت عارفه
بقلم…زهرة الربيع
ادهم قال…اه طبعا عارفه….كنت امنته في سفريه قبل كده
نبيل قال ..وعلشان كده اختارك …هبهتلك كل المعلومات اللي هتحتاجها تمام .انا همشي دلوقتي وانت خد بالك ليها..هيه اسمها ركين و
ادهم قاطعو وقال باستغراب..ايه ايه..ركنت فين
نبيل ضحك وقال… ركنت مين بس اسمها اسمها ركين الشافعي يلا اسيبك انا
