موده ورسلان

الجزء الأول يعني إيه مجبرة أتجوزه؟! مين ده يا بابا وليه مصمم إني أتجوزه بالشكل ده؟! قالتها فتاة في الثلاثين من عمرها والدموع تنهمر من عينيها، شعرت وكأن ضلوعها تنكسر واحدة تلو الأخرى. صرخت بغضب شديد وقالت: أنت بعتني أنا كمان يا بابا؟! بعتني عشان تاخد قرشين تعدل بيهم مزاجك؟ ! أنا مستحيل أقبل بالوضع ده، مش هتجوز راجل معرفش حتى شكله إيه! أمسك شعرها بغضب وهدر بها قائلاً: أنتِ بتكسري كلمتي يا بنت الكلب؟! طيب هتتجوزي ورجلك فوق رقبتك، وعريسك جاي كمان ساعتين ياخدك في سجن الزوجية! نظرت له بكراهية شديدة، وظلت تتألم بشدة وقالت من بين دموعها: مش هتجوزه يا بابا، ولو آخر نفس فيّ مش هتجوزه! أنت طول عمرك يهمك مصلحتك وبس، أختي ماتت بسبب طمعك وجشعك على الفلوس، بعتها لواحد فضل يعذب فيها لحد ما مـ,ـوتت نفسها، وجاي النهاردة تكرر نفس اللي عملته في أختي معايا؟ بس أنا مش هستنى لما يحصل فيّ زي ما حصل معاها.. همـ,ـوت نفسي من دلوقت، ما كده كده هعملها، ليه أستنى لما أتجوزه ويوصلني لكده في الآخر؟! لكنها شعرت بيد تسيطر عليها من الخلف وتمسك يدها بقوة وتأخذ منها السـ,ـكين. جعلتها تلتفت له، ونظر في عينيها بعيون كالصقر تملؤها الكراهية والغضب، وقال بصوت غليظ: متستعجليش على مـ,ـوتك يا عروسة، دي مهمتي أنا وأنا اللي هعملها بنفسي! ظلت تنظر له والدموع تنهمر منها بعدم فهم، وتكلمت بصعوبة وقالت: أنت مين؟ ! أجابها بصوت قاسي قائلاً: أنا العريس يا عروسة! ثم نظر إلى والدها بأمر حتى يخرج ويتركهم. تحرك والدها سريعاً إلى الخارج وتركهما بمفردهما. نظرت إلى والدها وهو يتحرك إلى الخارج والدموع تتسابق على وجنتيها، وتكلمت بصوت مخنوق وقالت بترجٍّ: أرجوك ابعد عني وسيبني لحالي، أنت عايز مني إيه؟ ! أنا معرفكش ولا عمري قابلتك! صر على أسنانه بغضب وظل ينظر لها بتوعد، وقال بصوت غليظ: أنتِ متعرفنيش، بس أنا أعرفك كويس يا دكتورة مودة! طيب أنا عملتلك إيه؟! ليه الكره اللي في عيونك ليا ده؟! أنا مش فاهمة حاجة، بس كل اللي فاهماه إن جوازك مني انتقام مش أكتر! تعالت ضحكاته الغاضبة وقال: شاطرة، فهمتيها لوحدك ولا حد ساعدك فيها؟! ثم تحرك باتجاه الباب ونظر لها بتوعد وقال بغضب: جهزي نفسك للجحيم يا دكتورة! وخرج وتركها تائهة بين أفكارها وخوفها من المصير المجهول الذي ينتظرها. جلست على الأرض وانهمرت دموعها بغزارة، ودعت ربها أن ينجيها من هذا الرجل المجهول. في المساء، تم عقد القران. خرجت من غرفة نومها والدموع تملأ عينيها، نظرت بحزن وانكسار إلى والدها، وتمنت لو يحن قلبه عليها ويمنع هذا الهراء. انتفضت من مكانها عندما سمعت صوتاً كفسيس الأفعى يتكلم بالقرب من أذنها قائلاً: مبروك يا عروسة، جحيمك منتظرك، يلا يا دكتورة امشي معايا! نظرت له والدموع تملأ عينيها وأومأت برأسها موافقة، وقالت بصوت مخنوق: تمام… وتركته وتحركت بغضب تجاه الباب، ثم التفتت بحزن وانكسار ونظرت إلى والدها وقالت بدموع: أنت كده خسرت بناتك الاتنين، عيش حياتك لوحدك في الدنيا، خلي القرشين اللي بعتني بيهم ينفعوك، بكرة يخلصوا زي بتوع أختي وترجع تشحت السيجارة من كل واحد شوية. . مش مسامحاك على اللي عملته في أختي واللي عملته فيّ! وخرجت مسرعة، هبطت إلى الأسفل ووقفت أمام السيارة، وعقدت ذراعيها على صدرها وانتظرت أحداً يفتح لها الباب. صعد بجوارها ونظر لها نظرة مطولة، وأشار إلى السائق حتى يتحرك بهم. وصلت السيارة إلى داخل الفيلا الخاصة بهم. هبط من السيارة ونظر إلى أحد رجاله كي يفتح لها الباب. نظرت أمامها بغضب شديد وهبطت بوجه عابس، وتجولت بعينيها في المكان. انتفضت في مكانها عندما سمعت صوته الغليظ يقول لها: عاجبك سجنك يا عروسة؟! التفتت له وابتسمت بعدم اهتمام وقالت بصوت حزين: مش فارقة معايا كتير، إذا كان سجن ولا قبر، كلهم بالنسبة لي واحد والنتيجة في الآخر كلها واحدة! وتحركت سريعاً إلى الداخل وتركته. ظل يتابعها بغضب شديد، وحاول كبح غضبه وتحرك خلفها إلى الداخل، وتكلم بتحذير وقال: متناولنيش تختبري صبري كتير عشان مش في صالحك! أومأت برأسها وصفقت بيدها وقالت: برافو! أنا كده خفت منك! ثم اقتربت منه وصرت على أسنانها ونظرت بعينيه بغضب وقالت بنفاذ صبر: ربنا يكفيك شر الواحدة المستبيعة عشان مابتكونش باقية على حاجة! إذا كنت هتخلص عليّ دلوقت ولا بعدين ميهمنيش، بالعكس، أنت كده تكون ريحتني من زمن مش بتاعي أنا اتوجدت فيه غلط، لا قادرة أفهمه ولا أتأقلم عليه. ولو عايز تريحني بجد خلص عليّ دلوقت قبل شوية! وفتحت ذراعيها وتعالت ضحكاتها وقالت بانهيار: أنا قصادك أهو، لو راجل خلص عليّ بطلقة واحدة من مسدسك! هتنهي على كل حاجة.. إيه؟ ساكت ليه؟! واقف تتفرج عليّ ومش قادر تنفذ ليه؟ ! أقولك أنا ليه؟ عشان أنت جبان بتتحمى في شوية الخرفان اللي عندك! ثم أنزلت ذراعيها مرة أخرى واقتربت منه ونظرت في عينيه بتحدٍّ وقالت: أنت اتجوزتني بالغصب، متنتظرش مني أستأرَف بحالك وأسامحك على اللي عملته ده بعد كده! صفق لها بإعجاب وقال بصوت غاضب: تصدقي إنك عجبتيني؟! بس ده مغيرش قراري، هنت. قم منك، هخليكي تتمني المـ,ـوت ومطلهوش! هخليكي تشوفى اللي عمرك ما شوفتيه في حياتك، هاخد منك اللي من حقي واللي مش من حقي، هخليكي تركعي تحت رجلي تترجيني أرحمك من عذابك! ثم أمسكها من ذراعها ونظر في عينيها وقال بغضب شديد: هعرفك مين رسلان صفوان يا دكتورة! نظرت له باستغراب وقالت بتساؤل: رسلان صفوان؟! أنا أول مرة أسمع الاسم ده! تعالت ضحكاته وقال بغضب: رسلان أول مرة تسمعيه، بس هخليكي متنسهوش أبداً! وتحرك باتجاه الدرج وأشار لها بأصابعه وقال بصوت غاضب: اطلعي ورايا على الأوضة، ورانا دخلة يا عروسة! جحظت عيناها بصدمة وحركت رأسها بالرفض وانهمرت دموعها بغزارة. لا تعلم كيف تتصرف في هذه المصيبة، ولا تستطيع تركه يأخذ منها ما يريد. نظرت إلى الباب وركضت سريعاً إليه، فتحت الباب وتفاجأت برجال رسلان يقفون أمامها، فنظرت لهم بغضب وعادت مرة أخرى إلى الداخل. تحركت بقدم مرتجفة إلى الدرج، صعدت إلى الأعلى ووجدت باب الغرفة موارباً، فاتجهت إليه بدموع ووقفت تنظر إلى السرير بصدمة وتراجعت إلى الخلف وظلت تحرك رأسها: ابعد عني! سيبني متلمسنيش، شيل إيدك القذرة دي! أحاطها بذراعيه وقال بصوت هامس: أنا لسه مبدأتش يا عروسة، اجمدي لسه اللي جاي أصعب! ومال بجسده وحملها بين ذراعيه ودلف بها الغرفة تحت صراخها المستنجد، وأغلق الباب بإحكام وألقاها على السرير. تراجعت إلى الخلف وضمت قدميها إلى صدرها وظلت تبكي بخوف شديد. تعالت ضحكاته الشريرة وبصق عليها وقال بعدم رضا… الجزء الثاني في اليوم التالي، بدأت مودة تفتح عينيها ونظرت حولها باستغراب، وحاولت تذكر شيء حتى ظهر أمام عينيها رسلان. نظر لها بغضب شديد وقال بأمر: قومي فزي حضري الفطار ليا، وبعد كده تصحي قبل مني تحضري ليا الحمام وتحضري الفطار، فاهمة؟! حاولت النهوض من فوق السرير لكنها تعثرت وسقطت على الأرض أمام قدميه، فنظرت له بكراهية شديدة. ابتسم لها بانتصار وقال: مش لسه بدري أوي على إنك تركعي تحت رجلي؟! اعتدلت سريعاً وقالت بغضب:مش عيب إننا نسقط بغير إرادتنا، العيب إننا نصدق إننا عبيد ونفضل في الأرض! ثم هبت واقفة بكل شموخ وقالت: وأنا متعودتش أكون راكعة لحد، أنا ربنا خلقني عندي شموخ وكبرياء، ومهما وقعت برجع أقف تاني وأبدأ من مكان ما وقعت! وتركته واتجهت إلى المرحاض، وأغلقت الباب وأسندت ظهرها عليه وظلت تبكي. نظر إلى أثرها باستغراب، ثم اعتدل على الأريكة بغضب شديد وقال بصوت هامس: مبقاش أنا رسلان صفوان إن مكسرتش كبريائك ده يا مودة! وخرج من الغرفة وهبط إلى الأسفل. بعد مرور عدة أسابيع، استيقظت مودة من نومها، ونظرت بجوارها إلى رسلان بكراهية شديدة. نهضت من على فراشها واتجهت إلى المرحاض، نزعت ملابسها وأخذت حماماً دافئاً وارتدت “البرنس” الخاص بالاستحمام وخرجت، فوجدت رسلان قد استيقظ من نومه وجالس على السرير. نظرت له بغضب واتجهت إلى خزانة الملابس ووقفت تختار ماذا ترتدي. التصق بها أكثر من الخلف، وتعالت أنفاسه ثم اقترب من أذنيها وقال بصوت هامس: متناولنيش تستخدمي معايا أسلوب الإغراء الرخيص ده عشان مش هينفع معايا، أنا كل يوم مع واحدة شكل أحسن منك مليون مرة! ثم ابتعد عنها وابتسم لها باستفزاز. استدارت له بغضب شديد وقالت: الأسلوب الرخيص ده بتاعك أنت! أنت آخر واحد أفكر إني أغريه، أنت لو آخر راجل في الدنيا مش هسمحلك تلمس شعرة مني عشان بقرف منك! خلي البنات الرخيصة تنفعك وتشبع رغباتك، على الأقل مخلصاني منك! وأخذت ملابس لها وعادت مرة أخرى إلى المرحاض. نظر إلى أثرها وصر على أسنانه بغضب، وخرج من الغرفة وهبط إلى الأسفل. أمسك الهاتف الخاص به وأجرى اتصالاً وانتظر الرد، وبعد عدة ثوانٍ أجاب عليه صوت أنثوي، فتكلم بنبرة غاضبة وقال: هستناكي بالليل في الفيلا، حسك عينك تتأخري، فاهمة؟ ! أغلق الخط بتوعد وقال: أنا هعرف أكسرك إزاي يا مودة! هبطت مودة إلى الأسفل، ودلفت المطبخ وأحضرت له الطعام ووضعته على الطاولة بغضب شديد، وأخذت الطعام الخاص بها وجلست على الأريكة ووضعته أمامها على الطاولة وبدأت تتناوله. نظر لها بضيق وتحرك باتجاه طاولة الطعام وبدأ يتناول طعامه، لكنه بصقه بتقزز وقال: إيه القرف ده؟! حتى الأكل فاشلة فيه! أغلقت عينيها حتى تهدأ قليلاً وزفرت بضيق وقالت: دي سندوتشات، يعني معملتش حاجة بإيدي. عموماً مش عجباك قوم حضر لنفسك غيرها، كتر خيري إني عملتلك أصلاً! ووضعت الطعام في فمها. ظل ينظر لها بغضب وقال بنفاذ صبر: أنا صبرت عليكِ كتير وحذرتك بدل المرة مليون مرة، هتفضلي هنا من غير أكل ولا شرب، ورجلك مش هتخطى عتبة الباب، فاهمة؟! وخرج مرة أخرى وأغلق الباب بإحكام من الخارج وهبط إلى الأسفل. نظرت إلى الباب وانهمرت دموعها بغزارة وظلت تصرخ، ونهضت وألقت جميع الأشياء بالأرض، ثم أمسكت زجاجة العطر وألقتها على المرآة فتهشمت إلى قطع صغيرة. جلست مرة أخرى على الأرض وأسندت ظهرها على الحائط بأنفاس لاهثة، وأرجعت شعرها إلى الخلف وظلت تبكي بغزارة. في المساء، سمعت مودة صوت خطوات تقترب من الباب، فنظرت تتابع بخوف شديد. وفي ذلك الوقت انفتح الباب ودلف رسلان وهو يتأرجح من شدة السكر ومتكئاً على إحدى الفتيات. بإنعاش النظر لهما وجدتهما بوضع لا تستطيع مشاهدته، فنهضت سريعاً وركضت إلى المرحاض وأغلقت الباب خلفها بإحكام. جلست على الأرض وأسندت ظهرها على الباب، ووضعت يدها على أذنها حتى لا تستمع لأصواتهما، ووضعت رأسها على قدميها وظلت دموعها تنهمر على وجنتيها حتى شعرت بالنعاس ونامت. وفي اليوم التالي، استيقظت بألم شديد في عنقها، ونظرت حولها باستغراب وتذكرت ما حدث بليلة أمس لشعورها بالغثيان. نهضت من على الأرض وفتحت صنبور الماء وغسلت وجهها حتى تفيق ثم أغلقت الصنبور وخرجت. وجدت الفتاة قد غادرت الغرفة ورسلان نائماً دون ملابس، فنظرت إلى الاتجاه الآخر باشمئزاز وتحركت باتجاه الباب، وحاولت الخروج لكنها وجدته مغلقاً بالمفتاح. زفرت بضيق وعادت مرة أخرى، وأمسكت الغطاء ووضعته عليه دون أن تنظر له، وجلست على الأريكة تنتظره حتى يفيق. بدأ رسلان يتململ على فراشه بتكاسل، فتح عينيه ونظر بجواره ثم نظر إلى الأريكة ووجد مودة تجلس بغضب شديد. ابتسم بانتصار واعتدل على فراشه وقال بصوت ناعس: صباح الخير. نظرت له بغضب وقالت: بني آدم مقرف ووسخ! أنا مش عارفة أنت مستحمل نفسك كده إزاي؟! تعالت ضحكاته ونهض من على فراشه فسقط الغطاء من عليه. نظرت إلى الاتجاه الآخر سريعاً وأغلقت عينيها بتقزز وقالت: البس هدومك لو سمحت! مال بجسده وارتدى ملابسه واقترب منها وقال بصوت هامس: عجبتك مشاهد امبارح؟ تكلمت بغضب شديد وقالت: ابعد عني بلاش قرف! أنا نمت طول الليل في الحمام مش قادرة أتخيل القذارة اللي كنت فيها! ظلت تعلو ضحكاته ويطلق الصفير من شفتيه، واتجه إلى المرحاض. وبعد وقت خرج وارتدى ملابسه وتحرك باتجاه الباب، فتكلمت سريعاً وقالت:أنا عايزة أنزل تحت. نظر لها بعدم اهتمام وقال: قلتلك ممنوع رجلك تخطي عتبة الباب! نهضت بضيق وقالت: أنا مأكلتش حاجة من امبارح وجعانة! حرك رأسه بالرفض وقال: ممنوع! حاولت كبت دموعها وقالت بصوت منكسر: أنا من امبارح مأكلتش، أرجوك خليني أنزل أعمل حتى سندوتش وأطلع تاني. نظر في عينيها وقال بصوت غاضب: لااااا! قلتلك ممنوع! ودفعها بعيداً عنه فأسقطها على الأرض. تكلمت بغضب وقالت من بين شهقاتها: أنت بتعمل معايا كده ليه؟! ليه مش عايز تقولي سبب انتقامك مني؟! كفاية بقى أنا تعبت! صر على أسنانه بغضب وقال: عايزة تعرفي أنا بعمل ليه كده معاكي؟! ماشي يا مودة، هريحك وأقولك، بس اعملي حسابك إن انتقامي هيزيد أكتر لما تعرفي! ثم اقترب منها ومال بجسده ونظر في عينيها وقال بغضب: من سنة بالظبط جيتلك أنا ومراتي، كنا فرحانين بأول حمل ليها، ورغم إن كان عندها السكر طمنتينا وقلتيلنا إن كل حاجة كويسة! صدقنا كلامك لأن الكل أجمع إنك أشطر دكتورة نسا وتوليد. وفي الشهر السابع جالها طلق مبكر، جينا جري عليكِ وقلتيلنا إن الولادة في الوقت ده خطر عليها لأنها مش مستعدة لجراحة، ورغم كده أخدتيها العمليات! قعدتِ ساعة واتنين، صبرت على أمل إنك تطلعي تطمنيني إنها بخير، بس للأسف طلعتِ والدم مالي هدومك وملامحك هادية وبكل برود أعصاب قلتيلى: “البقاء لله، المدام اتوفت هي والطفل”! حاولت كتير أعرف سبب مـ,ـوتها إيه، الرد إن عمرها انتهى! ومن يومها وأنا قررت أدفعك التمن غالي! ثم أمسكها من ذراعها وأرغمها على الوقوف وهدر بها بغضب وقال: قـ,ـتلتِ مراتي وابني ليه؟! انطقي! حاولت تتذكر ما حدث هذه الليلة، وتكلمت من بين دموعها وقالت… الجزء الثالث أمسكها من ذراعها وأرغمها على الوقوف وهدر بها بغضب وقال: قـ,ـتلتِ مراتي وابني ليه؟ ! انطقي! حاولت تتذكر ما حدث في هذه الليلة وتكلمت من بين دموعها وقالت: أيوه.. أنا افتكرت الحالة دي! يومها أنا بلغتكم إن حالتها خطر لأن المشيمة كانت انفصلت عن الجنين، وكان قصادي حل واحد بس: إني أضحي بالجنين وأحافظ على حياة الأم. بس كان عمرها انتهى ونزفت كتير، حاولت كتير أوي أسيطر على الحالة، قلبها وقف كذا مرة وأنا رجعته تاني، بس إرادة ربنا فوق الكل! ربنا استرد أمانته واتوفت هي والجنين. أنا عملت كل اللي عليّ والله، ورغم كده أنا دخلت في حالة اكتئاب بسببها، مكنتش قادرة أتخطى ملامحها الهادية وابتسامتها الرقيقة وفرحتها في كل مرة تشوف فيها البيبي على شاشة السونار! قعدت فترة كبيرة كل يوم أشوفها في أحلامي، بس الغريب إنها كانت دايماً تظهرلي وهي بتضحك ابتسامتها المتعودة عليها، وفي كل مرة كانت تديني حاجة وتقولي احتفظي بيها لحد ما تتقابلوا هو هيخدها منك متخافيش! كتير مكنتش قادرة أفهم تقصد إيه بكلامها ده، بس أنا دلوقتى فهمته. أنا مقصرتش في حاجة عشان تنتقم مني، أنا ولّدت حالات كتير جداً وكانت فيه حالات أخطر من حالة مراتك بمراحل وبفضل الله أنقذتهم. أنت جاي تنتقم مني في حاجة أنا ماليش يد فيها؟! دي أعمار صدقني، حتى لو كنت أنقذتها وخرجت سليمة من الولادة وعمرها انتهى كانت هتمـ,ـوت برضه! ثم نظرت له باستغراب وقالت: بس اللي مش قادرة أفهمه، إزاي كنت بتحب مراتك أوي كده ومخلص ليها لدرجة إنك عايز تنتقم ليها، وفي نفس الوقت مقضيها شرب وسهر مع البنات؟! أنا أعرف اللي بيحب حد بيعيش مخلص ليه وميقدرش يقرب من حد غيره! تراجع إلى الخلف وجلس على الأريكة ووضع قدماً فوق الأخرى وقال بصوت غاضب: حاجة متخصكيش، أنا حر أعمل اللي عايز أعمله! ثم مال بجسده إلى الأمام وقال: متفكريش إنك بالكلمتين اللي قلتيهم ليا دول هتأثري وأرحمك من عذابي، بالعكس، أنتِ أديتيني دافع أكبر للانتقام منك يا دكتورة! ثم نهض مرة أخرى واتجه إلى الباب وقال: مالكيش أكل ولا شرب لحد ما يجيلي مزاجي! وخرج من الغرفة وأغلق الباب بإحكام. في اليوم التالي، نهضت مودة بجسم هزيل وتحركت باتجاه المرحاض، فتحت صنبور الماء بيد مرتجفة وأمالت رأسها وارتشفت منه قليلاً، ثم اعتدلت وأغلقت الماء. شعرت بالغثيان وتقيأت ما ارتشفته، وتحركت إلى الخارج وشعرت بدوار شديد وكادت أن تسقط على الأرض، لكن التقطها رسلان سريعاً فسقطت داخل أحضانه. تعلقت به وبدأت تتلاشى الصورة من أمام عينيها حتى فقدت الوعي تماماً. مال بجسده وحملها من على الأرض ووضعها على السرير، وربت على خدها لكنها لم تستجب. نهض سريعاً وأحضر زجاجة العطر وعاد إليها مرة أخرى وبدأ يحرك رائحة العطر أمام أنفها لكن دون جدوى. أمسك الهاتف الخاص به سريعاً وأجرى اتصالاً بالطبيب وأبلغه أن يحضر على الفور وأغلق الخط، وظل ينظر لها بتمعن، وحرك يده على وجهها باستغراب حتى يستكشف ملامح هذا الوجه البريء رغم قوته. انتبه إلى حاله وأبعد يده سريعاً ونهض من على السرير وجلس على الأريكة مستغرباً أفعاله. وظلت أنظاره متعلقة بها حتى حضر الطبيب وفحصها ووضع لها بعض المحاليل الطبية ونظر إلى رسلان وقال: ضعيفة جداً وواضح جداً إن بقالها أيام مأكلتش، عموماً أنا علقت ليها محلول يعوضها عن قلة الأكل دي، ومحتاجة اهتمام أكتر الفترة الجاية بأكلها. أومأ رأسه بالموافقة وقام بتوصيله إلى الباب وعاد مرة أخرى إليها. وضع المقعد بجوار السرير وظل ينظر لها حتى وجدها تحرك رأسها ببطء. فتحت عينيها ببطء شديد وشعرت بشيء غريب ببدنها، فنظرت له ووجدت المحلول، ثم نظرت إلى رسلان بضيق وقالت: أنت كده دلوقتى مبسوط وأنت شايف ثمار أفعالك؟ ! قدرت توصل لللي أنت عايزه وأنا قصادك ضعيفة، افرح بانتصارك بقى! بس قبل ما تفرح عايزة أقولك كلمة: انتصار الراجل على الست ده مش انتصار، ده ضعف! لأنك استخدمت سلطتك كراجل على واحدة ربنا خلقك قوام عليها. بس عادي، شيء متعودة عليه، قبلك بابا ودلوقتى أنت! بس الضـ,ـربة اللي متمـ,ـوتش تقوي، ومادام أنا عايشة يبقى خليك متأكد إن الضـ,ـربة دي زادتني قوة، وأنا هرجع أقوى من الأول وساعتها هكون أحسن منك ومِش هنتقم زي ما عملت، عشان الانتقام ده شيم الضعاف وأنا مش ضعيفة!