خاتم زواج
بقولك ايه خد لبسني الخاتم ده
برفعه حاجب : افندم ؟
= بص بقي اعتبر نفسك بتعمل خير خد لبسهوني واطلبلي بوريو وشويه وهمشي
سند بأيده الاتنين علي الطربيزه وهو مستغرب …قاعد في امان الله واحده تقتحم طربيزته وتطلب منه الطلب الغريب ده والله غريبه وبني ادمه براس بخاخه فعلا …
هي برجاء: وافق ارجوك .
باستسلام : اتفضلي …
قعدت بسرعه وفرحه ومدت ايديها من تحت الطربيزه : خد الخاتم لبسهوني …
اخد منها الخاتم وهو لسه مستغرب …يعني ايه اللي يوصل واحده انها تعمل كده في نفسها وتطلب من حد لا تعرفه ولا يعرفها يلبسها خاتم ويعزمها علي بوريو !!
لبسها الخاتم واول ما لمس ايديها حس بكهربا في جسمه …تلقائي باس باطن ايديها لما لبسها الخاتم …مكانش عارف هو ليه وافق تقعد معاه ويعمل كده والاحري هو ليه حاسس أنه مبسوط أنه لبسها الخاتم .
سحبت ايديها باحراج ووشها بقي احمر دم وقالتله بتوتر: ش شكرا ي يااستاذ ..
كريم ..اسمي كريم وانتي ؟
هي بهدوء وحزن وهي بتبص علي الطربيزه اللي وراه بقهره : ليلي ..
كريم وهو ساند أيده علي خده: ممكن اعرف بقي ليه طلبتي مني الطلب ده ؟
ليلي وهي كمان سانده علي خدها قالتله بصوت مخنوق بالعياط : ممكن متسألنيش واعتبر نفسك بتعمل خير …كده كده مش هتشوف وشي تاني صدقني ..بس انا ارجوك ساعه بالكتير اعتبرني خطيبتك وهمشي !
كريم حس بوجعها وهي بتتكلم ابتسم وقال بهدوء: تشربي ايه يالي لي ؟
ليلي باستغراب: لي لي !
كريم وهو بيغمز بعنيه: مش خطيبتي وبدلعها …ها تشربي ايه ؟
ليلي بخجل : بوريو
كريم : اوك
بعد شويه جاه البوريو وكان هو طلب قهوه ساده …كان الصمت مخيم علي المكان …
كريم : بقولك ايه ما تعتبريني صاحبك وتحكيلي مالك …أو اعتبريني البحر وانتي بتحكي قدامه أي اللي مزعلك كده كده محدش هيعرف وانا لا هشوفك ولا انتي هتشوفيني تاني !
ليلي بزعل : هو انا وحشه ؟
كريم باستغراب : انتي هبله ؟
ليلي بزعل اكبر: شكرا
كريم بحده بسيطه : لا انتي فعلا هبله !! او عاميه انتي معندكيش مرايه في بيتكوا ولا ايه ؟
ليلي بتنهيده حزن : اومال هو ليه سابني؟
كريم : هو مين ؟
ليلي : اللي قاعد وراك ده سابني عشان اللي قاعد معاها
لف كريم يشوف مين اللي بتتكلم عنه لقي واحد قاعد ومعاه واحده اقل منها في الجمال بس من الواضح أنها مايصه وضحكتها غطت علي المكان …
كريم بسخريه : بقي زعلانه علي العيل التوتو ده ؟
ليلي بضيق : لو سمحت متغلطش فيه!
كريم برفعه حاجب : يعني سابك عشان الملزقه ديه وفي الاخر زعلانه عشانه!
ليلي بدموع : كان خطيبي برضو ..
كريم بشفقه وغموض: طب تعالي معايا
ليلي باستغراب: فين؟
كريم بغموض اكبر: تعالي بس ..
قامت ليلي وهي مستغربه هو رايح علي فين مسك ايديها وراح عنده وهي كل ده مستغربه وقلبها بيدق بسرعه رهيبه هو هيعمل أي ده نهار اسود
كريم بجمود لما راح عنده : انت اسمك ايه ؟
انت مالك انت ياشبح؟
كريم بجمود : امممم حلو اسم انت مالك ده لا وجديد كمان !
ليلي بخوف : ك كريم انت بتعمل ايه ؟
كريم بحده: بس متتكلميش
خافت من نبرته وبصتله برجاء وهي بتلعن غباءها ” انا اللي جبت ده كله لنفسي😂😂😂”
الولد بعصبيه :انت عايزه ايه ياجدع انت ؟
كريم وهو بيضغط علي سنانه بغيظ: عايزك تيجي معايا القسم انت والسنيوره ..
ليلي بصدمه : قسم …قسم مين نهار اسود
الولد بخوف واهتزاز: ليلي الجدع ده عايز مني ايه ما تقولي حاجه
كريم وهو بيشده من قميصه : اسمها مدام ليلي ياحيلتها …
الجميع بصدمه : مدددام
كريم ببرود : اه فرحنا بعد شهر .
ليلي وهي فاتحه بوقها: هه فرح مين ؟
كريم بابتسامه صفراء: ايه ياحبيبتي انتي عندك زهايمر ولا اي اومال الخاتم اللي لسه ملبسهولك ده ايه ؟
الولد بعصبيه: طب وانا مال اهلي ما تولعوا !
ليلي دموعها نزلت وكانت هتسحب ايديها من ايد كريم وتجري …كانت عايزه تهرب من قدامهم باي شكل ..بس كريم شد ايديها جامد وتبت فيها ..
كريم : تمام بس انت هتيجي معايا القسم دلوقتي حالا
الولد : ليه بقي ان شاء الله !
كريم ببرود : اصل الكافيه ده بتاعي …وليه قوانين لو متعرفهاش اقولهالك ؟
ليلي : ارجوك ياكريم خلاص …سيب اكرم يمشي
كريم وهو بيلف ويرفع حواجبه وبيقول بحده: متدخليش قولتلك
ليلي بخوف : ح حاضر
اكرم وهو بيبلع ريقه: ه هو انا عملت اي طيب
كريم وهو بيشاور علي البنت اللي معاه : ده مطعم ولا نايت ؟
اكرم : م مطعم
كريم ببرود: حلو والمطعم بقي غير المطاعم التانين في عقوبه للي يضحك ضحكه مايصه ..والانسه اللي مع حضرتك ضحكتها قلبت المكان …يرضيك ؟
اكرم : ل لاء
كريم بابتسامه صفراء : يبقي تدفع أو تتسجن
اكرم بصدمه : ادفع ايه ؟
كريم : يا تدفع عشرين ألف جنيه يأما نروح السجن ..
البنت بعصبيه : ايه الهبل اللي بتقوله ده مفيش حاجه اسمها كده ؟
كريم ببرود : حلو بس في بقي عقاب للي يشتم ضابط ولا انا متهيألي
ليلي في نفسها : يالهوي يالهوووي انا مني لله انا اللي عملت كده في نفسي ..
اكرم وهو بيبلع ريقه: ظ ظابط ايه بس ح حضرتك مش صاحب المطعم
كريم : وايه يمنع ابقي صاحب مطعم ؟
اكرم : احنا اسفين جدا والله ..مش هنعتب المكان ده تاني
كريم بغموض : بس لازم تدفع المبلغ ..مش ديه خطيبتك برضو ؟
اكرم بنفي: لا ولا خطيبتي ولا اعرفها اصلا …اعفيني انا الله يخليك
البنت بغضب: ااه ياحقييير
كريم بقرف : عيل بصحيح
البنت بدموع : ا انا اسفه يافندم مش هاجي هنا تاني ارجوك
كريم بشفقه : امشي خلاص …وابقي اعرفي رجاله مش عيال ..
البنت وهي بتبص لاكرم بقرف : عندك حق …
مشت وليلي كل ده واقفه فاتحه بوقها مش مستوبعه اللي حصل ولا عندها تفسير للي حصل …بس من جواها استحقرت اكرم اوي حمدت ربنا أنه بعد عنها مش هو ده السند …مش هو ده اللي لو وقعت في مشكله تسند عليه ده…طلع ضعيف اوي …مش هو ده اللي يعرف يعني ايه حب!
اكرم : طب وانا وضعي ايه ؟
كريم بسخريه : انت تروح تقعد في المطبخ …اصل المطبخ للستات اللي زيك
اكرم بغضب : ما تحترم نفسك ياجدع انت ..
كريم برفعه حاجب : انت بتقولي انا الكلام ده ؟
اكرم كش في نفسه وبدأ يلين وقال بهدوء: مانت اللي غلطت من الاول ….ولا يعني عشان انا كنت خطيب ليلي تستقصدني ؟
كريم بأبتسامه سخريه : والله ديه ربنا نجدها نوسه
اكرم : طب ممكن امشي ؟
كريم ببرود : اتفضل
جري من قدامهم وكريم لسه ماسك ايد ليلي اللي واقفه بتبص للموقف بشرود …
كريم : اتمني تكوني ارتاحتي
ليلي رفعت راسها وبصتله : انت ليه عملت كده؟
كريم بابتسامه: عشان اعرفك انك كنتي مع واحد ميستاهلكيش ياانسه ليلي
ليلي : طب وليه قولتله أن فرحنا الشهر اللي جاي!
كريم بغموض: عادي كنت برضو عايز اعرفك انك مش فارقه معاه
ليلي بدموع : ش شكرا ياكريم …شكرا انك عرفتني حقيقته ..كان لسه في امل اننا نرجع بس بعد اللي حصل عرفت اني نكره ..
كريم صعبت عليه طلع منديل من جيبه ومد أيديه بالمنديل …اخدته ليلي وفضلت تعيط جامد …عيطت بحرقه علي كل دقيقه وكل ثانيه قضيتها مع البني ادم ده ..البني ادم اللي طلعت بالنسباله ولا حاجه !
كريم وهو بيهديها: ارجوكي اهدي
كانت بتعيط مش قادره توقف دموعها ملقاش حل غير انه يحضنها …سحبها لحضنه قدام الناس كلها مكانش همه غير أنها تهدي والغريب انها ممانعتش وكأنها كانت محتاجه الحضن ده …
بعد فتره اتصدمت من نفسها وفاقت لما لقت نفسها في حضنه بعدته عنها بعنف ومن غير ولا كلمه وطلعت تجري …
بعد مرور شهر
ها وبعدين ؟
كريم بتنهيده : ولحد دلوقتي مش قادر أوصلها تاني
أخته بشفقه: حبيتها؟
كريم بتنهيده: مش عارف …بس مخرجتش من بالي ونفسي اشوفها تاني …نفسي اعرف هي قدرت تتخطي الفتره الصعبه ديه ولا لسه زي ما هي؟
ليان : طب ما تدور عليها علي الاكونت هي اسمها ايه ؟
كريم بقله حيله: عملت كل حاجه وبرضو مفيش آثر
ليان بتفكير : امممم طب والحل ؟
كريم : الحل اني انام واسيبها علي ربنا ..
ليان بتذمر: ياكررررريم بقي انت ناسي انك هتوديني عند صاحبتي؟
كريم بقله حيله : خلاص بلاش صياح قومي اتنيلي البسي ..
بعد فتره لبست ليان ولبس كريم ونزلوا ركبوا عربيته ووداها عند صاحبتها …
كريم : يالا انا همشي خلي بالك من نفسك
ليان : حاضر
كريم : هتروحي امتي ؟
ليان : بص هي صاحبتي مكتئبه وانا هفضل معاها لحد ما تخرج من الاكتاءب ده
كريم : طيب
نزلت ليان وطلعت بيت صاحبتها وفضلت ترن الجرس مفيش رد …رنت اكتر من مره وبرضو مفيش رد
ليان بقلق : الله هي راحت فين ديه
طلعت الفون بتاعها ورنت عليها …سامعه صوت الفون بيرن جوا بس مفيش رد
ليان بخوف وهي بتهبد علي الباب : ليلي انتي يابنتي انتي كوويسه ؟
فضل الحل ده لربع ساعه وهي مش عارفه تعمل ايه ..
ليان في نفسها: ياربي طب اعمل اي دلوقتي انا خايفه يكون جرالها حاجه …انا هتصل بكريم يجيلي
كريم كان سايق عربيته ومشغل اغنيه لعمرو دياب وبيدندن معاها وهو بيفتكر شكل ليلى …مش قادر يشيلها من باله ابدا حاسس انها مش بخير …بيدعي لو يشوفها يوم صدفه ..مش عارف هو ممكن يعمل ايه بس هو سايبها للقدر …
رن الفون بتاعه برقم ليان …
كريم بملل : عايزه اي يابت
ليان بدموع : كريم الحقني
كريم وقلبه اتنفض: في اييه؟
ليان : ك كريم صاحبتي مش بترد هي جوه انا سامعه الفون بتاعها بيرن بس هي مش بترد انا خايفه يكون جرالها حاجه والنبي تعالي بسرعه ..
كريم وهو بيلف ويرجع لأخته: حاضر انا جاي اهدي بس اهدي أن شاء الله خير
بعد فتره قصيره وصل كريم وركن عربيه ونزل دخل العماره اللي فيها أخته طلع لقاها واقفه قدام الباب بتعيط …
ليان اول ما شافته اترمت في حضنه وفضلت تعيط …
كريم بخوف: في ايه
ليان : انا خايفه علي ليلي اوي
كريم باستغراب : ليلي !!
ليان : كريم اكسر الباب والنبي
كريم وهو بيبعدها : حاضر
كسر الباب بعد محاولات وجري هو وليان يدوروا عليها في الشقه ملهاش اثر …
ليان بخوف :ياربي هتكون راحت فين ديه
كريم بتفكير: دورتي في الحمام؟
ليان : مش موجوده .
كريم قرب من المطبخ المكان الوحيد اللي مدخلوش فيه ولسه هيتكلم اتكعبل في حاجه ووقع علي الأرض …
كريم بصدمه وهو بيقوم : ل ليييلي
ليان بدموع وقلق : ليلي …كريم شيلها بسرعه ..
كان واقف زي الصنم بيبصلها بصدمه فرحه حزن علي حالها …عقله مكنش مستوعب أنه لقاها بعد كل ده …بعد شهر بيدور عليها نفسه يعرف اي حاجه عنها …عامله ايه قدرت تتخطي اللي هي فيه …تعبانه …ارتبطت بغيره …عقله خلال الشهر ده مكانش بيبطل تفكير وبيدعي ليل مع نهار لو يشوفها صدفه …
ليان وهي بتهزه: كررريم
فاق من شروده وشالها وداها علي الكنبه وحاول هو وليان يفوقوها وبعد فتره فتحت عينيها بتعب …
ليان بفرحه ودموع : ليلي انتي كويسه ؟
ليلي وهي بتسند علي الكنبه وبتحاول تقوم : اااه دماغي ..
كريم : حمدالله علي سلامتك
ليلي بصدمه : ا ايه ده انت !
ليان باستغراب : انتوا تعرفوا بعض؟
كريم : هي ياليان
ليان بصدمه : بتهزر
كريم : والله ما بهزر فعلا هي
ليلي باستغراب: انتوا بتتكلموا علي ايه ؟
ليان بتوتر: هه لا ولا حاجه …ا انا اسفه اني كسرت الباب بس انا قلقت عليكي لما لقيتك مش بتفتحي و وكلمت كريم اخويا يجي يكسر الباب
ليلي بصدمه : هو ده اخوكي !
ليان : ااه
ليلي بحده: متشكرين يااستاذ كريم …تعبت معايا
كريم بهدوء: ولا تعب ولا حاجه حمد لله علي السلامه …انا هستأذن انا ابقي كلميني وانتي مروحه ياليان ..
ليان بفرحه من جواها أن طلعت البنت اللي بيتكلم عنها اخوها ليلي صاحبتها وقررت من جواها تعمل حاجه وهتفذها : ماشي ياحبيبي
نزل كريم وهو طاير من الفرحه وركب عربيته وراح علي الكافيه بتاعه وقعد علي طربيزته اللي كان قاعد عليها لما شاف ليلي وهو مبتسم وبيفكر ازاي يخليها تحبه …هو عارف انها خارجه من فتره صعبه اوي واستحاله تبقي واثقه في بني ادم بس هو هيعمل المستحيل علشان ليلي تحبه …هيحاول يرجعلها ثقتها في نفسها وهيحاول يعوضها عن فقدان اهلها …دايما أخته كانت تحكيله عن صاحبتها اللي سابت خطيبها واهلها اللي ماتوا من زمان وهي عايشه لوحدها …وهو كل ده ميعرفش انها ليلي !
عند ليلي وليان
ليان بشفقه : ايه اللي حصل؟
ليلي وهي بتتنهد بتعب: دوخت ومحستش بنفسي وقعت وانا بعمل حاجه اكلها ..
ليان : انا هقوم اعملك اكل
ليلي باعتراض: لا لا ..انا عايزه اسالك سؤال !
ليان : اتفضلي
ليلي : ه هو كريم اخوكي يعرف اني ص صاحبتك من زمان ؟
ليان : توء انا اتفاجئت اصلا انكوا تعرفوا بعض !
ليلي بارتياح: الحمد لله
ليان بمكر: ليه ؟
ليلي : هحكيلك بس متقوليش لاخوكي حاجه
ليان كانت عارفه هي هتحكلها ايه بس عملت نفسها متعرفش وفضلت تسمع منها لحد الآخر ..
ليلي بخجل : و بصراحه ا انا مجروحه اوي من اخوكي
ليان بخبث : ليه
