خاتم زواج
ليلي : عشان حضنته …ب بس حقيقي انا كنت محتاجه الحضن ده اوي … كنت محتاجه حد يطبطب عليا
ليان وهي بتبص علي ايديها : طب والخاتم ؟
ليلي بشرود: اشتريته يومها عشان ادخل الكافيه واخلي اي شاب يلبسهولي قدام اكرم …ملقتش غير اخوكي قدامي و ومن ساعه ما لبسهولي وانا مش قادره أخرجه من ايدي …يمكن عشان اخوكي طيب وحسسني أن في حد حنين عليا …بجد انا ممتنه لوجوده اوي في اليوم ده رغم أن فات شهر وانا بموت بالمعني الحرفي …بس كل اما افتكر اللي اكرم عمله بستحقره واستحقر قلبي اللي حبه …
ليان بفرحه وآمل أن ليلي ترجع تحب من تاني : الحمد لله ده انتي ربنا نجدك يانوسه
ضحكت ليلي وهي بتفتكر كلام كريم لما قال ل اكرم ” ديه ربنا نجدها نوسه ” وفضلت سرحانه شويه وهي بتفتكر اللي حصل اليوم ده بالتفصيل …في الحقيقه هي كل يوم بتفتكر اللي حصل بس بتحاول تشغل نفسها باي حاجه عشان متقعش تاني في تجربه فاشله هي مش حمل وجع تاني …هي عايزه تعيش حياه هاديه بعيده عن الناس والحب والكره …عايزه تعيش لوحدها ..
ليان : سرحانه في ايه ؟
ليلي بابتسامه حزينه : ولا حاجه
ليان بمرح: طب انا جعانه …انتي مش جعانه؟
ليلي : جدا
ليان بحماس: خلصانه انا هقوم اعمل اكل
ليلي بخوف: لا وحياه امك
ليان : ليه بس ده انا عليا اكل محصلش
ليلي بسخريه: انتي هتقوليلي بأماره اخر مره المكرونه المعجنه والبانيه المحروق ..
ليان بتفكير: اممم خلاص نطلب اكل
ليلي: ماشي
طلبوا بيتزا واكلوا وحاولت ليان تخرج ليلي من اللي هي فيه شويه وجه الليل كانت الساعه ٩ بليل
ليان : انا لازم امشي بقي
ليلي بزعل: لا خليكي معايا بليز
لسه هتتكلم رن جرس الباب …
قامت ليان تفتح لقته شاب طويل وبعضلات …
الشاب باستغراب: مين حضرتك!
ليان بتعجب: انت اللي مين حضرتك !
