بوزك
امي كانت بتدخلي الاكل وبتأكلني بالعافية ….
..
مرة قررت تكلمني وهي بتاكلني…
دخلت الاكل وقعدت كعادتها وبدأت تأكلني في بوقي وهي بتقول :
-حقك عليا يا بنتي …بس لما الدكتور احمد اتصل بيا ومراته وسام كلمتني بنفسها وقالت لمي بنتك اللي بتعرض نفسها على الرجالة أنا اتجنـ.نت ….خوفت اووي من الفضـ.يحة عشان كده دخلت أبوكي…ابوس ايديكي يا بسمة اعقلي وبلاش تفضـ..حينا …قلبي مش محتمل يا بنتي …أنا ممكن امو.ت …
مسكت ايديها وبوستها وانا بقول وانا بعيط :
-انا اسفة ..سامحيني يا ماما ..مش هعمل كده تاني …بس اسمحيلي اطلع واروح شغلي أنا هنا بمو.ت…ابوس ايديكي !!
….
سمحتلي امي اطلع وكنت بروح شغلي واجي من غير أي مشاكل …فضلت اسبوعين ماشية كويس عشان ادي لأمي الآمان …في اول يوم في الأسبوع التالت …صحيت بدري ولميت كل هدومي وسيبت البيت …..وروحت بيته…بيت حبيبي ..
….
وقفت قدام بيت احمد وخبطت عليه فجأة فتحتلي وسام…عينيها اتوسعت بصدمة وقالت بإنفعال ؛
-هو انتي محرمتيش …
-جوزيني جوزك ابوس ايديكي …أنا لو رجعت لأهلي !!!
-انتي بجد مخـ.تلة عقلياً…
ولسه كانت هتقفل الباب بس أنا مسكت الباب وقولت :
-انا عارفة أنك.مبتخلفيش وهتمو.تي على طفل ….لو جوزتيني أحمد أنا هديكي أول طفل لينا تكوني انتي أمه !!!
يتبع
-انتي بجد مخـ.تلة…امشي من هنا !!!
قالتها وسام بصوت مهزوز وكنت عارفة اني اثرت فيها …وسام كان نفسها دايما تخلف ده كان حلم كبير من احلامها جربت كتير دكاترة …حتى انها راحت لشيوخ …كانت مستعدة تعمل المستحيل عشان تخلف ويكون ليها طفل …ده اللي عرفته من هدى اللي شغالة عند الدكتور….دي كانت فرصة كبيرة ليا عشان هي توافق …عرفت وقتها ان لو هي وافقت هو هيوافق طبيعي …عشان كده لعبت على النقطة دي …مسكت الباب قبل ما تقفله في وشي وقولت :
-سمعت أنك هتكفلي طفل وانا بقولك ليه التعب ده…ليه تدخلي طفل غريب ما جوزك ممكن يتجوزني وانا اديكي الطفل تبقي انتي امه للأبد مستعدة اكتب عقد بكده …تخيلي ابن من صلب احمد انتي اللي تربيه…تكوني امه يا وسام …لما تكبري يبقى هو سندك …مش نفسك في كده…
شوفت دموعها بتنزل وقولت ؛
-انا بس عايزة احمد …مش هاخده منك هي ساعتين …أنا راضية بساعتين والله …بس ادهوني …اسمحيلي اتجوزه وانا اوعدك اني هديكي ابني….
دموعها نزلت وقالت:
