بوزك

-يا بنتي ايه اللي بتعمليه في نفسك ده ….ليه تتجوزي واحد متجوز يا بنتي. ..ليه تقـ.هرينا بالشكل ده ….خلينا نروح يا بسمة…انتي ألف واحد يتمناكي ….
دموعي نزلت وقولت بصوت مخنوق ؛
-بس أنا مش عايزة غير احمد يا ماما مبتمناش غيره !!
نفخ ابويا بضـ.يق وقال؛
-هبقى وكيلها واجوزها واخلص منها …ده هو المناسب يا سناء…أنا اصلا عارف ان الجوازة دي مش هتنجح ومش هتجني منها الا المرار…بس براحتها بقا هي اللي هتعاني …واحنا بعد كده ملناش دعوة ….لو عملوا فيها ايه احنا مش هنتدخل !!!
…..

و بالفعل ابويا بقا وكيلي….وبقيت أنا مرات احمد …وروحت مع اهلي واتفقنا نعمل فرح بسيط عشان الاشهار….
….
عملنا الفرح ووسام بنفسها باركتلي بإبتسامة عريضة من غير ما تحس بالقـ.هر ….صحيح وصلت لهدفي بس وسام كانت زي الشوكة في حلقي …كان مفروض هي تغير مني بس اللي حصل العكس تماما…أنا اللي كنت بمو.ت من الغيرة بسببها …..
….
خرجت من شرودي وانا بمسح دموعي … حطيت المخدة على وشي …كنت فاكرة اني لما اتجوزه هفرح بس اللي حصل العكس …أنا مقدرتش اوصل لقلبه …هو بيفضل وسام وبس ….

……
مرت الايام وأحمد جالي وطلب أننا نروح للدكتور عشان جوازنا مر عليه ست شهور من غير حمل ..وانا وافقت عشان ده كان اتفاقي مع وسام …
روحنا لدكتور صاحبه وعملنا كل التحاليل والاشاعات ….واستنينا النتيجة بفارغ الصبر …
….
كنا قاعدين في عيادة الدكتور وهو بيبص لنتايج وبيقول بعملية :
-احمد انت سليم…بس للأسف مراتك مستحيل تخلف…..مراتك عقيمة!!

وشي شحب وانا ببص للدكتور…بلعت ريقي وقولت :
-انت…انت بتقول ايه …ازاي أنا مبخلفش …
-اهدي بس يا مدام….هو للأسف مستحيل تخلفي ….مش أنا اللي بقول كده التحاليل والاشاعات هي اللي بتقول!!!
…….
كنت في عربية احمد وانا دموعي بتنزل من غير ما اقدر اوقفها…أنا مش هخلف..معقولة ….حسيت وكأن حد مسك السكــ,,ـــــينة وضر.بها في قلبي ….صوتي على وانا بعيط …كنت بعيط جامد ….
مد احمد منديل ليا وقال ؛
-ده نصيب متعيطيش ….ربك مش رايد الحمدلله على كل حال….
عيطت اكتر كنت مر.عوبة انه يسيبني …بصتله وانا بمسح دموعي بتوتر وقولت بصوت بيترعش: :

-انت….انت هتسيبني يا احمد …هتسيبني صح ….
مردش عليا وفضل سايق وانا كملت عياطي…..
…..
وصلني البيت قعد على السرير وانا بعيط …احمد وقف وهو بيبصلي بشفقة وقال؛
-هروح اجبلك اكل وكفاية عياط ….
بصتله وانا عينيا حمرا وقولت :
-ممكن متقولش لوسام يا احمد …عشان خاطري متقولهاش كده…مش عايزاها تعرف اني مبخلفش…
-ليه عشان متشمتش فيكي زي ما انتي شمتي فيها ….متقلقيش من الناحية دي مراتي ارقى بكتير من كده …عرفتي ليه هي الكل في الكل عندي لأنك مهما حاولتي تبيني أنك احسن منها وانها ناقصة بتطلع برضه احسن منك سبحان الله ….