تليفون رن الساعه 6:00 الصبح

المحامية كانت ست في أواخر الأربعينات، من النوع اللي “عينه وسط راسه”، نظرتها حادة زي الموس ومركّزة في كل تفصيلة. فضلت تسمع أميرة لحد الآخر وهي بتبص في عينيها، وبعدها مسكت الموبايل، شغلت الفيديو وعادت الحتة المهمة كذا مرة، وهزت راسها بهدوء المتمكن.. بقلم منــال عـلـي
— “بصي يا أميرة.. الشقة اللي باسم حماتك دي، القانون فيه ثغرات كتير تخلي رجوعها صعب شوية، بس إحنا مش هنلعب على الشقة.. إحنا هنلعب على ‘القرش’ اللي خرج من جيبك وجيب عيالك. متوفره على روايات واقتباسات
أميرة سألتها بلهفة: “يعني فيه أمل؟”
المحامية سحبت نفس طويل وقالت بثقة:
— “الأمل في الورق.. مرتب جوزك ده ذمة مالية مشتركة بينكم، وتحويلاته المستمرة لأمه من ورا ضهرك دي تندرج تحت بند ‘تبديد حقوق’. هنرفع قضية تقسيم ممتلكات، وهنطالب بنص المبالغ اللي اتحولت دي، ده غير نفقة العيال، وتقسيم ديون الفيزا اللي هو لبّسهالك.. ماتخافيش، الورق اللي معاكي ده ‘حبل مشنقة’ لأي حد فاكر إنه أذكى من القانون.”
أميرة في اللحظة دي حست بضهرها اتفرد.. لأول مرة من سنين تحس إنها مش محنية تحت حمل الهم، حست ببرد غريب في جسمها كأن روحها هي اللي كانت محبوسة وبدأت ترجع لمكانها.
القضية فضلت دايرة حوالي ٣ شهور.
في أول جلسة،

أحمد كان داخل بـ “عنجهية” مش طبيعية، لابس أشيك بدلة عنده، ورافع راسه لفوق ووشه كله تحدي، وكأن المحكمة دي “فسحة” هيخرج منها منتصر.
أما الست سناء “حماتها”، فكانت دايمًا موجودة، لابسة الطرحة ومنزلاها على عينيها، وأول ما القاضي يبدأ، تبدأ هي في “الوصلة” المعتادة:
— “دي عينها في قرش ابني يا سيادة القاضي! عايزة تخرب بيته وتورثه وهو حي! بتنتقم من نجاحه وتفوقه!”
بس القاضي ما كانش من النوع اللي بياكل من الكلام ده.. القاضي كان عينه في “كشوف الحساب”.
الأرقام كانت بتنطق، والورق كان بيفضح كل حاجة استخبّت في الضلمة.
يوم “١” في الشهر: المرتب ينزل.. ٨٠٪ منه بيتحول فوراً لحساب الست سناء.
* يوم “٢” في الشهر: تحويلات لشركة عقارات.. أقساط الشقة اللي “متأمنة” باسم الأم.
ولما المحامية وقفت وبكل هدوء عرضت “الداتا” دي كلها مرة واحدة، وشرحت بالتاريخ والوقت إزاي الفلوس كانت بتتهرب.. القاعة كلها سكتت.
أحمد وشه قلب ألوان.. العرق بدأ يبان على جبهته، والست سناء قعدت تتمتم بكلام مش مفهوم وهي متبتة في الشنطة بتاعتها كأنها خايفة تضيع منها هي كمان. بقلم منــال عـلـي
الحكم نزل زي الصاعقة عليهم:
1. رد نص الفلوس اللي اتحولت بشكل غير قانوني لأميرة.
2. اعتبار ديون الفيزا “ديون مشتركة”