يوسف كان شاب عادي جدا

مكتب الدراسات العليا وقابل موظفة هناك وحكالها القصة فالست اتأثرت اوي وقالتله بص انا مقدرش اديك بيانات طالبة بس هقولك حاجة البنت اللي انت بتدور عليها لو هي فعلا بتعمل ماجستير في علم النفس فهي غالبا مشرفها دكتور ايهاب ودكتور ايهاب ده راجل طيب اوي روحله وهو هيساعدك يوسف راح لدكتور ايهاب وحكاله كل حاجة من اول نظرة في المترو لحد صورة الكاميرا دكتور ايهاب ضحك وقاله يا ابني انت بتحب بجد بقى ده انت عامل زي افلام زمان بتاعة عبد الحليم حافظ قاله والله يا دكتور بحبها ومعرفش حتى اتكلمت معاها غير كلمة واحدة بس حاسس انها نصي التاني دكتور ايهاب قاله بص يا يوسف انا عندي طالبة اسمها امل فعلا شاطرة ومؤدبة بس بقالها اسبوع غايبة عشان مامتها تعبانة اوي وعندها عملية في القلب في مستشفى القصر العيني يوسف وشه اصفر وقاله بجد طب هي فين دلوقتي قاله المفروض في المستشفى مع مامتها يوسف خد اسم المستشفى وجري على هناك وفضل يدور في الاستقبال والعناية ويسأل لحد ما لقى بنت شبهها قاعدة بتعيط لوحدها في الطرقة كانت هي امل بس خاسة وتعبانة وشكلها منامتش بقالها كتير يوسف قلبه وجعه اوي وقرب منها بشويش وقال امل هي رفعت وشها وبصتله باستغراب وبعدين عرفته وقالت انت انت بتاع المترو صح يوسف اتفاجئ انها عرفاه قالها ايوة انا يوسف قالتله انت ايه اللي جابك هنا وعرفت مكاني ازاي يوسف قعد جنبها وحكالها كل حاجة من اول يوم شافها فيه لحد ما لف القاهرة كلها بصورتها وهي كانت بتسمع ومش مصدقة وعينيها بتدمع وقالتله انت عملت كل ده عشاني انا يوسف قالها ايوة عشان انتي من اول مرة شوفتك وانا حاسس اني اعرفك من زمان واربعين يوم بشوفك كل يوم وبقيتي جزء من يومي ولما اختفيتي حسيت ان يومي ناقص وان حياتي ناقصة امل عيطت اكتر وقالتله انا كمان كنت بستناك كل يوم وكنت باجي بدري مخصوص عشان اشوفك ولما ماما تعبت مكنتش بفكر غير في حاجتين ماما تقوم بالسلامة وانك هتفتكرني ولا هتنساني يوسف قالها انسى مين ده انا كنت بدور عليكي في كل حتة في القاهرة وكنت هقلب الدنيا لحد ما الاقيكي وفي اللحظة دي الدكتور طلع وقال الحمد لله العملية نجحت ومامتها بقت كويسة امل قامت حضنت الدكتور وعيطت من الفرحة ويوسف كان واقف فرحان اوي كأنه هو اللي مامته قامت بالسلامة وبعدها قعدوا سوا في كافتيريا المستشفى وحكوا كتير