قبل الولاده جوزي اداني

تمن علاجي وولادتي؟!
رفع عينيه وقال
الفلوس دي كانت لأخويا.
أخوك؟!
أيوه كان داخل في مشكلة كبيرة، وكان محتاج المبلغ ده بسرعة. وأنا كنت بحوش له من وراكي.
ضحكت بمرارة
يعني كنت قادر تدفع 45 ألف لأخوك، لكن كنت بتحاسبني على ال آلاف اللي صرفتهم وأنا والدة ابنك؟!
ما ردش.
قلت له
المشكلة مش في الفلوس يا عادل المشكلة إنك شوفتني وأنا في أضعف حالاتي، وبدل ما تطمن عليا وعلى ابنك، أول حاجة فكرت فيها كانت باقي الفلوس كام؟
نزل رأسه، وقال
أنا غلطت.
غلطت؟ إنت چرحتني قدام أبويا وأمي!
سكت، وبعدها قام وخرج من البيت.
افتكرت إن الموضوع انتهى، لكن بعد ساعتين رجع ومعاه أبويا.
بصيت لأبويا باستغراب.
قال
عادل جه لي واعتذر.
عادل قرب مني وقال
أنا مش هبرر اللي عملته. أنا غلطت في حقك وحق أبوكي. ودي فلوس كنت حاططها للطوارئ أنا عايزك تحطيها عندك.
ناولني ظرف.
فتحته، لقيت فيه ال ألف جنيه.
قلت
ليه بتديني كل الفلوس دي؟
قال
علشان أفهمك إن المشكلة عمرها ما كانت في الفلوس المشكلة كانت في تفكيري.
أبويا ابتسم وقال
كويس إنك فهمت قبل ما تخسر مراتك.
عادل بص لي وقال
سمر، أنا مش طالب منك تنسي اللي حصل. أنا طالب فرصة أصلح اللي بوظته.
سكت شوية، وبصيت لابني اللي كان نايم قدامي.
افتكرت كل اللي حصل، وافتكرت إن جوازنا لسه جديد، وإن الغلط ممكن يتصلح لو صاحبه اعترف بيه بجد.
قلت له
هديك فرصة بس مش علشان الفلوس. علشان أشوفك تقدر تحافظ على كرامتي زي ما أبويا حافظ عليها.
هز رأسه وقال
وعد.
ومن يومها، عادل اتغير فعلًا.
بقى أول ما ينزل من السفر يسألني
إنتِ محتاجة حاجة؟ والولد محتاج إيه؟
ومرة، بعد شهور، كان أبويا عندنا.
عادل حط قدامه ظرف وقال
ده مش تمن الأكل والشرب يا عمي ده حقك عليا.
أبويا رفض ياخده.
ضحك عادل وقال
أنا عارف إنك مش هتاخده بس أنا محتاج أقدمهولك علشان أعلّم نفسي إن فلوس الراجل ما تخليش قلبه ينسى الأصول.
أبويا حضنه وقال
كده أنا اطمنت على بنتي.
ومن يومها، كل ما أفتكر ال ألف جنيه، ما بفتكرش الفلوس.
بفتكر يوم أبويا حط كرامتي فوق أي مبلغ في الدنيا.
وعرفت إن الإنسان مش بيتقاس هو معاه كام جنيه
الإنسان بيتقاس بقدرته يحافظ على كرامة اللي ائتمنه على قلبه وبيته وأولاده.
وال آلاف جنيه اللي عادل كان فاكرهم مصروف زيادة
كانوا بالنسبة لأبويا أغلى من أي فلوس، لأنهم كانوا ثمن عشرين يوم قضيتهم في بيته وأنا بنتُه قبل ما أكون زوجة أي حد.
ومن يومها، عرفت إن بيت الأب الحقيقي مش المكان اللي بنروح له وقت الولادة بس ده المكان اللي عمره ما يحسب علينا ثمن الۏجع.
صلي على رسول الله