ليان
ليان دموعها نزلت وقالتله طب ودلوقتي، قالها دلوقتي أنا مش عايز منك غير حاجة واحدة، متخافيش مني تاني، واعرفي إن البيت ده بيتك طول عمره، وأنا ضهرك وسندك بعد أبوكي الله يرحمه، ليان بصتله لأول مرة من غير خوف ولا قرف، بصتله بامتنان وحب، وقالتله أنا مبقتش خايفة يا يزن، أنا حاسة بالأمان لأول مرة من ساعة ما بابا مات، والأمان ده انت اللي جبته، يزن ابتسم الابتسامة اللي أول مرة تشوفها حلوة مش تخوف، وقالها طول ما حيطاننا واحدة عمر ما حد هيقدر يفرقنا
ومن ساعتها الحكاية اتغيرت، يزن مبقاش بلطجي الحتة في عين ليان، بقى راجلها، بقى اللي بيستناها تخلص كليتها عشان يتقدملها رسمي، وليان بقت تطلع البلكونة مخصوص عشان تشوفه، وتضحكله الضحكة اللي كان نفسه يشوفها من زمان، ويارا وتاليا وسليم وأسر بقوا يتفرجوا عليهم ويضحكوا ويقولوا أخيرًا حيطاننا الواحدة جمعت قلبين، قصة عناد وكبرياء اتحولت لقصة حب مفيش أحلى منها في الحارة كلها، حب اتولد من شباكين قصاد بعض ومن رسايل كانت بتتقطع وبقت دلوقتي بتتقرا وتتشال جوه القلب
بس اللي محدش يعرفه إن ليان لسه جواها حتة عناد، كانت كل ما تشوف يزن بيضحك مع بنت في الحارة تغير وتدخل ترزع البلكونة زي زمان، وهو ياخد باله ويطلع يجري يصالحها ويقولها يا بت انتي مجنونة انا معنديش غيرك، وهي تقوله وانت ايش عرفني ما انت بلطجي وكل البنات بتجري وراك، يقولها يجروا ان شاء الله حتى يطيروا انا مليش غير ليان وبس، وكانت يارا الصغيرة بتقعد تضحك عليهم وتقول لتاليا شايفة العشق الممنوع ده، تاليا تقولها ممنوع ايه ده حيطاننا واحدة يعني مفيش ممنوع، وسليم صاحب يزن كان دايما يقوله يا عم يزن بطل شغل العيال ده وروح اتقدم للبت بقى وخلصنا، واسر الصغير كان بيروح يذاكر عند ليان عشان هي اشطر منه وكانت بتساعده ويزن يغير منه ويقوله قوم يا اسر ذاكر في بيتكم، اسر يقوله يا عم انا بذاكر مع ابلة ليان انت مالك، الحارة كلها بقت عارفة حكايتهم وبقت حديث الحتة، الستات في السوق يقولوا شوفتي بت علياء وابن ام يزن، الرجالة على القهوة يقولوا الواد يزن اتعدل حاله عشان البت ليان، حتى ام يزن وام ليان بقوا صحاب اكتر من الاول وبقوا يطبخوا لبعض ويعدوا لبعض الاكل من البلكونة في طبق، والحيطان اللي كانت فاصلة بقت هي اللي جمعت، وكل خناقة صغيرة بين ليان ويزن كانت بتنتهي بنظرة من شباك لشباك، نظرة فيها انا جنبك وانا معاكي ومهما حصل حيطاننا واحدة وقلبنا واحد وعمر ما حاجة هتفرقنا تاني ابدا مهما الدنيا لفت ودارت
