الشريك البخيل

واستقلاليتي أنا كانت إني أحتار وأفكر مية مرة قبل ما أقرر هجيب شامبو للشعر ولا هجيب كيلو لحمة يكفينا الأسبوع ده.

أول مرة غسالة الهدوم باظت فيها، كنت لسه هبلة وعلى نياتي.

كنت بغسل الملايات والفرش، والغسالة طلعت صوت مرعب.. الموتور قفش والفرش عام في مية سودة.

كلمت الصيانة، قالوا لي التصليح وقطع الغيار هيكلفوا 4000 جنيه.

خدت نفسي ودخلت الصالة. بقلم منــال عــلي

شريف كان مأنتخ على الكنبة، في إيده كوباية الكابتشينو بتاعته ومضرب الجولف الجديد اللي لسه شاري بـ 30 ألف جنيه ساند بجمبه على الحيطة.

— “الغسالة ماتت يا شريف.. وعايزة تتصلح.”

حتى ملتفتش ليا:

— “وأنا مالي؟”

— “بقولك عايزة تتصلح، تكلفتها 4000 جنيه.”

— “وإنتي بتطلبي مني أنا الفلوس دي ليه إن شاء الله؟”

حسيت إن وداني فيها حاجة غلط:

— “عشان دي غسالة البيت!”

بص لي أخيراً بنظرة كلها كبر وبياخة:

— “أنا مبستعملهاش يا مريم.. إنتي اللي بتغسلي عليها.”

ريقي نشف وسألته: بقلم منــال عــلي

— “ومين اللي بيغسل هدومك؟”

— “إنتي، وبمزاجك.. أنا عادي جداً ممكن أودي حاجتي اللاندري اللي في أول الشارع وأدفع تمنها بنفسي.”

في اللحظة دي.. كان المفروض ألم حاجتي وأمشي.

في اللحظة دي بالذات.

بس مصلحتش.. غبائي خلاني أدفع الـ 4000 جنيه بفيزا المشتريات وقسطتهم على 6 شهور بفوائد.

واستمريت.. لأن الست دايماً بتتعلم تبلع غضبها لما بتبقى لسه متعشمة إن الحب ممكن يتصلح.

بعدها بشهرين، التلاجة قطعت مياه ونور.

كل الفراخ، اللبن، الخضار، وتورتة عيد ميلادي اللي كنت لسه شرياها باظوا وريحتهم طلعت.

شريف رجع البيت متأخر يومها.

وفي إيده كيس كبير من براند شهير في “سيتي ستارز”.

— “بصي يا مريم”، قالها وهو مفرسخ من الفرحة: “جبت الشوز ده عشان طالعين الويك إيند ده مع شلة الشغل الساحل الشمالي.”

— “ويك إيند إيه؟”

— “رحلة تبع الشغل يا بنتي، هنقضي تلات أيام في الجونة.”

أنا كنت قاعدة على بلاط المطبخ قدام التلاجة الميتة، في إيدي سفنجة وبلم الأكل المعفن في أكياس زبالة سودة:

— “التلاجة باظت ومبقتش تسقع يا شريف.”

— “هاتي غيرها قسط من رنين أو بي تيك.”

— “الفيزا بتاعتي مقفولة ليميت بسبب تصليح الغسالة.”

— “خلاص، ارسمي على قدك ووفري من مصروفك.”

ضحكت.. ضحكة سخرية ومرارة.

الضحكة دي نرفزته جداً: بقلم منــال عــلي